വാണിയംകുളം പഞ്ചായത്തിനു കീഴിലെ ക്വാറന്റീന് കേന്ദ്രത്തിന്റെ നെടുംതൂണായ സുധീഷിന്റെ നന്മമനസ്സ് കേന്ദ്രം നിലനിര്ത്താന് പ്രേരണയും ആത്മവിശ്വാസവുമാകുന്നു!
സംസ്ഥാനത്ത്് തദ്ദേശഭരണ സ്ഥാപനങ്ങളുടെ കീഴില് ശേഷിക്കുന്ന അപൂര്വം ക്വാറന്റീന് കേന്ദ്രങ്ങളില് ഒന്നായ വാണിയംകുളം പഞ്ചായത്തിനു കീഴിലെ ക്വാറന്റീന് കേന്ദ്രത്തിന്റെ നെടുംതൂണാണ് ഒറ്റപ്പാലം പുലാച്ചിത്ര പുലാശ്ശേരി സുധീഷ് (27) . ഇങ്ങനെയൊരാള് ഉള്ളതാണു ക്വാറന്റീനില് കഴിയാന് വീട്ടില് സൗകര്യമില്ലാത്തവര്ക്കായി ഈ കേന്ദ്രം നിലനിര്ത്താന് പ്രേരണയും ആത്മവിശ്വാസവുമെന്ന് പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷന് കെ. കൃഷ്ണകുമാര് പറഞ്ഞു.
മേയ് 8-ാം തീയതി തുടങ്ങിയ ഈ കേന്ദ്രം പ്രവാസി മലയാളികള്ക്കും ഇതര സംസ്ഥാനങ്ങളില്നിന്നു വരുന്നവര്ക്കുമായി ഇതിനകം നൂറിലേറെപ്പേര്ക്കു തുണയായി. ഇവിടെ ക്വാറന്റീനില് കഴിയുന്നവര്ക്ക് ഭക്ഷണവും വെള്ളവും പ്രതിരോധ മരുന്നുമൊക്കെ യഥാസമയം എത്തിച്ചുകൊടുക്കുന്നതും, ഓരോരുത്തരുടെയും നിരീക്ഷണ കാലാവധിക്കു മുന്പു മുറികള് വൃത്തിയാക്കുന്നതും ആളൊഴിയുന്ന മുറയ്ക്ക് അണുവിമുക്തമാക്കുന്നതും സുധീഷാണ്. രാത്രി വിമാനമിറങ്ങി വരുന്നവര്ക്കായി ചില ദിവസങ്ങളില് ഉറങ്ങാതെ കാത്തിരുന്നിട്ടുണ്ട്. സമ്പര്ക്കമുണ്ടായവരെയും ഇപ്പോള് ഇവിടെ പാര്പ്പിക്കുന്നുണ്ട്.
ആയുഷ് ഗ്രാമം പദ്ധതിയുടെ പ്രവര്ത്തകനും പഞ്ചായത്തിലെ യൂത്ത് കോ-ഓര്ഡിനേറ്ററുമാണ് സുധീഷ്. സമൂഹ അടുക്കളയിലെ ഭക്ഷണം എത്തിക്കുന്ന ദൗത്യവുമായാണ് ഓട്ടം തുടങ്ങിയത്. ആദ്യനാളുകളില് കൂടെയുണ്ടായിരുന്ന സന്നദ്ധ പ്രവര്ത്തകരില് പലരും പിരിഞ്ഞുപോയി. ക്വാറന്റീന് കേന്ദ്രത്തിലെ സേവനത്തിനു പുറമേ, ആരോഗ്യവകുപ്പിന്റെ പുനര്ജനി പദ്ധതിയുടെ പ്രതിരോധമരുന്നു വിതരണവും ഏറ്റെടുത്തിട്ടുണ്ട്.
https://www.facebook.com/Malayalivartha