മുടിയില് പിടിച്ച് വലിച്ച് മുഖത്ത് ചവിട്ടിയതിന് പിന്നാലെ പല തവണ അടിച്ചു... കാല് വച്ച് മുഖത്ത് അമര്ത്തി വീണ്ടും ക്രൂരത; മോട്ടോര് വെഹിക്കിള് ഇന്സ്പെക്ടറായ ഭര്ത്താവിന്റെ ക്രൂരത 24 കാരി പുറത്ത് വിട്ടത് മരിക്കുന്നതിനു നിമിഷങ്ങൾ മുൻപ്... വിവാഹം കഴിഞ്ഞു ഒരുവർഷത്തോളം പീഡിപ്പിച്ചത് ഒരൊറ്റ ഉദ്ദേശ്യം ലക്ഷ്യം വെച്ച്; കൊല്ലത്ത് യുവതിയെ ഭര്തൃഗൃഹത്തില് തൂങ്ങി മരിച്ച നിലയില് കണ്ടെത്തിയ സംഭവത്തിൽ കൂടുതൽ വിവരങ്ങൾ പുറത്ത്....
കൊല്ലത്ത് യുവതി ഭര്ത്താവിന്റെ വീട്ടില് തൂങ്ങി മരിച്ച നിലയില് കണ്ടെത്തിയ സംഭവത്തിൽ കൂടുതൽ വിവരങ്ങൾ പുറത്ത് വരുകയാണ്. അസിസ്റ്റന്റ് വെഹിക്കിള് ഇന്സ്പെക്ടര് അരുണ് കുമാറിന്റെ ഭാര്യ നിലമേല് കൈതോട് സ്വദേശിനി വിസ്മയ (24) ആണ് മരിച്ചത്.
സ്ത്രീധന പീഡനത്തെ തുടര്ന്നുള്ള കൊലപാതകമെന്ന് ആരോപിച്ച് ബന്ധുക്കള് പൊലീസില് പരാതി നല്കി. കഴിഞ്ഞവര്ഷം മാര്ച്ചിലായിരുന്നു ഇവരുടെ വിവാഹം. സ്ത്രീധനത്തെച്ചൊല്ലി ഭര്ത്താവ് നിരന്തരം വിസ്മയയെ മര്ദ്ദിക്കുമായിരുന്നു എന്ന് ബന്ധുക്കള് പറയുന്നു.
ക്രൂരമായ മര്ദ്ദനത്തിന്റെ വിവരങ്ങളാണ് വിസ്മയ ബന്ധുക്കള്ക്ക് അയച്ച വാട്സാപ്പ് സന്ദേശങ്ങളില് പറയുന്നത്. വിസ്മയയുടെ കയ്യിലും മുഖത്തും അടക്കം അടി കൊണ്ട് നീലിച്ചതിന്റെ പാടുകളുണ്ട്. തന്നെ ഭര്ത്താവ് വീട്ടില് വന്നാല് അടിക്കുമെന്ന് വാട്സാപ്പ് ചാറ്റില് വിസ്മയ പറയുന്നു.
തനിക്ക് സ്ത്രീധനമായി തന്ന വണ്ടി കൊള്ളില്ലെന്ന് ഭര്ത്താവ് കിരണ് പറഞ്ഞെന്നും അതിന്റെ പേരില് തന്നെയും
അച്ഛനെയും തെറി പറഞ്ഞെന്നും ചാറ്റില് വിസ്മയ ബന്ധുക്കളോട് പറയുന്നു.
പല തവണ തെറി പറഞ്ഞെങ്കിലും അതെല്ലാം കേട്ട് സഹിച്ചു.
പക്ഷേ, ഒടുവില് നിര്ത്താന് പറഞ്ഞ് മുറിയുടെ കതക് തുറന്നപ്പോള് വിസ്മയയുടെ മുടിയില് പിടിച്ച് വലിച്ച് മുഖത്ത് ചവിട്ടുകയും പല തവണ അടിക്കുകയും ചെയ്തെന്നും വിസ്മയ പറയുന്നു. കാല് വച്ച് മുഖത്ത് അമര്ത്തിയെന്ന് പറയുമ്ബോള്, അതെല്ലാം അച്ഛനോട്പറയണമെന്ന് ബന്ധു വിസ്മയയോട് പറയുന്നുണ്ട്.
മോട്ടോര് വാഹന വകുപ്പ് ഉദ്യോഗസ്ഥനായ കിരണുമായി 2020 മാര്ച്ചിലായിരുന്നു വിസ്മയയുടെ വിവാഹം. ഭര്തൃഗൃഹത്തില് വച്ച് മര്ദ്ദനമേറ്റെന്നു കാട്ടി ഇന്നലെ വിസ്മയ ബന്ധുക്കള്ക്ക് വാട്സാപ്പ് സന്ദേശം അയച്ചിരുന്നു. മര്ദ്ദനത്തില് പരുക്കേറ്റ ദൃശ്യങ്ങളും ബന്ധുക്കള്ക്ക് കൈമാറിയിരുന്നു.
ഇന്ന് പുലര്ച്ചെയാണ് യുവതിയെ തൂങ്ങിമരിച്ച നിലയില് കണ്ടെത്തിയത്. യുവതിയുടെ വീട്ടുകാരെ പുലര്ച്ചെ വിസ്മയ തൂങ്ങി മരിച്ചു എന്നു വിവരം അറിയിക്കുകയായിരുന്നു. തുടര്ന്ന് ബന്ധുക്കള് നിലമേലില് നിന്നും ശാസ്താംകോട്ടയിലെത്തി. എന്നാല് ബന്ധുക്കള് എത്തുന്നതിന് മുമ്ബു തന്നെ മൃതദേഹം വീട്ടില് നിന്നും മാറ്റിയിരുന്നെന്നും യുവതിയുടെ മാതാപിതാക്കള് പറയുന്നു.സംഭവത്തില് വിശദമായ അന്വേഷണം നടത്തുമെന്ന് പൊലീസ് വ്യക്തമാക്കി.
https://www.facebook.com/Malayalivartha