സ്തനാര്‍ബുദം പുരുഷന്മാര്‍ക്കും ഉണ്ടാകുമെന്ന് കണക്കുകള്‍!
സ്ത്രീകള്‍ക്ക് മാത്രമാണു സ്തനാര്‍ബുദം ബാധിക്കുക എന്നാണു ബുഹുഭൂരിപക്ഷം പേരുടെയും ധാരണ. എന്നാല്‍ ഇത് സ്ത്രീകള്‍ക്കു മാത്രം വരുന്ന രോഗമല്ല. സ്ത്രീകളെ അപേക്ഷിച്ചു കുറവാണ് എങ്കിലും പുരുഷന്മാര്‍ക്കും സ്തനാര്‍ബുദം ഉണ്ടാകാം. നാഷണല്‍ ബ്രെസ്റ്റ് ക്യാന്‍സര്‍ ഓര്‍ഗനൈസേഷന്റെ കണക്കുകള്‍ പ്രകാരം പ്രതിവര്‍ഷം 440 പുരുഷന്മാര്‍ ബ്രെസ്റ്റ് ക്യാന്‍സര്‍ മൂലം മരണപ്പെടുന്നു.
ഈ രോഗത്തിന്റെ യഥാര്‍ഥ കാരണങ്ങള്‍ ഇന്നും അജ്ഞാതമാണ്. സ്വയം പരിശോധനയിലൂടെ ഒരു പരിധിവരെ സ്തനാര്‍ബുദം നിര്‍ണ്ണയിക്കാന്‍ കഴിയും. സ്തനങ്ങളില്‍ ചെറിയമുഴയും വീക്കവും ഉള്ളവര്‍ മടിച്ചു നില്‍ക്കാതെ പരിശോധനയ്ക്കു വിധയമാകണം. ഇവര്‍ക്കു മറ്റുള്ളവരെ അപേക്ഷിച്ചു സ്തനാര്‍ബുദ സാധ്യത കൂടുതലാണ്.
10-15 ശതമാനം ബ്രെസ്റ്റ് ക്യാന്‍സറും പകരുന്നതു പാരമ്പര്യത്തിലൂടെയാണ്. രക്തബന്ധം ഉള്ളവര്‍ക്കു ബ്രെസ്റ്റ് ക്യാന്‍സര്‍ വന്നിട്ടുണ്ടെങ്കില്‍ മറ്റുള്ളവരെ അപേക്ഷിച്ച് ഇവര്‍ക്ക് സ്തനാര്‍ബുദ സാധ്യത മൂന്നിരട്ടിയാണ്.
ആര്‍ത്തവ വിരമം കഴിഞ്ഞ സ്ത്രീകള്‍ക്കാണു യുവതികളേക്കാള്‍ സ്തനാര്‍ബുദ സാധ്യത കൂടുതല്‍. അമിതവണ്ണമുള്ളവര്‍ക്കും ക്യാന്‍സര്‍ വികാസസാധ്യത കൂടുതലാണ്.
https://www.facebook.com/Malayalivartha
