ജര്മനിയും യുകെയും ഒരുമിച്ചിറങ്ങുന്നു; റഷ്യ പിന്നോട്ട്; 6000 മിസൈലുകളും 33 മില്യണ് ഡോളറും ഇറക്കി; യുകെയുടെ പ്രകമ്പനം..
റഷ്യയ്ക്കെതിരെ പ്രതിരോധം തീര്ക്കുന്ന യുക്രെയ്നിന് സഹായ ഹസ്തവുമായി യുകെ. യുക്രെയ്നിന് 6000 മിസൈലുകള് നല്കുമെന്ന് യുകെ പ്രധാനമന്ത്രി ബോറിസ് ജോണ്സണ് വ്യക്തമാക്കി. ടാങ്കുകളെ തകര്ക്കാന് ശേഷിയുളളതും ഉഗ്രസ്ഫോടക ശേഷിയുളള ആയുധങ്ങള് വഹിക്കാന് കഴിയുന്നതുമായ മിസൈലുകളാണ് യുകെ നല്കുക. ഇത് കൂടാതെ സാമ്പത്തിക സഹായമായി 33 മില്യാണ് ഡോളറും നല്കുമെന്ന് ബോറിസ് ജോണ്സണ് അറിയിച്ചു.
യുക്രെയ്ന്റഷ്യ യുദ്ധം ആരംഭിച്ച് രണ്ട് മാസമായ സാഹചര്യത്തിലാണ് കൂടുതല് പ്രതിരോധ ആയുധങ്ങള് കയറ്റി അയയ്ക്കാന് യുകെ തീരുമാനിച്ചത്. യുക്രെയ്നിന് സൈനികവും സാമ്പത്തികവുമായ പിന്തുണ വര്ദ്ധിപ്പിക്കുന്നതിന് സഖ്യകക്ഷികളുമായി പ്രവര്ത്തിക്കുമെന്നും ഈ പോരാട്ടത്തില് റഷ്യയ്ക്കെതിരെ പ്രതിരോധം ശക്തിപ്പെടുത്തുമെന്നും യുകെ പ്രധാനമന്ത്രി വ്യക്തമാക്കി.
റഷ്യന് അധിനിവേശത്തെപ്പറ്റി നാറ്റോയും ജി7 ഉച്ചകോടിയും ചര്ച്ച ചെയ്യാനിരിക്കെയാണ് പ്രഖ്യാപനം. യുക്രെയ്നില് ആക്രമണം അഴിച്ചുവിടുന്ന റഷ്യയ്ക്കൊപ്പം നില്ക്കാന് സാധിക്കില്ലെന്നാണ് യുകെ അധികൃതര് പറയുന്നത്. യുദ്ധത്തില് തകരുന്ന യുക്രെയ്നിന് സഹായവുമായി ജര്മനിയും രംഗത്തെത്തുന്നുണ്ട്.
യുദ്ധം വിജയിക്കുന്നതിനും അധിനിവേശക്കാരെ പുറത്താക്കാനും യുക്രെയ്ന് എല്ലാ പിന്തുണയും നാറ്റോ സെക്രട്ടറി ജനറല് ജന്സ് സ്റ്റോളന്ബര്ഗ് പ്രഖ്യാപിച്ചു. റഷ്യന് അധിനിവേശത്തെ പ്രതിരോധിക്കാന് ആവശ്യമായ ആയുധം ഉള്പ്പെടെ എല്ലാ സഹായവും നല്കണമെന്ന് യുക്രെയ്ന് പ്രസിഡന്റ് വൊളോഡിമര് സെലന്സ്കി നാറ്റോ ഉച്ചകോടിക്കുമുന്പായി സഖ്യത്തോട് ആവശ്യപ്പെട്ടിരുന്നു. ഇതെ തുടര്ന്നാണ് കലവറയില്ലാത്ത പിന്തുണ പ്രഖ്യാപിച്ചത്.
റഷ്യന് അധിനിവേശം ഒരുമാസം പിന്നിടുമ്പോള് രാജ്യത്തിന് പിന്തുണ നല്കുന്നതിനായി ലോകമെമ്പാടുമുള്ള ആളുകളോട് വ്യാഴാഴ്ച പൊതുവേദികളില് ഒത്തുചേരാന് പ്രസിഡന്റ് വൊളോഡിമിര് സെലന്സ്കി ആഹ്വാനം ചെയ്തു. ആളുകള് പ്രധാനമാണ്,സ്വാതന്ത്ര്യവും സമാധാനവും പ്രധാനമാണ്. രണ്ടാം ലോകമഹായുദ്ധത്തിനു ശേഷമുള്ള യൂറോപ്പിലെ ഏറ്റവും വലിയ ആക്രമണത്തിന് ഫെബ്രുവരി 24 ന് റഷ്യ തുടക്കമിട്ടു. യുക്രെയ്ന് സര്ക്കാരിനെ അട്ടിമറിക്കാന് ശ്രമിച്ചു.
എന്നാല് യുക്രെയ്ന്റെ പ്രതിരോധത്തില് റഷ്യ അടിപതറി. യുക്രെയ്നിലെ നാലാഴ്ചത്തെ യുദ്ധത്തില് 7,000 മുതല് 15,000 വരെ റഷ്യന് സൈനികര് കൊല്ലപ്പെട്ടതായി നാറ്റോ കണക്കാക്കുന്നു. യുക്രെയ്ന്റെ പ്രിതരോധം കാരണം രാജ്യത്തിനുമേല് മിന്നല് വിജയം നേടാന് കഴിയാതെ മോസ്കോ പിന്നാക്കംപോയി. അഫ്ഗാനിസ്ഥാനില് 10 വര്ഷത്തിനിടെ റഷ്യയ്ക്ക് ഏകദേശം 15,000 സൈനികരെ നഷ്ടപ്പെട്ടതായും നാറ്റോ വ്യക്തമാക്കി.
https://www.facebook.com/Malayalivartha
