എൽ.ഡി.എഫ് പ്രവേശനത്തെ സംബന്ധിച്ച അഭ്യൂഹങ്ങൾക്ക് വിരാമമിട്ട് പി.സി.ജോർജ് .പൂഞ്ഞാര്‍ എംഎല്‍എ പിസി ജോര്‍ജ്ജ് എല്‍ഡിഎഫിലേക്ക് എത്തുമെന്ന റിപ്പോര്‍ട്ടുകള്‍ക്ക് അടുത്തിടെ ചൂടുപിടിച്ചിരുന്നു. കേരള കോണ്‍ഗ്രസ് നേതാവ് ബാലകൃഷ്ണ പിള്ള മുന്‍കകൈ എടുത്ത് പിസി ജോര്‍ജ്ജിനെ ഇടതുപക്ഷത്ത് എത്തിക്കാന്‍ ശ്രമം നടത്തുണ്ടെന്നായിരുന്നു റിപ്പോർട്ടുകൾ . എന്നാൽ പുറത്തുവന്ന വാർത്തകൾ സത്യമല്ലെന്ന് പി.സി. മലയാളിവാർത്തയോട് പ്രതികരിച്ചു .

"താനിപ്പോൾ പുതിയ ഒരു പാർട്ടിയുടെ രൂപീകരണത്തിലാണ്. ജനപക്ഷം എന്ന പാർട്ടിയുടെ ജില്ലാതല തിരഞ്ഞെടുപ്പുകൾ നടക്കുകയാണ്. പാർട്ടിയുടെ സംസ്ഥാനതല തിരഞ്ഞെടുപ്പിന് ശേഷം മാത്രമേ വ്യക്തമായ രാഷ്ട്രീയനിലപാടുകൾ പറയാൻ സാധിക്കു" അദ്ദേഹം പറഞ്ഞു .

കേരള കോൺഗ്രസിലെ ബാല കൃഷ്ണ പിള്ളയും സ്കറിയ തോമസും തമ്മിലുള്ള ലയനം നാണം കേട്ട രാഷ്ട്രീയ കളി ആണെന്നാണ്‌ പി സി യുടെ നിരീക്ഷണം. ഈ വിഷയത്തിൽ പിസി യുടെ പ്രതികരണം അല്പം കടുത്തതായിരുന്നു .

എൽ ഡി എഫ് പ്രേവേശനം അല്ലാതെ പി സി യുടെ ഭാവി പരിപാടികളെ കുറിച്ച് ചോദിച്ചപ്പോൾ വ്യക്തമായ മറുപടിയാണ് മലയാളി വാർത്തക്ക് ലഭിച്ചത്. പാർട്ടിയുടെ നേതൃത്വത്തിൽ കാസർകോട് മുതൽ പാറശ്ശാലവരെ ജനങ്ങളുടെ പ്രശ്നങ്ങൾ നേരിട്ടറിയാൻ യാത്ര സംഘടിപ്പിക്കുമെന്നും പി.സി വ്യക്തമാക്കി .

പോപ്പുലർ ഫണ്ട് SDPI തുടങ്ങിയ പാർട്ടികളുടെ നിരോധനത്തെ കുറിച്ചും ശക്തമായ നിലപാടാണ് പിസി ക്കുള്ളത് ..

വീഡിയോ കാണൂ.......