രാ​ഹുൽ മാങ്കൂട്ടത്തിലിനെ പ്രതിരോധത്തിലാക്കി പുറത്ത് വന്ന ശബ്ദ സന്ദേശത്തിന് പിന്നാലെ രാഹുലിനൊപ്പം നിൽക്കുന്ന അല്ലെങ്കിൽ രാഹുൽ മാങ്കൂട്ടത്തിലിനൊപ്പം നിൽക്കുന്ന സ്ത്രീകൾക്കെതിരെ അപമാനിച്ച് പരാമർശം നടത്തുകയാണ്. നടിയായ സീമ ജി നായരും , അനുശ്രീയുമൊക്കെയാണ് ആ സ്ത്രീകളിൽ സൈബർ ആക്രമണം നേരിടേണ്ടി വന്ന പ്രമുഖർ.. എന്തായാലും ഈ വിഷയത്തിൽ അതിശക്തമായ പ്രതികരണവുമായി സാമൂഹിക പ്രവർത്തകയായ അഞ്ജു പാർവ്വതി പ്രബീഷ് രം​ഗത്ത് എത്തി. സോഷ്യൽ മീഡിയയിൽ ഒരു കുറിപ്പ് പങ്ക് വച്ചായിരുന്നു ആ പ്രതികരണം. പോസ്റ്റിന്റെ പൂർണ രൂപം ;

എന്തായാലും ഈ കണ്ണൂർ സഖാത്തി ചെയ്തത് പോലൊരു കൊടും പാപം ഈ രണ്ട് പെണ്ണുങ്ങൾ ചെയ്തിട്ടില്ല. സീമ ചേച്ചിയോ അനുശ്രീയോ ഒരു കുടുംബത്തെ അനാഥമാക്കി, രണ്ട് പെൺകുട്ടികൾക്ക് അവരുടെ അച്ഛനെ ഇല്ലാതാക്കി കൊടുത്തില്ല. ഈ രണ്ട് സ്ത്രീകളും എന്തായാലും പക മൂത്ത് ഭ്രാന്ത് ഇളകി ഒരു മനുഷ്യനെ മരണത്തിലേയ്ക്ക് തള്ളി വിട്ടില്ല. അവരിത് വരേയ്ക്കും നിങ്ങളെ പോലെ വിളിക്കാത്ത ഒരു ചടങ്ങിലേയ്ക്കും കയറി ചെന്നിട്ടില്ല, മനുഷ്യനെ പച്ചയ്ക്ക് അപമാനിച്ച് കൊല്ലാൻ കച്ച മുറുക്കിയിട്ടും ഇല്ല സഖാത്തി. പിന്നെ ഗോവിന്ദച്ചാമിയെ കുറിച്ച് പറഞ്ഞത് കൊണ്ട് രണ്ട് വാക്ക് ഓർമ്മിപ്പിക്കട്ടേ സഖാത്തി. കൂടുതൽ കളിച്ചാൽ തന്തയില്ലാത്ത കൊച്ചിനെ ഒണ്ടാക്കി തരുമെന്ന് കൂടെയുള്ള സഖാത്തിയെ നോക്കി പറഞ്ഞ ഏതോ ഒരു കമ്മിച്ചാമിയെ എടുത്ത് ഷോ പീസ് ആയിട്ട് പാർട്ടി ആപ്പീസിൽ വച്ചിരിക്കുന്ന നിങ്ങൾക്ക് എന്ത് ധാർമികതയാണ് ഉള്ളത് സ്ത്രീയേ അടുത്തവരെ വിമർശിക്കാൻ? പിന്നെ മറ്റൊന്ന് ശശി സഖാവിന്റെ പീഡന മെഷീന്റെ തീവ്രത അളക്കാൻ നിങ്ങടെ ശ്രീമതി സഖാത്തിയും ബാലൻ സഹാവും ഇറങ്ങി തിരിച്ചത് പോലൊരു സാഹസം മറ്റൊരു പാർട്ടിയും ഇതേ വരെ കാണിച്ചിട്ടില്ല.

കൊല്ലം MLA യുടെ ഗ്ലൂ ഒട്ടിക്കൽ മെക്കാനിസത്തിന്, അങ്ങേർക്ക് എതിരെ വന്ന മീ ടു ആരോപണങ്ങൾക്ക് എതിരെ ഒക്കെ ലേശം കമ്മ്യൂണിസ്റ്റ് പച്ച ലേഹ്യം കൊടുത്ത് ശമനം ഉണ്ടാക്കിയിട്ട് പോരേ അടുത്തവരെ വിമർശിക്കാൻ? ആന വണ്ടി മന്ത്രി കാണിച്ച് കൂട്ടിയ അവരാത കഥകളുടെ നീണ്ട ലിസ്റ്റ് കണ്ടും കേട്ടും മടുത്ത പൊതു ജനത്തിനോടാണ് സഖാത്തിയുടെ പ്രസംഗം. എന്തായാലും മാങ്കൂട്ടത്തിലിന് കണ്ട പെണ്ണുങ്ങടെ ഭർത്താവിൽ നിന്ന് കരണം പൊകയ്ക്കണ മാതിരി തല്ല് കിട്ടിയിട്ടില്ല. രാത്രി ആവുമ്പോ റെമി മാർട്ടിൻ സേവയുടെ അസ്കിതയിൽ സ്വപ്ന സുരേഷിന്റെ മൊബൈലിൽ ശൂ ശൂ വിളിക്കുന്ന രാമകൃഷ്ണ സഹാവിന്റെയും മൂന്നാറിലെ മൂവന്തിയിൽ മുത്താരമായി മാറാം, കൂടെ വാ എന്ന് വിളിക്കുന്ന കയറുപിരി സഖാവിന്റെയും ഒക്കെ ഏനക്കേട് തീർത്ത് കൊടുക്കാൻ ഉള്ള ലേഹ്യം അടുപ്പത്ത് വച്ചിട്ട് പോരായോ ഈ പ്രസ്താവന?? 34 വർഷം സ്തുത്യർഹമായ സർക്കാർ സേവനം ചെയ്ത, അഴിമതിയുടെ കറ പുരളാത്ത സർവീസ് റെക്കോർഡുമായി പടി പടിയായി ഉയർന്നു വന്നൊരു മനുഷ്യൻ ഒരൊറ്റ ദിവസം കൊണ്ട് അഴിമതിക്കാരനാക്കി ചാപ്പ കുത്തി മരണത്തിന്റെ ടിക്കറ്റ് എടുത്ത് കൊടുത്ത നിങ്ങൾക്ക് രാഷ്ട്രീയം പറയാൻ എന്ത് അവകാശം?

സ്വന്തം ബിനാമി ബിസിനസ്സിന് കുട പിടിക്കാൻ നിൽക്കാത്തത് കൊണ്ട് മാത്രം നിങ്ങളുടെ ബ്ലാക്ക് ലിസ്റ്റിൽ കയറിപ്പറ്റിയ ഒരു മനുഷ്യനെ ഒരൊറ്റ ദിവസം കൊണ്ട് തകർത്ത് തരിപ്പണമാക്കിയ കോൾഡ് blooded സൈക്കോ മൈൻഡ് സെറ്റ് എന്തായാലും സീമ ചേച്ചിക്കും ഇല്ല, അനുവിനും ഇല്ല. പകയുടെ കരിമ്പനയ്ക്ക് മേലെ കുടിയിരുന്ന് ഒരു പാവം മനുഷ്യജീവിയെ കൊന്ന് കൊലവിളിച്ചു പച്ചയ്ക്ക് ചോര കുടിച്ച ഒരു നികൃഷ്ട ജന്മമല്ല ആ രണ്ട് സ്ത്രീകൾ. എന്തായാലും അവരുടെ മേലെ ഒരു ആത്മാവിന്റെയും ശാപം ഇല്ല.
ആദ്യം സ്വന്തം പാർട്ടി മുറ്റത്ത് പൊട്ടി പൊളിഞ്ഞു കിടക്കുന്ന സെപ്റ്റിക് ടാങ്ക് കോരി കളഞ്ഞ് വൃത്തിയാക്ക്, എന്നിട്ട് മതി അപ്പുറത്തെ പറമ്പിലെ കള പറിക്കാൻ ഇറങ്ങാൻ