രാഹുലിനെതിരെ പുതിയ ചാറ്റ്, ഫോൺ സംഭാഷണങ്ങൾ പുറത്തുവന്നതിനു പിന്നാലെ എം.എൽ.എയ്ക്ക് വീണ്ടും പിന്തുണയുമായി നടി സീമ ജി. നായർ. ഒരു പുരുഷന് മാത്രമായി തെറ്റ് സംഭവിക്കില്ലെന്നും തെറ്റ് ചെയ്താൽ തീർച്ചയായും ശിക്ഷിക്കപ്പെടണം. ഏതുതരം സൈബർ ആക്രമണം വന്നാലും താൻ പറഞ്ഞതിൽ ഉറച്ചുനിൽക്കുമെന്നും സീമ പറയുന്നു. സീമ ജി. നായരുടെ

ഫെയ്സ്ബുക്ക് പോസ്റ്റിന്റെ പൂർണരൂപം:

ശുഭദിനം, ഇന്നലെ ചില പ്രശ്നങ്ങൾ വീണ്ടും ഉടലെടുത്തിട്ടുണ്ട്. അതിന്റെ പേരിൽ സൈബർ അറ്റാക്കും തുടങ്ങിയിട്ടുണ്ട്. അതിൽ "തീക്കുട്ടി "എന്ന മുഖമില്ലാത്ത വ്യക്തിയിൽ നിന്നും ഏറ്റവും അധികം ആക്ഷേപിച്ചുകൊണ്ടു എനിക്കെതിരെ പോസ്റ്റ് വന്നിട്ടുണ്ട്.(തീക്കുട്ടി പറയുന്നത് എന്റെ സമയം ആയി എന്നാണ്, ദൈവം തമ്പുരാൻ തീക്കുട്ടിയുടെ രൂപത്തിൽ അവതരിച്ചു എന്നുള്ളത് അടിയൻ അറിഞ്ഞില്ല.. പൊറുക്കണേ മുഖം ഇല്ലാത്ത തമ്പുരാനെ )

ഞാൻ രാഹുലിന് വേണ്ടി കഴിഞ്ഞ 3 മാസമായി PR വർക്ക് ചെയ്യുകയായിരുന്നുവെന്ന്. പിന്നെ ആവശ്യത്തിൽ കൂടുതൽ എഴുതിയിട്ടുണ്ട്. അതിന്റെ താഴെ വന്നു ഈ പോസ്റ്റ് കാത്തിരുന്നതുപോലെ ആക്ഷേപങ്ങൾ വളരെ കൂടുതലുണ്ട്. ഇനി ഞാൻ പറയട്ടെ, ഏത് തീക്കുട്ടി വന്ന് എന്തെഴുതിയാലും, തേനീച്ചക്കൂട് ഇളകിയപോലെ സൈബർ അറ്റാക്ക്‌ വന്നാലും, ഞാൻ എന്റെ സ്റ്റേറ്റ്മെന്റിൽ ഉറച്ചു നിൽക്കും.

(ആദ്യം ഞാൻ രാഹുലിന് വേണ്ടി ഇട്ട പോസ്റ്റിൽ എഴുതിയ വാചകം ഇപ്പോളും എഴുതുന്നു ) അന്നും ഇന്നും പറയുന്നു, തെറ്റ് ചെയ്താൽ ശിക്ഷിക്കപ്പെടണം, അത് തെറ്റ് ചെയ്താൽ മാത്രം. ഒരു പുരുഷന് മാത്രമായി തെറ്റ് സംഭവിക്കില്ല. അതുകൊണ്ടു ഇതൊക്കെ കേട്ട് പേടിച്ചു മൂലയിൽ പോയി ഞാൻ ഒളിക്കുമെന്നു ഒരു തീക്കുട്ടിയും കരുതണ്ട. എന്നാണ് പോസ്റ്റ് പങ്കിട്ടിരിക്കുന്നത്.

എന്നാൽ ചെങ്കോടിയുടെ കാവൽക്കരനിൽ സീമയ്‌ക്കെതിരെ പോസ്റ്റ് ഉയർന്നു...

സീമ ജി നായരുടെ സമയം വീണ്ടും ആയെന്ന് തോന്നുന്നു. ഇന്ന് മുതൽ Work തുടങ്ങാം..
ഹൃദയത്തിൽ നിന്നൊരു കുത്തലുണ്ടാവും കാര്യമാക്കണ്ട..
മകളുടെ പ്രായമുള്ള ആ പെൺകുട്ടിയുടെ കരച്ചിൽ ഒര് നീറ്റലുണ്ടാക്കും.. അവഗണിച്ചേക്കുക.
പച്ച നോട്ടുകൾ തരുന്ന സുഖത്തിന് മുന്നിൽ ഏത് പാപവും ഇഹ ലോകത്തിൽ മായ്ക്കപ്പെടും.
കഴിഞ്ഞ മൂന്ന് മാസവും നിങ്ങൾ പറഞ്ഞത് പെൺകുട്ടിയുടെ വോയിസ് ക്ലാരിറ്റിയില്ല എന്നാണ്..

നിങ്ങളുടെ ഹൃദയത്തിൽ തൊടാൻ പോന്ന ശബ്ദം ഇന്ന് വീണ്ടുമെത്തിയിട്ടുണ്ട്..
ഒര് പെൺകുട്ടിയുടെ അതി ദയനീയമായ കരച്ചിൽ കേട്ടിട്ട് മണിക്കൂറുകൾ ആയതേയുള്ളൂ..
സീമാ നിങ്ങൾ ഇറങ്ങണം.. പഴയതിനേക്കാൾ കരുത്തോടെ അവനു വേണ്ടി PR വർക്കുമായി..
''എനിക്ക് നിന്നെ ഗർഭിണിയാക്കണം എന്ന് പറഞ്ഞ ഒരുത്തനു വേണ്ടി..
''വയറ്റിലൊരു കുഞ്ഞുണ്ടെന്ന് കരുതി നീ അധികം ഡ്രാമയിറക്കല്ലേ.. വയ്യെങ്കിൽ ഹോസ്പിറ്റലിൽ പോയി പറയെടീ എന്നാക്രോശിക്കുന്ന ഒരുത്തനു വേണ്ടി..
അങ്ങേയറ്റം ജീവിതം നശിച്ചു പോയൊരു പെണ്ണിനെ കാൽചുവട്ടിൽ ചവുട്ടി താഴ്ത്തിക്കൊണ്ട്, അവളെ വീണ്ടും പരിഹസിച്ചു കൊണ്ട്,,രാഹുലിന് വേണ്ടി നിങ്ങൾ കഴിഞ്ഞ മൂന്ന് മാസക്കാലം നടത്തിയ ആഹ്ലാരവങ്ങൾ മലയാളി മറക്കില്ല. അവന് വേണ്ടി നടത്തിയ PR വർക്കുകൾ മറക്കില്ല..
ഈ കരച്ചിൽ കേട്ടിട്ട് പോലും മനസലിയാത്ത സ്ത്രീയെ നിങ്ങളൊരു സ്ത്രീ തന്നെയാണോ??!!.. എന്നാണ് പോസ്റ്റ്,

കൂടാതെ... പൈസ വാങ്ങി രാഹുൽ മാങ്കൂട്ടത്തിലിന് വേണ്ടി പി ആർ പണിയെടുക്കുന്ന സകല സിനിമാ നടിമാരെയും ഈ അവസരത്തിൽ സ്മരിക്കുന്നു . എന്ന കുറിപ്പും ഇതിൽ പങ്കിട്ടിട്ടുണ്ട്. അടുത്ത കരച്ചിൽ ഇവളുമാരുടേതാവരുതേ ഭഗവാനെ എന്നതടക്കം പരിഹാസ കമന്റുകൾ ഉയരുന്നുണ്ട്.