പൊൻ രാധാകൃഷ്‌ണൻ ഒരു നിലവാരവുമില്ലാത്ത , രാഷ്ട്രീയക്കാരന്റെ യോഗ്യതയില്ലാത്ത മന്ത്രിയാണെന്നു ഇ പി ജയരാജൻ പറയുന്നതിലെ വസ്തുത എന്ത്? രാഷ്ട്രീയമായി ഒരാളെ ആക്രമിക്കുമ്പോൾ പൊൻ രാധാകൃഷ്ണൻ ആരെന്നു കേരളം തിരിച്ചറിയണം

ഇത് തമിഴകത്തിന്റെ സ്വന്തം പൊന്നാർ..സകല രാഷ്ട്രീയക്കാരും കണ്ടു പഠിയ്ക്കേണ്ട വ്യക്തിത്വം. പൊൻരാധാകൃഷ്ണൻ കന്യാകുമാരി ജില്ലക്കാരുടെ സ്വകാര്യ അഹങ്കാരം കൂടിയാണ്. എളിമയുടെ , വിനയത്തിന്റെ ആൾരൂപം

ഹിന്ദു ന്യൂനപക്ഷമായ കന്യാകുമാരിയിൽ ഒന്നര ലക്ഷത്തിലധികം വോട്ടിന്റെ ഭൂരിപക്ഷത്തിൽ വിജയിച്ച സർവസമ്മതനായ കറകളഞ്ഞ നേതാവ്. 2014 ൽ കന്യാകുമാരി ലോകസഭാ മണ്ഡലത്തിൽ നിന്നു ജയിച്ചു. തമിഴ്‌നാട് മന്ത്രിസഭയിൽനിന്നുള്ള ഏക ബി ജെ പി എം പി പൊൻരാധാകൃഷ്ണനാണ്

താൻ ജയിച്ചാൽ മാർത്താണ്ഡത്തിൽ ഒരു മേൽപാലം കൊണ്ടുവരാം എന്ന് പറഞ്ഞു വോട്ടു വാങ്ങി, ജയിച്ചപ്പോൾ മാർത്താണ്ഡത്തിലും ഒപ്പം പാർവ്വതിപുരത്തും രണ്ടു മേൽ പാലങ്ങൾ പണിതു വാക്ക് പാലിച്ചു .

അവിവാഹിതനായ പൊൻ രാധാകൃഷ്ണൻ തന്റെ എല്ലാ സ്വത്തും പാവങ്ങൾക്കും പാർട്ടിക്കും നൽകി . ഭാരതീയ ജനതാ പാർട്ടിയിലെ സൗമ്യവും മൃദുഭാഷിയും മിതഭാഷിയുമായ സമുന്നത വ്യക്തിത്വം ..അതെ പൊൻ രാധാകൃഷ്‌ണൻ പൊന്നു തന്നെ

1990 ൽ ഹിന്ദു മുന്നണിയിൽ പ്രവർത്തിച്ചു. 1999 ലെ പാർലമെന്റ് ഇലക്ഷനിൽ ബി ജെ പി സ്ഥാനാർത്ഥിയായി നാഗർകോവിലിൽ നിന്ന് വിജയിച്ചു. 2004 , 2009 വർഷങ്ങളിൽ പരാജയപ്പെട്ടുവെങ്കിലും 2014 ൽ തൊട്ടടുത്ത എതിർ സ്ഥാനാർത്ഥിയെക്കാൾ ഒന്നര ലക്ഷത്തിലധികം വോട്ടിന്റെ ഭൂരിപക്ഷത്തിൽ വിജയം കൊയ്തെടുത്തു

തമിഴ്നാട്ടിലെ ഭാരതീയ ജനതാ പാർട്ടി നേതാവും മോദി സർക്കാരിലെ വൻകിട വ്യവസായ, ഖനിവകുപ്പിന്റെ സംസ്ഥാനതല ചുമതലുള്ള മന്ത്രിയുമാണ് പൊൻ രാധാകൃഷ്ണൻ. 1952 മാർച്ച്‌ 1- ന് തമിഴ്‌നാട്ടിലെ കന്യാകുമാരി ജില്ലയിലെ നാഗർകോവിലിൽ പൊന്നൈ അയ്യപ്പൻ - തങ്കക്കനി ദമ്പതികൾക്ക് ജനിച്ചു. നാഗർകോവിൽ V.H.N.S.N. കോളേജിൽ നിന്ന് ബിരുദവും മദ്രാസ് ലോ കോളേജിൽ നിന്ന് നിയമ ബിരുദവും നേടി .