കാലിഫോർണിയയിൽ കൊല്ലപ്പെട്ട മലയാളി യുവതികൾ കൊല്ലപ്പെട്ട സംഭവത്തിൽ നിർണായകമായ വിവരങ്ങൾ പുറത്ത് . മൃതദേഹം നാട്ടിലെത്തിക്കാനുള്ള ശ്രമങ്ങൾ പുരോഗമിക്കുകയാണ്.

ജോലി നഷ്ടമായതിന്റെ നിരാശയിലായിരുന്നു അനില എന്നതടക്കമുള്ള നിർണായക വിവരങ്ങൾ പുറത്ത് വരികയാണ്. അതാണോ കൊലയിലേക്ക് നയിച്ചതെന്ന സംശയമാണ് നിലവിൽ ഉള്ളത്.

സംഭവം കൊലപാതകമെന്ന് സ്ഥിരീകരിച്ചു. കൂടുതൽ വിശദാംശങ്ങൾ ഇനിയും കിട്ടിയിട്ടില്ല. ഉടൻ കിട്ടുമെന്നാണ് പ്രതീക്ഷിക്കുന്നതെന്ന് കേന്ദ്രസഹമന്ത്രി സുരേഷ് ഗോപി.തൃശൂർ സ്വദേശിനി അഞ്ജനയുടെ ബന്ധുക്കളുമായി സുരേഷ് ഗോപി ആശയ വിനിമയം നടത്തി .

രണ്ടു ദിവസത്തിനകം മൃതദേഹം യുഎസ് പൊലീസ് ബന്ധുക്കൾക്ക് കൈമാറിയേക്കുമെന്നും തുടർന്ന് നാട്ടിലെത്തിക്കാൻ നടപടി സ്വീകരിക്കുമെന്നും സുരേഷ് ഗോപി പറഞ്ഞു. കൊലപാതകമെന്നത് സ്ഥിരീകരിച്ചിട്ടുണ്ടെന്നും കാരണമെന്തെന്ന് യു.എസ് പൊലീസാണ് പറയേണ്ടതെന്നും അദ്ദേഹം വ്യക്തമാക്കി.