സിപിഎമ്മിന്റെ വോട്ടുകളും തനിക്ക് കിട്ടും യു ഡി എഫിൽ നിന്നും ശക്തമായ പിന്തുണയുണ്ടെന്നും വടകരയിൽ മത്സരിക്കുന്ന ആര്‍ എം പി സ്ഥാനാര്‍ത്ഥി കെ കെ രമ. കൊലപാതക രാഷ്ട്രീയത്തിനെതിരെ പ്രചാരണത്തിലുടനീളം നല്‍കിയ സന്ദേശം മണ്ഡലത്തില്‍ എല്ലായിടത്തും പ്രതിഫലിച്ചിട്ടുണ്ട്. കോൺഗ്രസ് പിന്തുണയോടുകൂടിയാണ് രമ മത്സരിക്കുന്നത്.

വടകരയുടെ വികസനവും ലക്ഷ്യം വച്ചുള്ള പ്രചാരണമാണ് നടത്തിയിരുന്നത്. എല്ലാ വിഭാഗം ജനങ്ങളുടേയും മികച്ച പിന്തുണയാണ് തനിക്കുള്ളതെന്നും കെ കെ രമ മാധ്യമങ്ങളോട് വെളിപ്പെടുത്തി.

കേരളത്തിലെ നൂറ്റിനാല്‍പ്പത് നിയമസഭാ മണ്ഡലങ്ങലിലേക്കുമുള്ള വോട്ടെടുപ്പ് പുരോഗമിച്ചു കൊണ്ടിരിക്കുകയാണ്. വോട്ട് രേഖപ്പെടുത്തുന്നതിനായി പല ബൂത്തുകളിലും രാവിലെ മുതല്‍ തിരക്ക് അനുഭവപ്പെടുന്നുണ്ട്.

സംസ്ഥാനത്ത് കൊവിഡ് വ്യാപനം ശക്തമാകും എന്ന മുന്നറിയിപ്പുള്ളതിനാല്‍ കൊവിഡ് പ്രോട്ടോക്കോള്‍ കൃത്യമായി പാലിച്ചാണ് വോട്ടെടുപ്പ് നടക്കുന്നത്. ഇപ്പോഴത്തെ വിവരം അനുസരിച്ച് കേരളത്തില്‍ 18.5 ശതമാനം പേര്‍ വോട്ട് രേഖപ്പെടുത്തി കഴിഞ്ഞു.