കെ എസ് ആര്‍ ടി സി യെ രക്ഷിക്കാന്‍ ഇനി ഇതേ ഉള്ളൂ വഴി... കെ.എസ്ആര്‍.ടി.യില്‍ ഷെഡ്യൂളിങ് പുനക്രമികരിച്ചാലേ ലാഭകരമാവൂ; ആവശ്യം ഇല്ലാത്ത ഓഫീസും അനുബന്ധ സ്ഥാപനങ്ങളും കെഎസ്ആര്‍ടിസി പൂട്ടണമെന്നും ഗണേഷ് കുമാര്‍
കെ എസ് ആര്‍ ടി സി യെ രക്ഷിക്കാന്‍ ഗതാഗത വകുപ്പ് സിപിഎം ഏറ്റെടുത്താല്‍ നന്നായിരിക്കുമെന്ന് കെ ബി ഗണേഷ് കുമാര്‍ എംഎല്‍എ.കെ.എസ്ആര്‍.ടി.യില്‍ ഷെഡ്യൂളിങ് പുനക്രമികരിച്ചാലേ ലാഭകരമാവൂ. ആവശ്യം ഇല്ലാത്ത ഓഫീസും അനുബന്ധ സ്ഥാപനങ്ങളും കെഎസ്ആര്‍ടിസി പൂട്ടണമെന്നും ഗണേഷ് കുമാര്‍ അഭിപ്രായപ്പെട്ടു.
ഡീസല്‍ വില വര്‍ദ്ധിച്ചതും കോര്‍പറേഷന്‍ നഷ്ടത്തിലാവാന്‍ കാരണമായിട്ടുണ്ടെന്നും ഗണേഷ്‌കുമാര്‍ പറഞ്ഞു. സര്‍ക്കാര്‍സഹായം ഉറപ്പായും ലഭിക്കണമെന്നും തൊഴിലാളികള്‍ പണിമുടക്കുന്നത് ശമ്പളം കിട്ടാതിരിക്കാന്‍ കാരണമാകുന്നുണ്ടെന്നും ഗണേഷ് കുമാര്‍ കണ്ണൂരില്‍ പറഞ്ഞു.
അതേസമയം, കെഎസ്ആര്‍ടിസിയില്‍ നാളെ മുതല്‍ ശമ്പളം കൊടുത്തു തുടങ്ങുമെന്ന് ഗാതാഗത മന്ത്രി ആന്റണി രാജു പറഞ്ഞിട്ടുണ്ട്. ഏപ്രില്‍ മാസത്തെ ശമ്പളം നല്‍കാനായി 30 കോടി രൂപ സര്‍ക്കാര്‍ നല്‍കും. മാനെജ്‌മെന്റിന് മാത്രമായ് ആവശ്യമുള്ള തുക സമാഹരിക്കാാന്‍ ആകില്ലെന്ന് ബോധ്യപ്പെട്ട സാഹചര്യത്തിലാണ് നടപടി. ഇതിനായുള്ള അപേക്ഷ ഇന്ന് തന്നെ ധനവകുപ്പിന് നല്‍കും.
സാമ്പത്തിക പ്രതിസന്ധി രൂക്ഷമാക്കി, സര്‍ക്കാര്‍ വാക്ക് വിശ്വസിക്കാതെ സമരത്തിലേയ്ക്ക് പോയ കെഎസ്ആര്‍ടിസി ജീവനക്കാരോട് വിട്ടുവീഴ്ചയില്ലെന്ന നിലപാട് തിരുത്തിയിരിക്കുകയാണ് സര്‍ക്കാരും ഗതാഗത മന്ത്രിയും. ഏതാണ്ട് ഒരു മാസം വൈകിയെങ്കിലും സ്‌കൂള്‍ തുറക്കും മുമ്പ് ജീവനക്കാര്‍ക്ക് ശമ്പളം കിട്ടുമെന്നുറപ്പായി. നേരത്തേ നല്‍കിയ 30 കോടിക്ക് പുറമെയാണ് 30 കോടി രൂപ കൂടി സര്‍ക്കാര്‍ നല്‍കുന്നത്. അതിനായി ഇന്ന് തന്നെ ഔദ്യോഗികമായി അപേക്ഷ നല്‍കുമെന്നും ഗതാഗത മന്ത്രി അറിയിച്ചു.
ഈ മാസം കിട്ടിയ സര്‍ക്കാര്‍ സഹായം കഴിഞ്ഞ മാസം ശമ്പളം നല്‍കാനായി എടുത്ത ഓവര്‍ ഡ്രാഫ്റ്റിലേക്ക് തിരിച്ചടച്ചിരുന്നു. സര്‍ക്കാരില്‍ നിന്ന് 30 കോടി രൂപ കൂടി കിട്ടിയാല്‍ വീണ്ടും 30 കോടി രൂപ ഓവര്‍ഡ്രാഫ്റ്റ് എടുക്കാനാണ് മാനേജ്‌മെന്റ് ആലോചന. ബാക്കി 12 കോടി രൂപയോളം മറ്റ് സാമ്പത്തിക ക്രമീകരണങ്ങളിലൂടെ കണ്ടെത്തും. ശമ്പളം അനിശ്ചിതമായി വൈകുന്നതില്‍ മുഖ്യമന്ത്രി നടത്തിയ ഇടപെടലാണ് പ്രശ്‌ന പരിഹാരത്തിലേക്ക് കാര്യങ്ങള്‍ എത്തിച്ചത്.
https://www.facebook.com/Malayalivartha
