വയനാട്ടില് മഴ സുലഭം... ബാണാസുര ഡാമില് ജലനിരപ്പ് ഉയര്ന്ന നിലയില്...
വയനാട്ടില് മഴ സുലഭം... ബാണാസുര ഡാമില് ജലനിരപ്പ് ഉയര്ന്ന നിലയില്... കഴിഞ്ഞ വര്ഷത്തേക്കാള് 2 മീറ്ററോളം കൂടുതല് വെള്ളം ഇപ്പോള് സംഭരണിയിലുണ്ട്.
കഴിഞ്ഞ മേയ് 19ന് 756.4 മീറ്റര് ആയിരുന്നു ജലനിരപ്പ് രേഖപ്പെടുത്തിയിരുന്നത്. മഴ സുലഭമായി ലഭിച്ചതോടെ ഇത്തവണ 758.3 മീറ്റര് വെള്ളം ഡാമിലുണ്ട്.
പരമാവധി സംഭരണ ശേഷി 775.6 മീറ്ററാണ്. ഇത്തവണ വേനലില് ശുദ്ധജല ക്ഷാമം രൂക്ഷമായതിനെ തുടര്ന്നു ഡാമില് നിന്നു ദിവസങ്ങളോളം തുടര്ച്ചയായി വെള്ളം തുറന്നു വിട്ടിരുന്നു. മുന് വര്ഷങ്ങളില് നിശ്ചിത സമയങ്ങളില് മാത്രമായിരുന്നു തുറന്നത്.
നിലവില് കക്കയ്ത്തേക്കും വെള്ളം നല്കി വരുന്നുണ്ട്. മികച്ച തോതില് മഴ ലഭിക്കുകയാണെങ്കില് ജൂലൈ-ഓഗസ്റ്റ് മാസങ്ങളിലാണ് ഡാമിലെ ജല നിരപ്പ് പരമാവധി സംഭരണ ശേഷിയില് എത്തുന്നത്. സംഭരണ ശേഷി കവിഞ്ഞതിനെ തുടര്ന്ന് 2019ല് ആയിരുന്നു ഷട്ടര് തുറന്നു വെള്ളം ഒഴുക്കിയത്.
"
https://www.facebook.com/Malayalivartha