ആറ് മാസത്തോളം നീണ്ട വേദനാജനകമായ കഷ്ടപ്പാടുകള്‍ക്കൊടുവില്‍ മോചനം.... 56-കാരന്റെ വൃക്കയില്‍ നിന്ന് ഒരു മണിക്കൂര്‍ നീണ്ട ശസ്ത്രക്രിയക്കിടെയെടുത്തത് 206 കല്ലുകള്‍
ആറ് മാസത്തോളം നീണ്ട വേദനാജനകമായ കഷ്ടപ്പാടുകള്‍ക്കൊടുവില്‍ മോചനം.... 56-കാരന്റെ വൃക്കയില്‍ നിന്ന് ഒരു മണിക്കൂര്‍ നീണ്ട ശസ്ത്രക്രിയക്കിടെയെടുത്തത് 206 കല്ലുകള്‍ .
തെലങ്കാന സ്വദേശിയായ 56-കാരനാണ് ആറ് മാസത്തോളം നീണ്ട വേദനയില്‍ നിന്ന് മോചിതനായത്. ഹൈദരാബാദിലെ ഗ്ലെനീഗിള്‍സ് ഗ്ലോബല്‍ ആശുപത്രിയിലെ ഡോക്ടര്‍മാരാണ് താക്കോല്‍ദ്വാര ശസ്ത്രക്രിയയിലൂടെ വൃക്കയില്‍നിന്ന് ഇത്രയും കല്ലുകള്‍ നീക്കം ചെയ്തത്.
നല്‍ഗൊണ്ട സ്വദേശിയായ വീരമല്ല രാമലക്ഷമയ്യയാണ് ശസ്ത്രക്രിയക്ക് വിധേയനായത്. കടുത്ത വേദനയെ തുടര്‍ന്ന് വീരമല്ല രാമലക്ഷമയ്യ പ്രദേശത്തെ ഒരു ഡോക്ടറെ ആദ്യം കാണിച്ചു. നല്‍കിയ മരുന്ന് കഴിച്ച് വേദനക്ക് താത്കാലിക ശമനം ലഭിച്ചെങ്കിലും അദ്ദേഹത്തെ ഇത് ദിനംപ്രതി വേദന അലട്ടി. വിട്ടുമാറാത്ത വേദന ജോലിയേയും ബാധിക്കുകയുണ്ടായി.
പിന്നിട് ഗ്ലെനീഗിള്‍സ് ഗ്ലോബല്‍ ആശുപത്രിയിയിലെത്തി പരിശോധന നടത്തി. പ്രാഥമികമായി നടത്തിയ സ്‌കാനിങ് പരിശോധനയില്‍ തന്നെ ഇടതുവശത്ത് അനേകം വൃക്ക കല്ലുകളുടെ സാന്നിധ്യമുള്ളതായി കണ്ടെത്തി. സി.ടി സ്‌കാനിങിലൂടെ ഇത് സ്ഥിരീകരിച്ചു.
ഒരു മണിക്കൂറോളം നീണ്ട താക്കോല്‍ദ്വാര ശസ്ത്രക്രിയയില്‍ എല്ലാ കല്ലുകളും നീക്കം ചെയ്തു.
വേനല്‍ക്കാലത്തെ ഉയര്‍ന്ന താപനില ആളുകള്‍ക്കിടയില്‍ നിര്‍ജ്ജലീകരണം വര്‍ധിപ്പിക്കുന്നു, ഇത് വൃക്കകളില്‍ കല്ലുകള്‍ രൂപപ്പെടുന്നതിന് കാരണമാകുമെന്ന് ആശുപത്രിയിലെ ഡോക്ടര്‍മാര്‍ പറയുന്നു. ജലാംശം നിലനിര്‍ത്താന്‍ ആളുകള്‍ കൂടുതല്‍ വെള്ളം കുടിക്കേണ്ടതാണ്.
m
https://www.facebook.com/Malayalivartha
