മഴയ്ക്ക് ശമനം.... തൃശൂര് പൂരത്തോട് അനുബന്ധിച്ചുള്ള വെടിക്കെട്ട് ഇന്ന് ഉച്ചയ്ക്ക് ഒരു മണിക്ക് നടത്തുമെന്ന് റവന്യൂ മന്ത്രി കെ.രാജന്, എല്ലാം സജ്ജമെന്ന് പാറമേക്കാവ്, തിരുവമ്പാടി ദേവസ്വങ്ങള്
മഴ മാറിയതോടെ തൃശൂര് പൂരത്തോട് അനുബന്ധിച്ചുള്ള വെടിക്കെട്ട് ഇന്ന് നടക്കും. ഉച്ചയ്ക്ക് ഒരു മണിക്ക് വെടിക്കെട്ട് നടത്തുമെന്ന് റവന്യൂ മന്ത്രി കെ.രാജന് അറിയിച്ചു. എല്ലാം സജ്ജമെന്ന് പാറമേക്കാവ്, തിരുവമ്പാടി ദേവസ്വങ്ങളും അറിയിച്ചിട്ടുണ്ട്.
മഴയുടെ ശക്തി കുറഞ്ഞ സാഹചര്യത്തില് ഇന്ന് വെടിക്കെട്ട് നടത്തുമെന്ന് കളക്ടര് ഹരിത വി.കുമാര് ഇന്നലെ അറിയിച്ചിരുന്നു. തൃശൂര് പൂരത്തോടനുബന്ധിച്ച് മേയ് 11ന് പുലര്ച്ചെ നടത്തേണ്ടിയിരുന്ന വെടിക്കെട്ട് കനത്ത മഴയെ തുടര്ന്ന് പല തവണ മാറ്റിവയ്ക്കുകയായിരുന്നു.
തേക്കിന്കാട് മൈതാനിയുടെ രണ്ട് വശങ്ങളിലായിട്ടാണ് ഇരു ദേവസ്വങ്ങളുടെയും കരിമരുന്നും സാമഗ്രികളും സൂക്ഷിച്ചിരിക്കുന്ന വെടിമരുന്ന് പുര. തല്ഫലമായി പൊലീസ് കാവലും ബാരിക്കേഡും ഉള്പ്പെടെ കര്ശനസുരക്ഷയാണ് ഒരുക്കിയിട്ടുണ്ടായിരുന്നത്.
"
https://www.facebook.com/Malayalivartha