നീരൊഴുക്ക് വര്ദ്ധിച്ചു..... നെയ്യാര് ഡാമിന്റെ ഷട്ടറുകള് ഇന്ന് തുറക്കും..... രാവിലെ ഒന്പത് മണിക്കാണ് ഷട്ടറുകള് ഉയര്ത്തുന്നത്, നാല് ഷട്ടറുകളാണ് തുറക്കുക, തീരപ്രദേശത്തുള്ളവര് ജാഗ്രത പാലിക്കണമെന്ന് ജില്ലാ ഭരണകൂടം
നീരൊഴുക്ക് വര്ദ്ധിച്ചു..... നെയ്യാര് ഡാമിന്റെ ഷട്ടറുകള് ഇന്ന് തുറക്കും. ഇന്ന് രാവിലെ ഒന്പത് മണിക്കാണ് ഷട്ടറുകള് ഉയര്ത്തുക. നാല് ഷട്ടറുകളാണ് തുറക്കുന്നത്. ഓരോ ഷട്ടറും 20 സെന്റിമീറ്റര് വീതമാണ് ഉയര്ത്തുക. ആകെ 80 സെന്റിമീറ്റര് ഉയര്ത്താനാണ് തീരുമാനമായിട്ടുള്ളത്.
ജില്ലയിലെ മലയോര മേഖലകളില് പെയ്ത കനത്ത മഴ ഡാമിലേക്കുള്ള നീരൊഴുക്ക് കൂട്ടിയിരുന്നു. ഈ സാഹചര്യത്തില് ഡാമിലെ ജലനിരപ്പ് നിയന്ത്രിച്ചു നിര്ത്തുന്നതിന്റെ ഭാഗമായാണ് നടപടി. തീരപ്രദേശത്തുള്ളവര് ജാഗ്രത പാലിക്കണമെന്ന് ജില്ലാ ഭരണകൂടം .
ഇതിനിടെ ജില്ലയിലെ ഇക്കോടൂറിസം കേന്ദ്രങ്ങളിലേക്കുള്ള പ്രവേശനം പുനരാരംഭിച്ചു. പൊന്മുടി, കല്ലാര്, മങ്കയം ഇക്കോടൂറിസം കേന്ദ്രങ്ങളിലേയ്ക്ക് സന്ദര്ശകര്ക്ക് പ്രവേശനം അനുവദിയ്ക്കുമെന്ന് തിരുവനന്തപുരം ഡിഎഫ്ഓ അറിയിച്ചു. ജില്ലയില് ഓറഞ്ച് അലെര്ട് പ്രഖ്യാപിച്ച സാഹചര്യത്തിലായിരുന്നു ഇക്കോടൂറിസം കേന്ദ്രങ്ങള് അടച്ചിട്ടത്.
അതേസമയം സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത. 10 ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട് ജില്ലകളിലാണ് മഴ മുന്നറിയിപ്പ്. മധ്യകേരളത്തിലും, വടക്കന് ജില്ലകളിലുമാണ് കൂടുതല് മഴയ്ക്ക് സാധ്യത. ഇനി ഒരറിയിപ്പ് ഉണ്ടാകുന്നത് വരെ മത്സ്യത്തൊഴിലാളികള് കടലില് പോകരുതെന്നും നിര്ദ്ദേശം .
https://www.facebook.com/Malayalivartha
