സംസ്ഥാനത്ത് വീണ്ടും സൂര്യാതപമേറ്റ് മരണം... മലപ്പുറം സ്വദേശി സൂര്യാതപമേറ്റ് കുഴഞ്ഞു വീണ് ചികിത്സയിലിരിക്കെ മരിച്ചു
സംസ്ഥാനത്ത് വീണ്ടും സൂര്യാതപമേറ്റ് മരണം... മലപ്പുറം സ്വദേശി സൂര്യാതപമേറ്റ് കുഴഞ്ഞു വീണ് ചികിത്സയിലിരിക്കെ മരിച്ചു. മലപ്പുറം പടിഞ്ഞാറ്റുമുറി സ്വദേശി മുഹമ്മദ് ഹനീഫയാണ് കോഴിക്കോട് മെഡിക്കല് കോളേജ് ആശുപത്രിയില് മരിച്ചത്.
ഇന്നലെയാണ് സൂര്യതപമേറ്റത്. ഇന്നലെ ഉച്ചയ്ക്ക് കുഴഞ്ഞുവീണ ഹനീഫയെ ആശുപത്രിയില് എത്തിക്കുകയായിരുന്നു. ഇന്ന് രാവിലെയാണ് മരണം സംഭവിച്ചത്.
അതേസമയം സംസ്ഥാനത്ത് ഇന്ന് കടുത്ത ചൂട് പാലക്കാട്ടെന്ന് കാലാവസ്ഥാ നിരീക്ഷണ വകുപ്പ്, 40 ഡിഗ്രി ചൂട് ആണ് പാലക്കാട് പരമാവധി രേഖപ്പെടുത്തുകയെന്ന് വകുപ്പു പുറത്തിറക്കിയ മുന്നറിയിപ്പുണ്ട്.
കൊല്ലത്തും തൃശൂരും പരമാവധി 39 ഡിഗ്രി സെല്ഷ്യസ് ചൂട് രേഖപ്പെടുത്തും. കോഴിക്കോടും കണ്ണൂരും 38 ഡിഗ്രിയാണ് ചൂട് രേഖപ്പെടുത്തുക. മറ്റു ജില്ലകളില് ഇങ്ങനെ: തിരുവനന്തപുരം, പത്തനംതിട്ട, ആലപ്പുഴ, കോട്ടയം, മലപ്പുറം, കാസര്കോട് 37 ഡിഗ്രിയും എറണാകുളം 36 ഡിഗ്രിയും ഇടുക്കി, വയനാട് 35 ഡിഗ്രിയും രേഖപ്പെടുത്തും
തീരദേശങ്ങളിലും ഉള്പ്രദേശങ്ങളിലും ഇന്ന് ഉച്ചയോടെ അന്തരീക്ഷ ആര്ദ്രത 55-65% പരിധിയിലായിരിക്കാനായി സാധ്യതയുള്ളതിനാല് ഉയര്ന്ന ചൂടോടുകൂടിയ അസ്വസ്ഥയുള്ള അന്തരീക്ഷ സ്ഥിതിക്ക് സാധ്യതയേറെയാണ്.
പാലക്കാട് ജില്ലയില് വിവിധ പ്രദേശങ്ങളില് അടുത്ത 24 മണിക്കൂര്കൂടി ഉഷ്ണതരംഗ സാഹചര്യം തുടരാനും സാധ്യതയുണ്ട്. പ്രദേശവാസികളും ശാരീരിക ബുദ്ധിമുട്ടുകള് ഉള്ളവരും പ്രത്യേകം ജാഗ്രത പാലിക്കേണ്ടതാണ്.ഇന്നലെ പാലക്കാട് ജില്ലയില് രേഖപ്പെടുത്താവുന്ന ഉയര്ന്ന താപനില എന്ന മുന്നറിയിപ്പില് പറയുന്നതിനേക്കാള് 3.7 ഡിഗ്രി സെല്ഷ്യസ് കൂടുതല് രേഖപ്പെടുത്തി. കോഴിക്കോട് ജില്ലയിലും ഉയര്ന്ന താപനില സാധാരണയേക്കാള് 3.6 ഡിഗ്രി സെല്ഷ്യസ് കൂടുതല് രേഖപ്പെടുത്തിയിട്ടുണ്ടായിരുന്നു.
അതേസമയം ഇന്നലെ നാല്പത് വര്ഷത്തിനിടയിലെ ഏറ്റവും ചൂട് കൂടിയ ദിവസമാണ് ഇന്നലെ ബെംഗലുരുവില് കടന്ന് പോയത്. കാലാവസ്ഥാ വകുപ്പിന്റെ കണക്കുകളുടെ അടിസ്ഥാനത്തില് 38.1 ഡിഗ്രി സെല്ഷ്യസാണ് ബുധനാഴ്ച ബെംഗലുരുവില് രേഖപ്പെടുത്തി.
"
https://www.facebook.com/Malayalivartha