അരുണാചല്‍ പ്രദേശിലെ സിയാങ് ജില്ലയിലെ പാംഗിന്‍ പട്ടണത്തില്‍ ഭൂചലനം. റിക്ടര്‍ സ്‌കെയിലില്‍ 4.0 തീവ്രത രേഖപ്പെടുത്തിയ ഭൂചലനം ഉണ്ടായതായി നാഷണല്‍ സെന്റര്‍ ഫോര്‍ സീസ്‌മോളജി .

ഇന്ന് രാവിലെ 8.50-ഓടെയാണ് ഭൂചലനം ഉണ്ടായത്. 10 കിലോമീറ്റര്‍ ആഴത്തിലാണ് ഭൂചലനം ഉണ്ടായതെന്ന് എന്‍സിഎസ് അറിയിച്ചു.
ഭൂചലനത്തില്‍ നാശനഷ്ടങ്ങളൊന്നും റിപ്പോര്‍ട്ട് ചെയ്തിട്ടില്ലെന്നും സമൂഹം പരിഭ്രാന്തരാകേണ്ടതില്ലെന്നും എന്‍സിഎസ് കൂട്ടിച്ചേര്‍ത്തു.

ജൂലൈ 22-ന്, അരുണാചല്‍ പ്രദേശിലെ തവാങ്ങില്‍ റിക്ടര്‍ സ്‌കെയിലില്‍ 3.3 തീവ്രത രേഖപ്പെടുത്തിയ ഭൂചലനം ഉണ്ടായതായി നാഷണല്‍ സെന്റര്‍ ഫോര്‍ സീസ്‌മോളജി (എന്‍സിഎസ്) അറിയിച്ചിട്ടുണ്ടായിരുന്നു.