ട്രെയിനില്‍ ആര്‍.പി.എഫ് ജവാന്‍ നടത്തിയ വെടിവെപ്പില്‍ നാലു പേര്‍ കൊല്ലപ്പെട്ടു. മൂന്ന് യാത്രക്കാരും ഒരു ആര്‍.പി.എഫ് അസിസ്റ്റന്റ് സബ് ഇന്‍സ്‌പെക്ടറുമാണ് കൊല്ലപ്പെട്ടത്.

ജയ്പൂരില്‍നിന്ന് മുംബൈയിലേക്കുള്ള ട്രെയിനിലാണ് സംഭവം. രാവിലെ അഞ്ചോടെ മഹാരാഷ്ട്രയിലെ പല്‍ഗാര്‍ റെയില്‍വേ സ്റ്റേഷന് സമീപമെത്തിയപ്പോഴായിരുന്നു വെടിവെപ്പുണ്ടായത്.

ട്രെയിനില്‍നിന്ന് ചാടി രക്ഷപ്പെടാനായി ശ്രമിച്ച പ്രതിയെ മുംബൈ റെയില്‍വേ പൊലീസ് കസ്റ്റഡിയിലെടുത്തു. കൊലപാതകത്തിന്റെ കാരണം വ്യക്തമല്ല.