കണ്ണീർക്കാഴ്ചയായി.... മധ്യപ്രദേശിലെ ഗ്വാളിയോർ ജില്ലയിലെ ജൗരാസിയിൽ നിർമ്മാണാവശ്യത്തിനുള്ള ഇരുമ്പ് കമ്പികളുമായി പോവുകയായിരുന്ന ട്രാക്റ്റർ ട്രോളി മറിഞ്ഞ് മൂന്നു തൊഴിലാളികൾക്ക് ദാരുണാന്ത്യം. ഒരാൾക്ക് പരുക്കേൽക്കുകയും ചെയ്തു. ജില്ലാ ആസ്ഥാനത്ത് നിന്ന് ഏകദേശം 20 കിലോമീറ്റർ അകലെയുള്ള ഗ്വാളിയോർ- ത്ധാൻസി ഹൈവേയിലാണ് അപകടം സംഭവിച്ചത്. മണിക്കൂറുകളോളം ദേശീയപാത തടസപ്പെടുകയായിരുന്നു.

കൂറ്റൻ ഇരുമ്പ് കമ്പികൾക്ക് മുകളിൽ ഇരിക്കയായിരുന്നു തൊഴിലാളികൾ. ട്രോളി മറിഞ്ഞതോടെ അതിൽ ഇരുന്നിരുന്ന മൂന്ന് പേർ ഇരുമ്പ് കോണുകൾക്കിടയിൽ കുടുങ്ങിപ്പോയി. കൊല്ലപ്പെട്ടവരുടെ മൃതദേഹങ്ങൾ പോസ്റ്റ്‌മോർട്ടത്തിനായി അയച്ചതായി പൊലീസ് .