സംസ്ഥാനത്ത് വ്യാഴാഴ്ച മുതല് 4 ദിവസം ഇടിമിന്നലോടു കൂടിയ മഴയ്ക്കു സാധ്യത....
സംസ്ഥാനത്ത് വ്യാഴാഴ്ച മുതല് 4 ദിവസം ഇടിമിന്നലോടു കൂടിയ മഴയ്ക്കു സാധ്യത. തെക്കു കിഴക്കന് ബംഗാള് ഉള്ക്കടലിനും ഭൂമധ്യ രേഖയ്ക്കു സമീപമുള്ള ഇന്ത്യന് മഹാസമുദ്രത്തിനും മുകളിലായി സ്ഥിതി ചെയ്യുന്ന ന്യൂനമര്ദത്തിന്റെ സ്വാധീനഫലമായാണ് മഴ.
ഡിസംബര് 12 മുതല് 14 വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്കു സാധ്യതയുള്ളതിനാല് ജാഗ്രത പാലിക്കണമെന്നു കേന്ദ്ര കാലാവസ്ഥ വകുപ്പ് . വ്യാഴാഴ്ച പത്തനംതിട്ട, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും വെള്ളിയാഴ്ച പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കാസര്കോട് ജില്ലകളിലും ഒറ്റപ്പെട്ട സ്ഥലങ്ങളില് ശക്തമായ മഴയാണ് പ്രവചിച്ചിട്ടുള്ളത്. ഈ ജില്ലകളില് യെല്ലോ അലര്ട്ടാണ്.
വരും മണിക്കൂറുകളില് ന്യൂനമര്ദം വീണ്ടും ശക്തിപ്രാപിച്ച് ഡിസംബര് പതിനൊന്നോടെ തെക്കുപടിഞ്ഞാറന് ബംഗാള് ഉള്ക്കടലില് ശ്രീലങ്ക - തമിഴ്നാട് തീരത്തിനു സമീപം എത്തിച്ചേരാന് സാധ്യത്. ഇതിന്റെ ഫലമായാണ് സംസ്ഥാനത്ത് വ്യാഴാഴ്ച മുതല് മഴ ശക്തമാകുക. വ്യാഴം, വെള്ളി ദിവസങ്ങളില് കേരള തീരത്തും വെള്ളിയാഴ്ച ലക്ഷദ്വീപ് തീരത്തും മത്സ്യബന്ധനത്തിന് പോകരുത്.
"
https://www.facebook.com/Malayalivartha
