പസഫിക് സമുദ്രത്തിലെ താപനില ഉയരുന്ന എൽ നിനോ (El Niño) പ്രതിഭാസം കാരണം ഇന്ത്യയിൽ ഇക്കുറി മൺസൂൺ മഴ സാധാരണയേക്കാൾ കുറയാൻ സാധ്യതയുണ്ടെന്ന് യുഎസ് കാലാവസ്ഥാ ഏജൻസിയായ എൻ.ഒ.എ.എ. മുന്നറിയിപ്പ് നൽകുന്നു. ജൂൺ മുതൽ ഓഗസ്റ്റ് വരെയുള്ള മാസങ്ങളിൽ എൽ നിനോ ശക്തിപ്രാപിക്കുമെന്നും ഇത് ഇന്ത്യയിൽ കടുത്ത ചൂടിനും ദുർബലമായ മൺസൂണിനും കാരണമായേക്കുമെന്നുമാണ് വിലയിരുത്തൽ. അതേസമയം, അറബിക്കടലിൽ നിന്നുള്ള ഈർപ്പമുള്ള കാറ്റിന്റെ സ്വാധീനത്താൽ കേരളത്തിലെ വിവിധ ജില്ലകളിൽ അടുത്ത രണ്ടു ദിവസങ്ങളിൽ ഇടിയോടുകൂടിയ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.