നിലമ്പൂർ കരുളായിയിൽ മരുമകൾ കൊല്ലപ്പെട്ട സംഭവത്തിൽ പുതിയ വിവാദം പുകയുന്നു. കൊല്ലപ്പെട്ട രജില ക്രൂരയായിരുന്നുവെന്നും പ്രതിയായ ശാന്തയെ പീഡിപ്പിച്ചിരുന്നുവെന്നും അവകാശപ്പെട്ട് സോഷ്യൽ മീഡിയയിൽ പ്രചരിക്കുന്ന ഓഡിയോ സന്ദേശമാണ് ഇപ്പോൾ ചർച്ചയാകുന്നത്. മരിച്ച വ്യക്തിയെ മോശക്കാരിയാക്കി ചിത്രീകരിച്ച് കൊലപാതകത്തെ ന്യായീകരിക്കാനുള്ള ശ്രമമാണോ ഇതെന്ന് പോലീസ് സംശയിക്കുന്നു. വ്യാജ പ്രചരണങ്ങൾ നടത്തുന്നവർക്കെതിരെ കർശന നിയമനടപടി സ്വീകരിക്കുമെന്ന് പൂക്കോട്ടുംപാടം പോലീസ് മുന്നറിയിപ്പ് നൽകി.