നെടുമ്പാശേരിക്ക് സമീപം വന്ദേഭാരത് എക്‌സ്പ്രസിന് നേരെ കല്ലെറിഞ്ഞ സംഭവത്തിൽ പ്രതിയെ ആർപിഎഫ് പിടികൂടി. പ്രണയബന്ധം തകർന്നതിലെ നിരാശയിലാണ് ട്രെയിനിന് നേരെ കല്ലെറിഞ്ഞതെന്ന് പിടിയിലായ ആലുവ അകപ്പറമ്പ് സ്വദേശിയായ പതിനെട്ടുകാരൻ മൊഴി നൽകി. സിസിടിവി ദൃശ്യങ്ങൾ കേന്ദ്രീകരിച്ച് രണ്ടാഴ്ച നീണ്ടുനിന്ന പഴുതടച്ച അന്വേഷണത്തിനൊടുവിലാണ് പ്രതിയെ ഉദ്യോഗസ്ഥർ കുടുക്കിയത്.