കുഞ്ഞന്നത്തിന് ലിംക റെക്കോര്ഡ് കിട്ടി ; ഈ തൃശൂരുകാരി ഇനി ഇന്ത്യയുടെ മുത്തശ്ശി
തൃശൂര് കേച്ചേരിയിലെ കുഞ്ഞന്നം മുത്തശ്ശിക്ക് ലിംക ബുക്ക് ഓഫ് റെക്കോര്ഡ് ലഭിച്ചു. ഇന്ത്യയില് ജീവിച്ചിരിക്കുന്ന ഏറ്റവും പ്രായമുള്ള സ്ത്രീയെന്ന ബഹുമതി അങ്ങനെ ഈ 112 വയസുകാരിക്ക് സ്വന്തം. ഡല്ഹിയില് നിന്നെത്തിയ ലിംക ബുക്ക് ഓഫ് റെക്കോര്ഡ് അധികൃതരാണ് കുഞ്ഞന്നം മുത്തശ്ശിക്ക് റെക്കോര്ഡ് കൈമാറിയത്. അങ്ങനെ നമ്മുടെ കുഞ്ഞന്നം നൂറ്റാണ്ടിന്റെ മുത്തശ്ശിയായി.
ഇതോടെ ലിംക ബുക്ക് ഓഫ് റെക്കോഡ്സിന്റെ 2015 ലെ പതിപ്പില് കുഞ്ഞന്നം മുത്തശ്ശിയും സ്ഥാനംപിടിക്കും. ലിംക വെബ്സൈറ്റില് കുഞ്ഞന്നത്തിന്റെ ചിത്രം സഹിതം വിവരങ്ങള് നേരത്തേ പ്രസിദ്ധീകരിച്ചിരുന്നു.
പള്ളിയിലെ രേഖപ്രകാരം 112 വയസാണ് കുഞ്ഞന്നത്തിന്. ഇന്ത്യയിലെ അവിവാഹിതയായ ഏറ്റവും പ്രായമുള്ള സ്ത്രീയും കുഞ്ഞന്നം തന്നെ. പാറന്നൂര് വാഴപ്പിള്ളി അന്തോണിയുടെയും അച്ചുണ്ണിയുടെയും പതിനൊന്നു മക്കളില് ഒമ്പതാമത്തെയാളാണ് കുഞ്ഞന്നം. സഹോദരങ്ങളാരും ജീവിച്ചിരിപ്പില്ല.
സഹോദരന് പരേതനായ വാഴപ്പിള്ളി കൊച്ചാപ്പുവിന്റെ മകന് ജോസിനോടൊപ്പം പാറന്നൂരിലെ കൊച്ചുവീട്ടിലാണ് താമസം. ശരീരത്തില് നീരുവന്നതിനെ തുടര്ന്ന് കുഞ്ഞന്നത്തെ കഴിഞ്ഞദിവസം തൃശൂര് അമല ആശുപത്രിയില് പ്രവേശിപ്പിച്ചിരുന്നു. ഇവിടെയെത്തിയാണ് ലിംക അധികൃതര് സര്ട്ടിഫിക്കറ്റ് നല്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha