കണ്ടാൽ നാട്ടിലെ മാന്യൻ.. ആഡംബര ബൈക്കുകളിൽ കറങ്ങി നടന്നു പെണ്കുട്ടികളെ നോട്ടമിടും.. അവസരം നോക്കി ഫ്രീക്കൻ പയ്യൻ പെണ്കുട്ടികളുടെ ശരീര ഭാഗങ്ങളില് കയറിപിടിക്കും; യുവാവിനെ കുടുക്കിയത് പതിനേഴുകാരി... ചാലക്കുടിയിൽ സംഭവിച്ചത്...
ചാലക്കുടിയിൽ കഴിഞ്ഞ ദിവസമാണ് ഞെട്ടിക്കുന്ന സംഭവം അരങ്ങേറിയത്. ബൈക്കില് കറങ്ങിനടന്ന് റോഡിലൂടെ നടന്നുപോകുന്ന പെണ്കുട്ടികളെ കടന്നുപിടിക്കുന്ന തമിഴ്നാട്ടുകാരായ യുവാവ് പോലീസ് പിടിയിലായി. തമിഴ്നാട് കന്പം തേനി സ്വദേശിയായ ശിവ എന്ന് വിളിക്കുന്ന ശിവകുമാറി(22)നെയാണ് എസ്ഐമാരായ ബി.കെ. അരുണ്, എം.എസ്. ഷാജന്, കെ.ടി. ബെന്നി, എഎസ്ഐ സുമേഷ് എന്നിവര് ചേര്ന്ന് അറസ്റ്റു ചെയ്തത്. ചൗക്കയിലെ ഒരു കോഴി ഫാമില് സൂപ്രവൈസറായി ജോലി ചെയ്യുന്നയാളാണ് ശിവ. വളരെ മോടിയായ വസ്ത്രധാരണ നടത്തി ബൈക്കില് കറങ്ങുന്ന ശിവ വഴിയിലൂടെ നടന്നുപോകുന്ന പെണ്കുട്ടികളുടെ ശരീരഭാഗങ്ങളില് കയറിപിടിക്കുകയാണ് പതിവ്. 17 വയസുള്ള ഒരു പെണ്കുട്ടിയുടെ പരാതിയില് കേസെടുത്ത് അന്വേഷണം നടക്കുന്പോള് 18 വയസുള്ള മറ്റൊരു പെണ്കുട്ടിയുടെയും പരാതി ലഭിച്ചു. ഇതിനെത്തുടര്ന്ന് സിസിടിവി ദൃശ്യങ്ങള് കേന്ദ്രീകരിച്ചും ഇരയായ പെണ്കുട്ടികളില്നിന്നും ശേഖരിച്ച വിവരങ്ങളുടെയും അടിസ്ഥാനത്തില് നടത്തിയ അന്വേഷണത്തിലാണ് പ്രതി പിടിയിലായത്. ഇയാള് പിടിയിലായതറിഞ്ഞ് നിരവധി പെണ്കുട്ടികള് പരാതിയുമായി പല സ്ഥലങ്ങളില്നിന്നും എത്തിയിട്ടുണ്ട്. കോടതിയില് ഹാജരാക്കിയശേഷം പ്രതിയെ കസ്റ്റഡിയില് വാങ്ങി കൂടുതല് അന്വേഷണം നടത്തുമെന്ന് പോലീസ് അറിയിച്ചു.
https://www.facebook.com/Malayalivartha