ബിക്കിനി ഫോട്ടോയ്ക്ക് 300000 ലൈക്സ്!
ലോകസുന്ദരിയെപ്പോലുള്ള ബിക്കിനി ബോഡി ഉണ്ടായിരുന്നെങ്കില് എന്നാഗ്രഹിക്കാത്ത സ്ത്രീകളുണ്ടാവില്ല. അത്തരം ശരീരഭംഗി നേടുന്നതിനായി അത്യദ്ധ്വാനം ചെയ്യുന്ന സ്ത്രീകളുമുണ്ടാവും. പെര്ഫക്ട് ബോഡിയുള്ള സ്ത്രീകള്ക്കു ലഭിക്കുന്ന ശ്രദ്ധയും അംഗീകാരവും തന്നെയാണ് അതിനു കാരണം.
എന്നാല് സ്വന്തം ശരീരസൗന്ദര്യത്തേക്കുറിച്ച് അമിതശ്രദ്ധയുള്ള സ്ത്രീകള്ക്ക് പേടിസ്വപ്നമാണ് മാതൃത്വം. ഗര്ഭകാലവും പ്രസവവും ഒക്കെ കഴിയുമ്പോള് രൂപഭംഗിയൊക്കെ നഷ്ടപ്പെട്ട് തങ്ങളുടെ ലൈംഗികാകര്ഷണീയത കുറഞ്ഞുവെന്ന് നിരാശപ്പെടുന്നവരേറെയുണ്ട്. അത്തരക്കാര് ധാരാളമുള്ള സമൂഹത്തില് വാര്ത്തയാവുകയാണ് ലോസാഞ്ചല്സിലെ റേച്ചല് ഹോളിസ്.
അടുത്തിടെ 32 കാരിയായ റേച്ചല് ബിക്കിനിയുമിട്ട് ബീച്ചില്നില്ക്കുന്ന ഒരു ചിത്രം അവളുടെ ഭര്ത്താവെടുത്തു. അവര് ആ ചിത്രം ഫേസ്ബുക്കിലിട്ടു. അതിനോടൊപ്പം വിശദമായ ഒരു കുറിപ്പും. ആ ഫേസ്ബുക്ക് പോസ്റ്റിന് 300,000 ലൈക്കുകളാണ് കിട്ടിയത്. റേച്ചല് എന്താണ് എഴുതിയിരുന്നതെന്നോ?
\'എന്റെ വയറ്റിലാകെ സ്ട്രെച്ച് അടയാളങ്ങളാണ്. മൂന്നു കുഞ്ഞുങ്ങളെ ചുമന്നതിനാല് എന്റെ വയര് സ്ഥിരമായി അയഞ്ഞ്തൂങ്ങി. എന്നാലും ബിക്കിനി ധരിക്കാന് ഞാന് ധൈര്യം കാട്ടുകയാണ്. കാരണം ഇങ്ങനെയുള്ള ഈ ശരീരത്തേക്കറിച്ചും എനിക്ക് അഭിമാനമുള്ളതിനാലാണ്.
കുഞ്ഞുങ്ങളെ വഹിക്കാന് തക്കവണ്ണം അനുഗ്രഹിക്കപ്പെട്ടവളാണ് ഞാന് എന്നതിന്റെ തെളിവാണ് ആ പാടുകള് എന്നതിനാലും , എന്റെ ജീവിതവുമായി ബന്ധപ്പെട്ട കാര്യങ്ങളുടെ തീരുമാനങ്ങള് ബാധിക്കുന്ന ഒരേയൊരാളായ എന്റെ ഭര്ത്താവിന് എന്റെ ശരീരം ഇങ്ങനെയായിത്തീര്ന്നതെങ്ങനെ എന്നറിയാമെന്നുള്ളതുകൊണ്ടും ഈ അടയാളങ്ങളുള്ള വയര് ഒളിച്ചുപിടിക്കേണ്ടതാണ് എന്നെനിക്കു തോന്നുന്നില്ല. അതുകൊണ്ട് അവ പാടുകളല്ല, നിങ്ങള് പാടുപെട്ടു നേടിയ അംഗീകാരങ്ങളാണെന്ന് മനസ്സിലാക്കി അതില് അഭിമാനിക്കുക എന്നായിരുന്നു പോസ്റ്റ്.
ശരിയായ രീതിയില് ചിന്തിക്കേണ്ടതെങ്ങനെയെന്ന് ആ പോസ്റ്റ് ഞങ്ങളെ പഠിപ്പിച്ചു എന്നാണ് പ്രസവശേഷം രൂപഭംഗി ഇല്ലാതായെന്നോര്ത്ത് നിരാശപ്പെട്ടിരുന്ന ആയിരക്കണക്കിനു യുവതികള് ഫെയ്സ്ബുക്കിലൂടെ അഭിപ്രായപ്പെട്ടത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha