റോഡില് കിടന്നു കിട്ടിയ പണക്കെട്ട് ഉടമയെ കണ്ടെത്തി ഏല്പ്പിച്ചു മില്മ ജീവനക്കാരി!
തിരുവാണിയൂര് വണ്ടിപ്പേട്ട മില്മ സൊസൈറ്റിയിലെ ജീവനക്കാരി ചെമ്മനാട് സ്വദേശി രമ കൃഷ്ണകുമാര് തിങ്കളാഴ്ച പുലര്ച്ചെ ജോലിക്കായി പോകവേയാണ് വണ്ടിപ്പേട്ട-ചെമ്മനാട് റോഡില് മഴയില് നനഞ്ഞു കുതിര്ന്ന നിലയില് കിടക്കുന്ന പണക്കെട്ട് കണ്ണില്പ്പെട്ടത്.
റോഡില് മറ്റാരും ഇല്ലാതിരുന്നതിനാല് പണവുമായി സൊസൈറ്റിയിലെത്തി ജീവനക്കാരോടും പുത്തന്കുരിശ് പൊലീസിലും വിവരം അറിയിച്ചു.
പണം കളഞ്ഞു കിട്ടിയ വിവരം സമൂഹ മാധ്യമങ്ങള് വഴിയും പ്രചരിപ്പിച്ചതോടെ പണം നഷ്ടമായ കുംഭപ്പിള്ളിയിലെ ഷാപ്പ് ഉടമയായ രാമമംഗലം സ്വദേശി അനില്കുമാര് അന്വേഷിച്ചെത്തി.
അപ്പോഴേക്കും പണം സൊസൈറ്റിയില് ഏല്പിച്ചു രമ ജോലി കഴിഞ്ഞു മടങ്ങി. പൊലീസിന്റെ നിര്ദേശപ്രകാരം പഞ്ചായത്തംഗത്തിന്റെ സാന്നിധ്യത്തില് ജീവനക്കാര് പണം കൈമാറി.
ഞായറാഴ്ചത്തെ ഷാപ്പിലെ കച്ചവടത്തില് നിന്നു ലഭിച്ച 40,000 രൂപ കെട്ടിലുണ്ടായിരുന്നെന്ന് ഉടമ പറഞ്ഞു. പണം തിരിച്ചു കിട്ടിയ സന്തോഷത്തില് രമയെ കാണാന് അനില്കുമാര് വീട്ടിലെത്തി. സമ്മാനവും നല്കിയാണു മടങ്ങിയത്.
https://www.facebook.com/Malayalivartha
