ജോലിയില് കഴിവുള്ളവര് മാത്രം മതി, തണ്ടര്ബോള്ട്ട് സേനയ്ക്ക് പണി കൊടുത്ത് യതീഷ്ചന്ദ്ര, പരീക്ഷ എഴുതിയത് 177 പേര്, ജയിച്ചത് വെറും അന്പത്തിയൊന്ന് പേര്, തോറ്റവര്ക്ക് വീണ്ടും പരീക്ഷ
മലയാളികളുടെ മനസില് ഇടം പിടിച്ച പോലീസ് ഉദ്യോഗസ്ഥന് ആരാണെന്ന് ചോദിച്ചാല് ഒരു സംശയം കൂടാതെ കേരളജനത ഒന്നടങ്കം പറഞ്ഞിരുന്നത് ഋഷിരാജ് സിംഗിനെയായിരുന്നു. എന്നാല്, ദിവസങ്ങള്ക്ക് മുമ്പാണ് ഋഷിരാജിനെ പിന്തള്ളി മറ്റൊരു മിടുക്കന് കേരള ജനതയെ കീഴടക്കിയത്. മറുനാടന് ഐ പി എസ് ഓഫീസറായ അങ്കമാലി എസ്പി യതീഷ്ചന്ദ്രയാണ് ആ ചുണക്കുട്ടന്. ഹര്ത്താല് നടത്തിയ സിപിഐ(എം) പ്രവര്ത്തകരെ ഓടിച്ചിട്ടടിച്ച ഈ ഐപിഎസ്സുകാരന് പെട്ടെന്നാണ് യുവാക്കള്ക്കും മാതൃകയായത്. യതീഷ്ചന്ദ്രയെ അനുകൂലിച്ചും പ്രതികൂലിച്ചും നിരവധി പേര് മുന്നോട്ട് വന്നിരുന്നു.
എന്നാല് കേരള ജനത രണ്ട് കൈനീട്ടിയും ഈ ചുണക്കുട്ടനെ അഭിനന്ദിച്ചു. എല്ലാ കാര്യത്തിലും അതിന്റെതായ ചിട്ടകള് വേണമെന്ന് ആഗ്രഹിക്കുന്ന പോലീസ് ഉദ്യോഗസ്ഥനാണ് യതീഷ്ചന്ദ്ര. നിയമം സാധാരണക്കാര് മാത്രം പാലിച്ചാല് പോരാ മറിച്ച് ഉന്നതസ്ഥാനങ്ങളിലിരിക്കുന്നവരും പാലിക്കണമെന്നും യതീഷ്ചന്ദ്ര ആഗ്രഹിക്കുന്നു. മാവോയിസ്റ്റുകളെ വിറപ്പിക്കുന്ന കേരളാ പൊലീസിന്റെ തണ്ടര്ബോള്ട്ട് സേനയ്ക്കാണ് പുതിയതായി യതീഷ്ചന്ദ്ര പണി കൊടുത്തത്. 2014ലാണ് ഈ സംഭവം നടക്കുന്നത്.
മാവോയിസ്റ്റ് വേട്ടയ്ക്ക് വിനിയോഗിച്ചിരിക്കുന്ന തണ്ടര്ബോള്ട്ട് കമാന്ഡോകളുടെ ആദ്യ ബാച്ചിന്റെ ഹവീല്ദാര് തസ്തികയിലേക്കുള്ള സ്ഥാനക്കയറ്റത്തിനുള്ള പരീക്ഷാ നടത്തിപ്പിനുള്ള ബോര്ഡിന്റെ ചുമതലക്കാരനായിരുന്നു യതീഷ് ചന്ദ്ര. കഴിവുള്ളവര് മാത്രം മതി എന്നായിരുന്നു യതീഷ്ചന്ദ്രയുടെ നിലപാട്. ഇതെല്ലാം ആദ്യമെ വ്യക്തമാക്കിയിട്ടാണ് പരീക്ഷാ നടത്തിപ്പിന്റെ ചുമതല ഈ മിടുക്കന് ഏറ്റെടുത്തത്. എഴുത്തുപരീക്ഷ, ശാരീരികക്ഷമതാ പരീക്ഷ എന്നിങ്ങനെ രണ്ടുപരീക്ഷകള് ജയിച്ചാലേ കമാന്ഡോകള്ക്ക് ഹവീല്ദാര്മാരായി സ്ഥാനക്കയറ്റം ലഭിക്കുകയുള്ളു.
ഏതിലെങ്കിലും തോറ്റാല് തോറ്റ പരീക്ഷ മാത്രം വീണ്ടും ജയിക്കേണ്ടി വരും. എന്നാല്, പരീക്ഷാഫലം പുറത്ത് വന്നപ്പോള് തണ്ടര്ബോള്ട്ട് സേനാംഗങ്ങളും ഉന്നത ഉദ്യോഗസ്ഥരും ഒന്ന് ഞെട്ടിപോയി. ഇത്തരത്തിലൊരു ഫലം ആരും പ്രതീക്ഷിച്ചിരുന്നില്ല. 177 പേരാണ് പ്രമോഷന് പരീക്ഷയില് പങ്കെടുത്തിരുന്നത്. അതില് രണ്ട് പരീക്ഷയും വിജയിച്ചത് വെറും അന്പത്തിയൊന്ന് പേര് മാത്രം. ഫലം പുറത്തായാല് കേരള പോലീസിന് തന്നെ ഇത് നാണക്കേടാകും.
എന്നാല് ഈ ഫലം റദ്ദാക്കി മറ്റൊരു ഐപിഎസ് ഓഫീസറിന്റെ നേതൃത്വത്തില് പരീക്ഷ നടത്താനാണ് തണ്ടര്ബോള്ട്ട് അധികൃതരുടെ തീരുമാനം. എന്നാല് ഈ തീരുമാനത്തോട് സേനയ്ക്കകത്ത് മറ്റ് ചില പ്രശ്നങ്ങളും ഉണ്ടാകുന്നുണ്ട്. സേനയിലെ ചില ഉന്നതഉദ്യോഗസ്ഥരുടെ അനുയായികള് തോറ്റതാണ് ഫലം റദ്ദാക്കിയതെന്നാണ് ചിലരുടെ ആരോപണം. ഫലം പ്രസിദ്ധീകരിച്ച് രണ്ടുമാസം കഴിഞ്ഞിട്ടും ജയിച്ചവര്ക്ക് സ്ഥാനക്കയറ്റം നല്കുകയോ പരാജയപ്പെട്ടവര്ക്ക് വീണ്ടും പരീക്ഷ നടത്തുകയോ ചെയ്തിട്ടില്ലെന്നാണ് സൂചന. 2011 സെപ്റ്റംബറിലാണ് തണ്ടര്ബോള്ട്ട് ബറ്റാലിയന്റെ ആദ്യ ബാച്ച് തുടങ്ങിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha