റഷ്യയുമായി കൂടുതല്‍ ആഴത്തിലുള്ള സൈനിക പങ്കാളിത്തം നേടാമെന്ന ചൈനയുടെ പ്രതീക്ഷകള്‍ കനത്ത തിരിച്ചടി. സൈനികവല്‍ക്കരിക്കപ്പെട്ട ക്വാഡിന് മുന്നില്‍, ഇന്തോപസിഫിക് മേഖലയിലെ അധികാര പോരാട്ടത്തെ സന്തുലിതമാക്കുന്നതിന് റഷ്യയും ചൈനയും സ്വന്തം സൈനിക സഖ്യം കെട്ടിപ്പടുക്കുമെന്ന് ചൈന പ്രതീക്ഷിച്ചിരുന്നുവെങ്കിലും പുടിന്‍ ചൈനീസ് അഭിലാഷങ്ങളെ വിശ്വസിക്കുന്നില്ലെന്നാണ് പുറത്തു വരുന്ന വാര്‍ത്തകള്‍ സൂചിപ്പിക്കുന്നത്. സൈനികവല്‍ക്കരിക്കപ്പെട്ട ക്വാഡിന്റെ ദ്രുതഗതിയിലുള്ള വികസനവും ഏകീകരണവും കാരണം സ്വന്തം വീട്ടുമുറ്റത്ത് തന്നെ ചൈന ഭീഷണി നേരിടുന്ന സമയത്താണ് പുടിന്റെ ഭാഗത്തു നിന്നും ഉള്ള ഈ തിരിച്ചടി . മലബാര്‍ അഭ്യാസത്തില്‍ ഓസ്‌ട്രേലിയയെ കൂടി ഉള്‍പ്പെടുത്തിയത് മേഖലയിലെ ക്വാഡിനെ ശക്തിപ്പെടുത്തുകയും അതേ സമയം ചൈനീസ് നയരൂപീകരണക്കാരുടെ മേല്‍ വളരെ അധികം സമ്മര്‍ദ്ദം ചെലുത്തുകയും ചെയ്തിരിക്കുകയാണ് . ഈ ഒരു സാഹചര്യത്തില്‍ ക്വാഡിനെ നെ ചെറുക്കാന്‍ ശക്തമായ സൈനിക സഖ്യം ചൈനയ്ക്ക് അടിയന്തിരമായി ആവശ്യമാണ്, എന്നാല്‍ ഇത്തരത്തില്‍ ചൈനയെ സംബന്ധിച്ചിടത്തോളം ഒരു അടിയന്തര സാഹചര്യം ആയിരുന്നിട്ടും ഒരു അടിയന്തര ഒരു സൈനിക സഖ്യം ഉണ്ടാക്കാന്‍ റഷ്യ വിസമ്മതിക്കുന്നത് ചൈനീസ് അഭിലാഷങ്ങള്‍ക്ക് അങ്ങേയറ്റം തിരിച്ചടിയാണ് നല്‍കി കൊണ്ടിരിക്കുന്നത്.

മോസ്‌കോയും ബീജിംഗും തമ്മില്‍ ഒരു സൈനിക യൂണിയന്‍ സാധ്യമാണോയെന്ന് വ്യാഴാഴ്ച അന്താരാഷ്ട്ര വിദേശ നയ വിദഗ്ധരുമായി നടത്തിയ വീഡിയോ കോണ്‍ഫറന്‍സില്‍ പുട്ടിനോട് ചോദിച്ചപ്പോള്‍ നിലവില്‍ ഞങ്ങള്‍ക്ക് ഇത് ആവശ്യമില്ല, പക്ഷേ സൈദ്ധാന്തികമായി വേണമെങ്കില്‍ സങ്കല്പിക്കാവുന്നതേ ഉള്ളു എന്നാണ് അദ്ദേഹം വ്യക്തമാക്കിയത്. അതായത് ഒരു സൈനിക സഖ്യം ചൈനക്ക് അങ്ങേയറ്റം ആവശ്യമായിരിക്കുന്നു ഈ ഒരു സാഹചര്യത്തില്‍ പോലും അതിനോട് തണുപ്പന്‍ പ്രതികരണമാണ് റഷ്യയുടെ ഭാഗത്തു നിന്നും ഉണ്ടായിരിക്കുന്നത്.

തങ്ങളുടെ 'തന്ത്രപരമായ പങ്കാളി' ചൈനയുമായുള്ള സൈനിക സഖ്യം റഷ്യ പ്രതീക്ഷിക്കുന്നില്ലെന്ന അവകാശവാദം വഌഡിമിര്‍ വീണ്ടും പുടിന്‍ ആവര്‍ത്തിച്ചിരിക്കുകയാണ്. തന്ത്രപരമായ പങ്കാളിത്തം എന്നത് കൊണ്ട് എല്ലാ രീതിയിലും ഉള്ള സൗഹൃദം അല്ല ശരിയായില്ല എന്നതിന്റെ സൂചനയാണ് പുടിന്‍ 2019ല്‍ പറഞ്ഞ തന്റെ നിലപാടുകള്‍ ആവര്‍ത്തിക്കുന്നത്, ഒപ്പം മുന്നോട്ട് പോകുന്നത് നിലവിലെ നല്ല ബന്ധം നിലനിര്‍ത്തി കൊണ്ട് പോകാന്‍ മാത്രമാണെന്നും നിലവിലെ ലോകക്രമത്തെ അസ്വസ്ഥമാക്കാനുള്ള ഒരു നടപടിയും ആഗ്രഹിക്കുന്നില്ല എന്നും വ്യക്തമാക്കുകയാണ് ഇതിലൂടെ റഷ്യ.

തായ്‌വാന്‍, ദക്ഷിണ ചൈനാ കടല്‍, കിഴക്കന്‍ ചൈനാ കടല്‍ എന്നിവിടങ്ങളില്‍ ചൈന സൈനിക മുന്നേറ്റം നേരിട്ടു കൊണ്ടിരിക്കുകയാണ് . മാത്രമല്ല, യൂറോപ്പില്‍ നിന്നും ആഫ്രിക്കയിലേക്കും മധ്യേഷ്യയിലേക്കും സാധ്യമായ എല്ലാ ലക്ഷ്യസ്ഥാനങ്ങളിലെക്കും ചൈനയുടെ സ്വപ്‌ന പദ്ധതിയായ ബെല്‍റ്റ് ആന്‍ഡ് റോഡ് ഇനിഷ്യറ്റീവ് നേരിടുന്ന തടസ്സങ്ങള്‍ ചൈനീസ് വ്യാളിയെ നിലവില്‍ കഷ്ടത്തിലാക്കിയിരിക്കുകയാണ് . മേഖലയിലെ വര്‍ദ്ധിച്ചുവരുന്ന അധികാരത്തിന്റെ കിടമത്സരത്തില്‍ തങ്ങളുടെ ശക്തി വര്‍ധിപ്പിക്കുന്നതിന് തന്ത്രപരമായ പങ്കാളിത്തത്തിന്റെ ഘടനാപരമായ പരിധിക്കപ്പുറം ശക്തമായ ഒരു സൈനിക സഖ്യം ആവശ്യമാണ്. ഇത്തരത്തില്‍ ചൈനയുടെ വിവിധതരം താല്‍പര്യങ്ങളോട് റഷ്യ സമീപ കാലങ്ങളില്‍ എടുത്തു കൊണ്ടിരിക്കുന്ന നിലപാടുകളുടെ തുടര്‍ച്ചയാണ് ഇപ്പോള്‍ കൈക്കൊണ്ടിരിക്കുന്ന ഈ ഒരു നടപടിയും.

മധ്യേഷ്യയിലെ ചൈനീസ് ഇടപെടലിനെ റഷ്യ അനുകൂലിക്കുന്നില്ലെന്ന് പുടിന്റെ ഏറ്റവും പുതിയ പ്രസ്താവനകള്‍ കൂടുതല്‍ വ്യക്തമാക്കുന്നു. മാത്രമല്ല, ചൈനയുമായുള്ള റഷ്യയുടെ നിലവിലുള്ള സംഘര്‍ഷങ്ങളുടെ തീവ്രത ഇരു രാജ്യങ്ങളും തമ്മിലുള്ള ബന്ധത്തെക്കാള്‍ വളരെ കൂടുതലാണ്. വ്‌ലാഡിവോസ്‌റ്റോക്കിന്റെ പ്രശ്‌നവും അലാസ്‌കയില്‍ നിലവിലുള്ള സംഘര്‍ഷ സാധ്യതകളും ഉള്‍പ്പെടെയുള്ള പ്രദേശിക സംഘട്ടനങ്ങള്‍, ഇരു രാജ്യങ്ങളും തമ്മിലുള്ള ഏതെങ്കിലും സൈനിക സഖ്യവുമായി ബന്ധപ്പെട്ട സാധ്യതയെ ഇല്ലാതാക്കുകയാണ്.

ഒരു ചൈന റഷ്യ സൈനിക സഖ്യം ഒരുപക്ഷെ ചില ഹ്രസ്വകാല ലക്ഷ്യങ്ങള്‍ കൈവരിക്കുന്നതിന് ഫലപ്രദമാണെങ്കിലും ദീര്‍ഘകാലാടിസ്ഥാനത്തില്‍ റഷ്യന്‍ അഭിലാഷങ്ങളെ ഇത് അപകടത്തിലാക്കുമെന്ന് പുടിന്‍ മനസ്സിലാക്കുന്നുണ്ട് . ചൈനയുമായുള്ള ഒരു സൈനിക സഖ്യം അമേരിക്കന്‍ ഉപരോധത്താല്‍ ഇപ്പോള്‍ തന്നെ അപകടത്തിലായ റഷ്യന്‍ സമ്പദ്‌വ്യവസ്ഥയെ കൂടുതല്‍ കഷ്ടത്തിലാക്കുമെന്ന് തര്‍ക്ക രഹിതമാണ്. ഇത് നിലവിലെ സാഹചര്യത്തില്‍ റഷ്യയെ സംബന്ധിച്ചിടത്തോളം അനാവശ്യമായ മറ്റൊരു ആയുധ മല്‍സരത്തിന് കൊടുക്കേണ്ടി വരുന്ന വിലയേക്കാള്‍ വളരെ കൂടുതലാണ് എന്ന് പുടിന് കൃത്യമായി അറിയാം. ഇതും അദ്ദേഹത്തെ പുറകോട്ടടിക്കുന്ന ഒരു ഘടകമാണ് മാത്രമല്ല ചൈനീസ് അതിര്‍ത്തിയില്‍ റഷ്യ തങ്ങളുടെ സൈനിക ശക്തി വര്‍ധിപ്പിക്കുന്നത് റഷ്യക്ക് തങ്ങളുടെ പങ്കാളിയോടുള്ള വിശ്വാസക്കുറവിന്റെ കൃത്യമായ തെളിവാണ്.

70 വര്‍ഷത്തെ നയതന്ത്ര ബന്ധത്തില്‍, റഷ്യയും ചൈനയും തമ്മില്‍ പരസ്പര സംശയത്തിന്റെ ഒരു നീണ്ട ചരിത്രം തന്നെ പങ്കു വെക്കുന്നുണ്ട്. അമേരിക്കയും റഷ്യയും തമ്മിലുള്ള ശീതസമരം അതിന്റെ അന്ത്യത്തിലേക്ക് എത്തുന്നതിനു എത്രയോ വര്‍ഷങ്ങള്‍ക്ക് മുന്‍പ് തന്നെ ചൈന അന്നത്തെ സോവിയറ്റ് യൂണിയനില്‍ നിന്നും അകന്ന് അമേരിക്കന്‍ ചേരിയിലേക്ക് നീങ്ങിയിരുന്നു. ഇത് റഷ്യയെ പുറകില്‍ നിന്നും കുത്തുന്ന ഒരു നിലപാട് തന്നെ ആയിരിന്നു. ഇന്ന് അമേരിക്ക എതിരായി നില്‍ക്കുന്ന ഒരു സാഹചര്യത്തില്‍ വീണ്ടും റഷ്യയുമായി സൈനിക സഖ്യത്തില്‍ ഏര്‍പ്പെടാനുള്ള ഏതു ശ്രമത്തിലും കൊണ്ട് പോയി തല വച്ചു കൊടുക്കാനുള്ള മണ്ടത്തരം റഷ്യ ചെയ്യുകയില്ലെന്നത് ഏതാണ്ട് ഉറപ്പാണ്. അതായത് നിലവില്‍ സൈനികമായി ശക്തമായി വരുന്ന ക്വാഡിനെ എതിരിടാനുള്ള അവസാന കച്ചി തുരുമ്പും അങ്ങനെ ചൈനയുടെ കയ്യില്‍ നിന്നും പോയിരിക്കുകയാണ് എന്നാണ് പുട്ടിന്റെ പ്രസ്താവനയിലൂടെ വ്യക്തമാവുന്നത്.