കാപ്പയിലെ കൊട്ട മധുവിനെ പ്രശംസിച്ച് സംവിധായകന് രഞ്ജിത്ത് ശങ്കര്
പൃഥ്വി രാജ് നായകനായി ഏറ്റവും പുതിയതായി പുറത്തിറങ്ങിയ ചിത്രമാണ് കാപ്പ. ചിത്രത്തില് പൃഥ്വിരാജിന്റെ പ്രകടനത്തെ അഭിനന്ദിച്ച് രംഗത്തെത്തിയിരിക്കുകയാണ് സംവിധായകന് രഞ്ജിത്ത് ശങ്കര്. കാപ്പയിലെ കൊട്ട മധു എന്ന കഥാപാത്രത്തില് യഥാര്ത്ഥ പൃഥ്വിരാജിന്റെ ഒരു ശതമാനം പോലും എനിക്ക് കാണാനായില്ല. ഗംഭീര പ്രകടനം. സൂക്ഷ്മം, നിയന്ത്രിതം, ഊര്ജ്ജസ്വലം. ഇനിയും ഇതുപോലെയുള്ള പ്രകടനങ്ങള്ക്കായി കാത്തിരിക്കുന്നു' രഞ്ജിത്ത് ശങ്കര് ട്വീറ്റ് ചെയ്തു.
കടുവയ്ക്ക് ശേഷം പൃഥ്വിരാജും ഷാജി കൈലാസും ഒന്നിച്ച ചിത്രമാണ് 'കാപ്പ'. തിയേറ്ററുകളില് പ്രദര്ശനം തുടരുന്ന ചിത്രത്തിന് മികച്ച പ്രതികരണമാണ് ലഭിച്ചത്. തിരുവനന്തപുരം നഗരത്തില് അഴിഞ്ഞാടിയ ക്വട്ടേഷന് സംഘങ്ങളുടെ കുടിപ്പകയുടെ കഥയാണ് ചിത്രം പറയുന്നത്.
ഇന്ദുഗോപന്റെ പ്രശസ്ത നോവലായ 'ശംഖുമുഖി'യെ അടിസ്ഥാനപ്പെടുത്തിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഇന്ദുഗോപന് തന്നെയാണ് ചിത്രത്തിന്റെ രചനയും നിര്വ്വഹിക്കുന്നത്.
ഛായാഗ്രഹണം ജോമോന് ടി ജോണ്, പ്രൊഡക്ഷന് കണ്ട്രോളര് സഞ്ചു ജെ, അസോസിയേറ്റ് ഡയറക്ടര് മനു സുധാകരന്, മേക്കപ്പ് സജി കാട്ടാക്കട, സ്റ്റില്സ്ഹരി തിരുമല, പിആര്ഒ ശബരി എന്നിവരുമാണ്. ഷാജി കൈലാസ് ഏറ്റവും ഒടുവില് സംവിധാനം ചെയ്ത ചിത്രത്തിലും പൃഥ്വിരാജായിരുന്നു നായകന്. ജിനു എബ്രഹാമിന്റേതായിരുന്നു രചന.ജിനു വി ഏബ്രഹാം, ഡോള്വിന് കുര്യാക്കോസ് ദിലീഷ് നായര് എന്നിവരുടെ പങ്കാളിത്തത്തില് ആരംഭിച്ച തിയ്യേറ്റര് ഓഫ് ഡ്രീംസ് , സരിഗമ ഇന്ത്യ പ്രൈവറ്റ് ലിമിറ്റഡ്, ഫെഫ്ക റൈറ്റേഴ്സ് യൂണിയന്റെ സഹകരണത്തില് നിര്മ്മിക്കുന്ന ചിത്രമാണ് 'കാപ്പ'.
https://www.facebook.com/Malayalivartha
