യുക്രെയ്‌ന് മേല്‍ ഒരാഴ്ചയ്ക്കകം വിജയം നേടാനാകുമെന്നാണ് റഷ്യന്‍ പ്രസിഡന്റ് വ്‌ളാഡമിന്‍ പുടിന്‍ ധരിച്ചത്. എന്നാല്‍ മാസമൊന്നായിട്ടും യുക്രെയ്‌ന്റെ രോമത്തില്‍ പോലും തൊടാനായില്ല. അവസാനം പുടിന്‍ തന്നെ തെറ്റിദ്ധരിപ്പിച്ചവര്‍ക്കതിരെ നടപടിയെടുത്തു.

യുക്രെയ്ന്‍ യുദ്ധം എളുപ്പത്തില്‍ ജയിക്കാമെന്നു പറഞ്ഞു പറ്റിച്ച സൈനികമേധാവികളെ പുട്ടിന്‍ പിരിച്ചുവിട്ടതായി സൂചന. യുക്രെയ്‌നിലെ സൈനികനടപടി നീണ്ടുപോകുന്നതിനു പിന്നില്‍ സൈനികമേധാവികളുടെ പിടിപ്പുകേടാണെന്ന വിലയിരുത്തലിലാണ് പിരിച്ചുവിടല്‍. റഷ്യന്‍ നാഷനല്‍ ഗാര്‍ഡ് മേധാവി റോമന്‍ ഗാവ്!റിലോവ് ഉള്‍പ്പെടെയുള്ള ഉന്നത സൈനികമേധാവികളും രഹസ്യാന്വേഷണ ഏജന്‍സിയിലെ ഉന്നതരും ശിക്ഷാനടപടിക്കു വിധേയമായെന്നാണ് റിപ്പോര്‍ട്ട്.

യുദ്ധത്തെയും ഉപരോധത്തെയും തുടര്‍ന്നു രാജ്യംവിട്ട കമ്പനികള്‍ മേയ് ഒന്നിനകം തിരിച്ചെത്തിയില്ലെങ്കില്‍ റഷ്യ 10 വര്‍ഷത്തെ വിലക്കേര്‍പ്പെടുത്തും. യുദ്ധം കഴിയുമ്പോള്‍ മടങ്ങിയെത്താമെന്ന പ്രതീക്ഷയിലാണ് അഞ്ഞൂറോളം കമ്പനികള്‍ പൂട്ടി രാജ്യംവിട്ടത്.

വെള്ളിയാഴ്ച മോസ്‌കോയില്‍ നടന്ന ആഘോഷപരിപാടിയില്‍ റഷ്യന്‍ പ്രസിഡന്റ് വ്‌ലാഡിമിര്‍ പുട്ടിന്‍ ധരിച്ചിരുന്ന കോട്ടിന്റെ വില 10 ലക്ഷം രൂപയാണ്. 2014 ല്‍ യുക്രെയ്‌നില്‍ നിന്നു െ്രെകമിയ പിടിച്ചെടുത്തതിന്റെ എട്ടാം വാര്‍ഷികാഘോഷത്തിലാണ് ഇറ്റാലിയന്‍ ഫാഷന്‍ ബ്രാന്‍ഡ് ലോറ പിയനയുടെ കോട്ടിട്ട് പുട്ടിന്‍ എത്തിയത്. റഷ്യന്‍ ദേശഭക്തി ഗാനങ്ങളും സ്വയംപര്യാപ്തതയുടെ മുദ്രാവാക്യങ്ങളും മുഴങ്ങിയ ചടങ്ങില്‍ വിദേശകോട്ട് ധരിച്ചെത്തിയ പുട്ടിന്‍ വൈരുധ്യമായി.

മോസ്‌കോയിലെ ലുഷ്‌നിക്കി സ്‌റ്റേഡിയത്തില്‍ നടന്ന ആഘോഷപരിപാടിയില്‍ 2 ലക്ഷത്തോളം പേര്‍ പങ്കെടുത്തു. നിര്‍ബന്ധിത ഹാജര്‍ ഏര്‍പ്പെടുത്തിയിരുന്നതിനാ!ല്‍ ആയിരക്കണക്കിനാളുകള്‍ സ്‌റ്റേഡിയത്തിലെത്തി ടിക്കറ്റ് പഞ്ച് ചെയ്തതിനു ശേഷം മടങ്ങി. അതിനിടെ, പുട്ടിന്റെ പ്രസംഗം തല്‍സമയ സംപ്രേഷണത്തിനിടെ മുറിഞ്ഞത് വിവാദമായി. സംപ്രേഷണം തടസ്സപ്പെട്ടത് സാങ്കേതികത്തകരാര്‍ മൂലമാണെന്ന് ക്രെംലിന്‍ വിശദീകരിച്ചു.

ഇതിനിടെ രാജ്യാന്തര ബഹിരാകാശ നിലയത്തിലേക്കു റഷ്യന്‍ സഞ്ചാരികള്‍ വന്നുകയറിയത് യുക്രെയ്ന്‍ പതാകയുടെ നിറങ്ങള്‍ ചേര്‍ന്ന ഉടുപ്പിട്ട്! റഷ്യന്‍ സ്‌പേസ് കോര്‍പറേഷനായ റോസ്‌കോസ്‌മോസിന്റെ ഒലേഗ് ആര്‍തേമിയേവ്, ഡെനിസ് മാറ്റ്!വെയേവ്, സെര്‍ഗെയ് കോര്‍സകോവ് എന്നിവര്‍, മഞ്ഞയും നീലയും നിറത്തിലുള്ള ബഹിരാകാശവസ്ത്രങ്ങളിഞ്ഞ് നില്‍ക്കുന്ന പടങ്ങളാണു പുറത്തുവന്നത്. വെള്ളിയാഴ്ചയാണ് മൂവരും എത്തിയത്. യുക്രെയ്ന്‍ യുദ്ധം ആരംഭിച്ചശേഷം സ്‌പേസ് സ്‌റ്റേഷനിലേക്കെത്തുന്ന ആദ്യ സംഘമാണിത്.

വസ്ത്രത്തിന്റെ നിറം തിരഞ്ഞെടുത്തതില്‍ രാഷ്ട്രീയ സന്ദേശമുണ്ടോ എന്നു വ്യക്തമല്ല. അവിടെ നിന്നു കുടുംബാംഗങ്ങളുമായി സംസാരിക്കവേ ഇതേക്കുറിച്ചുള്ള ചോദ്യത്തോട് ഒലേഗ് ആര്‍തേമിയേവ് പ്രതികരിച്ചത് ഇങ്ങനെയാണ്: മഞ്ഞ നിറമുള്ള കുറെ വസ്ത്രങ്ങള്‍ ഞങ്ങള്‍ കൊണ്ടുവന്നിരുന്നു. അത് എപ്പോഴെങ്കിലുമൊക്കെ ധരിക്കണമല്ലോ!

റഷ്യന്‍ അധിനിവേശത്തില്‍ പ്രതിഷേധിച്ചും യുക്രെയ്‌നിന് പിന്തുണ അറിയിച്ചും ലോകത്തിന്റെ പലഭാഗങ്ങളിലും യുക്രെയ്ന്‍ പതാകയുടെ നിറങ്ങളുള്ള വസ്ത്രങ്ങള്‍ അണിഞ്ഞ് ആളുകള്‍ രംഗത്തുവന്നിരുന്നു. യുക്രെയ്ന്‍ യുദ്ധം ബഹിരാകാശരംഗത്തെ പ്രവര്‍ത്തനങ്ങളില്‍ പല തടസ്സങ്ങളുമുണ്ടാക്കിയിട്ടുണ്ട്. യുഎസിന് റോക്കറ്റ് എന്‍ജിനുകള്‍ വിതരണം ചെയ്യില്ലെന്നു റോസ്‌കോസ്‌മോസ് മേധാവി ദിമിത്രി റോഗോസിന്‍ പറഞ്ഞിരുന്നു. യുഎസും റഷ്യയും പങ്കാളികളായ ബഹിരാകാശ നിലയത്തിന്റെ കാര്യത്തിലും അനിശ്ചിതത്വമുണ്ട്.