അതിര്‍ത്തി കടന്നാല്‍ പൊട്ടിത്തെറിക്കും; റഷ്യ വ്യോമാക്രമണം നിര്‍ത്തുന്നു; കാരണം യുക്രൈന്റെ തിരിച്ചടി; ഇന്ന് ആകാശത്ത് പൊട്ടിച്ചിതറിയത് റഷ്യയുടെ മൂന്ന് വജ്രായുധങ്ങള്‍;
ഹൈപ്പര്‍സോണിക് മിസൈലുകള്‍ ഉപയോഗിച്ചുകൊണ്ടുള്ള റഷ്യയുടെ ആക്രമണങ്ങള്‍ തുടരുന്നതിനിടെ തന്ത്രപ്രധാന നീക്കങ്ങളിലൂടെ റഷ്യയ്ക്ക് വന്‍ പ്രഹരം ഏല്‍പ്പിച്ചിരിക്കുകയാണ് യുക്രൈന്‍. റഷ്യയുടെ മൂന്നു യുദ്ധവിമാനങ്ങള്‍ യുക്രെയ്ന്‍ സേന വെടിവച്ചിട്ടു എന്നാണ് പുതിയ റിപ്പോര്‍ട്ട്. ഇതോടെ യുക്രെയ്‌നിന്റെ വ്യോമപരിധിയില്‍ റഷ്യയുടെ ഹെലികോപ്റ്ററുകളും വിമാനങ്ങളും കുറച്ചതായാണ് വിവരം.
ഇതിനിടെ യുക്രെയ്ന്‍ റഷ്യയ്ക്ക് കടുത്ത മുന്നറിയിപ്പ് നല്‍കിയിരിക്കുകയാണ്. ഇപ്പോഴത്തെ യുദ്ധത്തിന്റെ അനന്തരഫലങ്ങള്‍ തലമുറകളോളം രാജ്യം അനുഭവിക്കുമെന്നാണ് യുക്രെയ്ന്‍ പ്രസിഡന്റ് സെലന്‍സ്‌കിയുടെ മുന്നറിയിപ്പ്. റഷ്യ ഉഭയകക്ഷി ചര്‍ച്ചകള്‍ക്ക് പ്രതിജ്ഞാബദ്ധരാകണമെന്നും യുക്രെയ്‌നിലെ അധിനിവേശം അവസാനിപ്പിക്കണമെന്നും സെലെന്‍സ്‌കി പുട്ടിനോട് ആവശ്യപ്പെട്ടു.
ഇതിനിടെ റഷ്യയുടെ ഹൈപ്പര്‍സോണിക് മിസൈലുകള്‍ പടിഞ്ഞാറന്‍ യുക്രെയ്‌നിലെ ഇവാനോഫ്രാങ്കിവ്‌സ്‌ക് മേഖലയില്‍ പ്രയോഗിച്ചതായും റിപ്പോര്‍ട്ടുകളുണ്ട്. മിസൈലുകളും മറ്റു വെടിക്കോപ്പുകളും സൂക്ഷിച്ചിരുന്ന യുക്രെയ്‌ന്റെ വലിയ ഭൂഗര്‍ഭ താവളം ഹൈപ്പര്‍സോണിക് മിസൈല്‍ ഉപയോഗിച്ച് തകര്‍ത്തുവെന്നാണ് റഷ്യയുടെ ഔദ്യോഗിക റിപ്പോര്‍ട്ട്.
യുക്രൈനിലെ മരിയോപോള്‍ നഗരത്തില്‍ റഷ്യ നടത്തിയ ബോംബ് ആക്രമണത്തില്‍ സ്‌കൂള്‍ കെട്ടിടം തകര്‍ന്നു. ഇവിടെ നാനൂറ് പേര്‍ അഭയാര്‍ഥികളായി കഴിഞ്ഞിരുന്നതായി യുക്രൈന്‍ വ്യക്തമാക്കി.
ശനിയാഴ്ച നടന്ന ആക്രമണത്തില്‍ എത്രപേര്‍ക്ക് ജീവഹാനിയുണ്ടായെന്ന് വ്യക്തമല്ല. സ്‌കൂള്‍ കെട്ടിടം പൂര്‍ണമായും തകര്‍ന്നതായും കെട്ടിടാവശിഷ്ടങ്ങള്‍ക്കടിയില്‍ നിരവധി പേര്‍ അകപ്പെട്ടിട്ടുണ്ടെന്നും യുക്രൈന്‍ വ്യക്തമാക്കി.
യുക്രൈന്റെ ഭൂഗര്‍ഭ ആയുധശേഖരം തകര്‍ക്കാന്‍ റഷ്യ കഴിഞ്ഞദിവസം ഏറ്റവുംപുതിയ കിന്‍സൊ ഹൈപ്പര്‍സോണിക് മിസൈല്‍ പ്രയോഗിച്ചതായി റഷ്യ വ്യക്തമാക്കിയിരുന്നു. പടിഞ്ഞാറന്‍ യുക്രൈനില്‍ റൊമാനിയന്‍ അതിര്‍ത്തിയോടുചേര്‍ന്നുള്ള ഇവാനോ ഫ്രാങ്കിവ്‌സ്‌കിലെ ഭൂഗര്‍ഭ അറയാണ് റഷ്യ വെള്ളിയാഴ്ച തകര്‍ത്തത്. സ്‌ഫോടകവസ്തുക്കളും മിസൈലുകളും ഇവിടെ സൂക്ഷിച്ചിരുന്നെന്നാണ് റഷ്യ അവകാശപ്പെടുന്നത്.
https://www.facebook.com/Malayalivartha
