പുടിനും സെലന്‍സ്‌കിയും യുദ്ധം അവസാനിക്കാനുള്ള ചര്‍ച്ചകളിലേയ്ക്ക് നീങ്ങുന്നു എന്ന റിപ്പോര്‍ട്ടുകള്‍ പുറത്തു വരുന്നതിനിടെ. കീവില്‍ നിന്ന് അതി ദാരുണമായ സംഭവങ്ങളാണ് റിപ്പോര്‍ട്ട് ചെയ്യപ്പെടുന്നത്. ജനങ്ങള്‍ താമസിക്കുന്ന റസിഡന്‍ഷ്യല്‍ ഏരിയയില്‍ പുടിന്‍ അതി ഭീകരമായ ഷല്ലാക്രമണങ്ങളും മിസൈല്‍ ആക്രമണങ്ങളും നടക്കുകയാണ്.. യുദ്ധം അവസാനിക്കുകയല്ല കൂടുതല്‍ രൂക്ഷമാകാന്‍ പോകുകയാണ് എന്ന സൂചനയാണ് ഈ ആക്രമണങ്ങളിലൂടെ വെളിവാകുന്നത്. പുടിന്‍ ആണവായുധം പ്രയോഗിക്കാനുള്ള സാധ്യതയും കൂടുന്നതായാണ് അന്താരാഷ്ട്ര മാധ്യമങ്ങള്‍ നല്‍കുന്നത്. കീവില്‍ നിന്ന് അടിയന്തരമായി ജനങ്ങളെ എല്ലാം മാറ്റി പാര്‍പ്പിച്ചതുകൊണ്ടുമാത്രം വലിയൊരു അപകടം ഒഴിവായി എങ്കിലും 4 പേര്‍ കൊല്ലപ്പെട്ടു എന്നാണ് പ്രാധമീക കണക്ക്.

ഞായറാഴ്ച വൈകുന്നേരത്തോടെ കിയെവിലെ റസിഡന്‍ഷ്യല്‍ ഹൗസുകളിലും ഷോപ്പിംഗ് മാളിലുമാണ് റഷ്യയുടെ ആക്രമണം ഉണ്ടായത്. കിവ് മേയര്‍ വിറ്റാലി ക്ലിറ്റ്ഷ്‌കോ, ഉക്രേനിയന്‍ തലസ്ഥാനത്തെ ഷോപ്പിംഗ് ജില്ലയില്‍ സ്‌ഫോടനം നടന്നതിന്റെ ചിത്രങ്ങള്‍ സോഷ്യല്‍ മീഡിയയില്‍ പോസ്റ്റ് ചെയ്തു.

'റിട്രോവില്‍' എന്നറിയപ്പെടുന്ന മാളില്‍ അമേരിക്കയുടെ നിരവധി ബ്രാന്‍ഡുകള്‍ ഉണ്ടായിരുന്നു എന്നുള്ള കാര്യവും യുക്രൈന്‍ ഓര്‍മപ്പെടുത്തി. ആക്രമണം ഇങ്ങനെ രണ്ടാം മാസത്തിലേയ്ക്ക് നീളുന്നതും. സാധാരണക്കാര്‍ക്കു നേരെ റഷ്യ ആക്രമണം കടുപ്പിക്കുന്നതും വലിയ രീതിയില്‍ ജോ ബൈഡനെ പ്രകോപിപ്പിച്ചിട്ടുണ്ട്. ഇതിന്റെ ഭാഗമായി ഇനി എങ്ങനെയായിരിക്കണം കാര്യങ്ങള്‍ എന്നതിനെ കുറിച്ച് ചര്‍ച്ച ചെയ്യാന്‍ ബൈഡന്‍ യൂറോപ്പിലേയ്ക്ക് തിരിക്കുകയാണ്. മാത്രമല്ല ബൈഡന്റെ ബ്രസല്‍സ് സന്ദര്‍ശിക്കാനം തീരുമാനിച്ചിരിക്കുന്ന സമയത്തു തന്നെ ഈ ജനവാസ മേഘലയിലുണ്ടായ ആക്രമണം റഷ്യയ്ക്ക് വലിയ തിരിച്ചടിയാകും എന്നാണ് വിലയിരുത്തല്‍.

അമേരിക്കയുടെയും നാറ്റോയുടെയും തന്ത്രങ്ങളാണ് ഇങ്ങനെ ഒരു യുദ്ധമായി പരിണമിച്ചതെന്ന ആരോപണം നിലനില്‍ക്കുന്നതിനിടെ സാധാരണക്കാര്‍ നിരവധി മരിച്ചു വീഴുന്നത് അമേരിക്കയുടെയും ഉറക്കം കെടുത്തുന്നുണ്ട്. അതിനാല്‍ തന്നെ ഈ യുദ്ധം അവസാനിപ്പിക്കാനോ അല്ലെങ്കില്‍ റഷ്യയ്ക്ക് നാറ്റോ സ്‌പോണ്‍സര്‍ ചെയ്‌തൊരു തിരിച്ചടി നല്‍കാനോ ആകും ബൈഡന്‍ ഈ കൂടിക്കാഴ്ചയിലൂടെ ശ്രമിക്കുക എന്ന വിലയിരുത്തലുകളും വന്നുകഴിഞ്ഞു..

അങ്ങനെ സംഭവിച്ചാല്‍ ഇതൊരു മുന്നാം ലോക മഹായുദ്ധമാകാനുള്ള സാധ്യത യുദ്ധ വിദഗ്ദര്‍ തള്ളിക്കളഞ്ഞിട്ടില്ല. ആണവാക്രമണം പ്രയോഗിക്കാന്‍ പുടിന്‍ ഉത്തരവിട്ടതായുള്ള വാര്‍ത്തകള്‍ പുറത്തുവരുമ്പോള്‍. അതിനെയും വളരെ ഗൗരവത്തോടെയാണ് ബൈഡന്‍ കാണുന്നത്.

അതേസമയം മാര്‍ച്ച് 19 ന് അര്‍ദ്ധരാത്രി മുതല്‍ ഉക്രെയ്‌നില്‍ 902 സാധാരണക്കാര്‍ കൊല്ലപ്പെടുകയും 1,459 പേര്‍ക്ക് പരിക്കേല്‍ക്കുകയും ചെയ്തതായാണ് യുഎന്‍ മനുഷ്യാവകാശ ഓഫീസ് അറിയിച്ചിരിക്കുന്നത്.

ഏകദേശം 3.4 ദശലക്ഷത്തോളം പേര്‍ രാജ്യം വിട്ട് പലായനം ചെയ്തവരുള്‍പ്പെടെ പത്ത് ദശലക്ഷം ആളുകള്‍ പലായനം ചെയ്യപ്പെട്ടു, യുഎന്‍ അഭയാര്‍ത്ഥി ഏജന്‍സി പറഞ്ഞു.

റഷ്യന്‍ അധിനിവേശത്തെക്കുറിച്ച് യൂറോപ്യന്‍ നേതാക്കളുമായി മുഖാമുഖ ചര്‍ച്ചകള്‍ക്കായി അടുത്തയാഴ്ച ബിഡന്റെ യൂറോപ്പിലേക്കുള്ള യാത്രയ്ക്ക് മുന്നോടിയായാണ് ഏറ്റവും പുതിയ ആക്രമണം, വൈറ്റ് ഹൗസ് പ്രസ് സെക്രട്ടറി ജെന്‍ സാക്കിയും അറിയിച്ചു മാര്‍ച്ച് 24 ന് ബ്രസല്‍സില്‍ നടക്കുന്ന അസാധാരണമായ നാറ്റോ ഉച്ചകോടിയില്‍ ബൈഡന്‍ യൂറോപ്യന്‍ നേതാക്കളുമായി കൂടിക്കാഴ്ച നടത്തും.