ഉക്രെയ്‌നിനെതിരായ യുദ്ധത്തില്‍ ബെലാറസ് സേനയും. റഷ്യയ്ക്ക് പിന്തുണ പ്രഖ്യാപിച്ചുകൊണ്ടാണ് ബലാറസ് സൈന്യം യുക്രൈനലേയ്ക്ക് കടക്കാനൊരുങ്ങുന്നത്. ബലാറസ് സൈന്യം ഉടന്‍ തന്നെ റഷ്യയുമായി ചേര്‍ന്ന് യുദ്ധം ചെയ്യുമെന്ന് യുഎസും നാറ്റോയും അറിയിച്ചിട്ടുണ്ട്, യുഎസും നാറ്റോ ഉദ്യോഗസ്ഥരും സിഎന്‍എന്നിനോടാണ് ഇക്കാര്യം വെളിപ്പെടുത്തിയത്. ബലാറസ് യുദ്ധമുഖത്തേയ്ക്ക് ഇറങ്ങാനുള്ള നടപടികള്‍ സ്വീകരിച്ചുവരികയാണെന്നും നാറ്റോ അറിയിച്ചു.

ബെലാറസ് സംഘര്‍ഷത്തിലേക്ക് കടക്കാനുള്ള സാധ്യതയുണ്ട് എന്ന് നാറ്റോ സൈനിക ഉദ്യോഗസ്ഥന്‍ നേരത്തേ മുന്നറിയിപ്പ് നല്‍കിയിരുന്നു.ആള്‍ബലത്തില്‍ ക്ഷയിച്ച 'പുടിന് ഇപ്പോള്‍ പിന്തുണ ആവശ്യമാണ്. അതിനാല്‍ തന്നെ ബലാറസ് എന്തും സഹായിക്കും എന്നാണ് നാറ്റോ ഉദ്യോഗസ്ഥന്‍ വിശദീകരിച്ചത്.

ആയിരക്കണക്കിന് സേനയെ വിന്യസിക്കാന്‍ തയ്യാറായി നില്‍ക്കുന്ന ബെലാറസ് കോംബാറ്റ് യൂണിറ്റുകള്‍ കഴിയുന്നത്ര വേഗത്തില്‍ ഉക്രെയ്‌നിലേക്ക് പോകാന്‍ തയ്യാറാണെന്ന് അറിയിച്ചതായി ബെലാറസ് പ്രതിപക്ഷ വൃത്തങ്ങളും സ്ഥിരീകരിച്ചു. റഷ്യ യുക്രൈന്‍ യുദ്ധത്തിനിടയില്‍ മറ്റൊരു രാജ്യം കൂടി യുദ്ധത്തില്‍ ചേരുന്നതിന്റെ പ്രത്യാഘാതങ്ങള്‍ വളരെ വലുതായിരിക്കും എന്നാണ് വിദഗ്ദാഭിപ്രായം,

അതുപോലെതന്നെ ഉക്രെയ്‌നിനെതിരായ ബെലാറഷ്യന്‍ ആക്രമണത്തെ ന്യായീകരിക്കാന്‍ ബെലാറസ് സര്‍ക്കാര്‍ ഒരുക്കുകയാണെന്ന് മുതിര്‍ന്ന നാറ്റോ ഇന്റലിജന്‍സ് ഉദ്യോഗസ്ഥനും സ്ഥിരീകരിച്ചു.

എന്നാല്‍ ആണവാക്രമണ ഭീഷണി നിലനില്‍ക്കുന്നതിനിടെ റഷ്യ ആണവായുധങ്ങള്‍ പ്രയോഗിക്കാനുള്ള സാധ്യതയോ തയ്യാറെടുപ്പുകളോ നടത്തിയതിന് ഇതുവരെ ഒരു തെളിവും ലഭിച്ചിട്ടില്ലെന്ന് യുഎസ് ഉദ്യോഗസ്ഥര്‍ മാധ്യമങ്ങളോട് പ്രതികരിച്ചു.

എന്നാല്‍ നേരത്തേ ബലാറസ് സൈന്യം യുദ്ധമുഖത്തിറങ്ങി എന്ന രീതിയില്‍ വാര്‍ത്തകള്‍ വന്നു എങ്കിലും. നിലവില്‍ ഉക്രെയ്‌നിലെ പോരാട്ടത്തില്‍ ബെലാറസ് പങ്കെടുക്കുന്നുണ്ടെന്നതിനതിന് ഇതുവരെ സൂചനകളും ലഭിച്ചിട്ടില്ലെന്നാണ് ഒരു മുതിര്‍ന്ന യുഎസ് പ്രതിരോധ ഉദ്യോഗസ്ഥന്‍ വ്യക്തമാക്കിയത്, 'ബെലാറഷ്യക്കാര്‍ ഉക്രെയ്‌നിലേക്ക് ഇതുവരെ നീങ്ങിയില്ലെങ്കിലും അതുടന്‍ ഉണ്ടാകും എന്ന് നാറ്റോ യുഎസ് സൈനീകര്‍ കണക്കുകൂട്ടുന്നു.

അതേസമയം യുദ്ധത്തില്‍ ബെലാറസിന്റെ പങ്കാളിത്തം സംബന്ധിച്ച അന്തിമ തീരുമാനം മോസ്‌കോയില്‍ ഇനിയും എടുക്കേണ്ടതുണ്ടെന്നും ഇതുവരെ അക്കാര്യത്തില്‍ ഔദ്യോഗികമായ പ്രഖ്യാപനം ഉണ്ടായിട്ടില്ലെന്നും നാറ്റോ സൈനിക ഉദ്യോഗസ്ഥന്‍ പറഞ്ഞു. എന്നാല്‍ ഇതിനുള്ള സാധ്യതയും ചര്‍ച്ചകളും നടക്കുന്നു എന്ന് ബലാറുസില്‍ നിന്നു തന്നെയാണ് സൂചനകള്‍ വരുന്നത്.

യുക്രെയ്‌നുമായുള്ള ചര്‍ച്ചകള്‍ ഇനിയും ഫലപ്രദമായിത്തുടങ്ങിയിട്ടില്ലെന്ന് റഷ്യ. യുക്രെയ്‌നെ സ്വാധീനിക്കാന്‍ കഴിയുന്ന രാജ്യങ്ങള്‍ ചര്‍ച്ചകളില്‍ ക്രിയാത്മകമായി പ്രതികരിക്കാന്‍ സമ്മര്‍ദം ചെലുത്തണമെന്നും റഷ്യ ആവശ്യപ്പെട്ടു. ഇന്നലെയും ഇരു രാജ്യങ്ങളുടെയും പ്രതിനിധികള്‍ ചര്‍ച്ച തുടര്‍ന്നുവെങ്കിലും പുരോഗതി ഉണ്ടായില്ല.

അതേസമയം, യുക്രെയ്ന്‍ യുദ്ധത്തോടുളള രാജ്യാന്തര പ്രതികരണം വിലയിരുത്താന്‍ യുഎസ് പ്രസിഡന്റ് ജോ ബൈഡന്‍ വെള്ളിയാഴ്ച പോളണ്ടിലെത്തും. പോളണ്ട് പ്രസിഡന്റുമായി കൂടിക്കാഴ്ച നടത്തുന്ന ബൈഡന്‍ യൂറോപ്യ!ന്‍ രാഷ്ട്രത്തലവന്‍മാരുമായി ഫോണില്‍ സംസാരിക്കും. യുദ്ധം ആരംഭിച്ചതിനു ശേഷം 33 ലക്ഷം യുക്രെയ്ന്‍കാര്‍ പലായനം ചെയ്തു പോളണ്ടിലെത്തിയെന്നാണ് കണക്ക്. ഇവരുടെ സംരക്ഷണത്തിനായി ഈ വര്‍ഷം 220 കോടി യൂറോ വേണ്ടി വരും.