യുക്രൈന് പിടിക്കാന് യുദ്ധത്തിന് മുമ്പ് പുടിന്റെ രഹസ്യ ഓപ്പറേഷന്; കയ്യോടെ പൊക്കി പോളണ്ട്; ആ 45 പേരും സ്വാഹ..
യുദ്ധത്തിനു മുമ്പ് വിവരങ്ങള് ചോര്ത്താന് 45 കെജിബി ചാരന്മാരെ പോളണ്ടിലേയ്ക്ക് അയച്ച റഷ്യയെ കയ്യോടെ പൊക്കി. പോളണ്ടിന്റെ രഹസ്യാന്വേഷണ വിഭാഗം നടത്തിയ അന്വേഷണത്തിലാണ് ചാരന്മാരെ പൊക്കിയത്. യുക്രെയ്ന് അധിനിവേശം ഒരു മാസത്തിലേക്കെത്തി നില്ക്കുമ്പോഴാണ് റഷ്യയക്കെതിരെ ഗുരുതര കണ്ടെത്തലുമായി പോളണ്ട് രംഗത്തുവരുന്നത്. 45 റഷ്യന് നയതന്ത്ര ഉദ്യോഗസ്ഥര്മാര് ചാരന്മാരാണെന്ന് സംശയിക്കുന്നതായി പോളണ്ട്. ആരോപണം ഉയര്ത്തിയതിന് പിന്നാലെ ഉദ്യോഗസ്ഥരെ പുറത്താക്കിയതായി പോളണ്ട് ആഭ്യന്തരമന്ത്രി മാരിയൂസ് കമന്സ്കി വ്യക്തമാക്കി. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്.
പോളണ്ടിന്റെ രഹസ്യാന്വേഷണ വിഭാഗത്തിന്റേതായിരുന്നു ആരോപണം. ചാരന്മാരെ തിരിച്ചറിഞ്ഞതായും ഇവരെ പുറത്താക്കാന് വിദേശകാര്യ മന്ത്രാലയത്തോട് ആവശ്യപ്പെട്ടതായും എബിഡബ്ലു നേരത്തെ ആവശ്യപ്പെട്ടിരുന്നു. അതിന് പിന്നാലെയാണ് രാജ്യം റഷ്യന് ചാരന്മാരെന്ന് സംശയിക്കുന്നവരെ പുറത്താക്കിയത്. പോളണ്ടിലെ റഷ്യന് അംബാസിഡര് സെര്ജി ആന്ഡ്രേവ് പുറത്താക്കന് സ്ഥിരീകരിച്ചിട്ടുണ്ട്.ഇത്തരത്തിലുള്ള ആരോപണങ്ങള്ക്ക് അടിസ്ഥാനമൊന്നുമില്ലെന്ന അദ്ദേഹം അവകാശപ്പെട്ടു.
നയതന്ത്ര പ്രവര്ത്തനങ്ങളുടെ മറവില് പോളണ്ടില് ജോലി ചെയ്യുന്ന 45 പേരുടെ പട്ടിക ആഭ്യന്തര സുരക്ഷാ ഏജന്സി തയ്യാറാക്കിയിട്ടുണ്ടെന്ന് എബിഡബ്ലു വക്താവ് സ്റ്റാനിസ്ലാവ് സറിന് വ്യക്തമാക്കി. ഇവര് രാജ്യത്തിനെ ലക്ഷ്യം വെയ്ക്കുന്നതായും അദ്ദേഹം ആരോപിച്ചു.
ചാരവൃത്തി ആരോപിച്ച് ഒരു പോളിഷ് പൗരനെ കസ്റ്റഡിയിലെടുത്തതായും അദ്ദേഹം കൂട്ടിച്ചേര്ത്തു. വാഴ്സോയുടെ രജിസ്ട്രി ഓഫീസിലെ ആര്ക്കൈവുകളില് ജോലി ചെയ്തിരുന്നയാളെയാണ് കസ്റ്റഡിയിലെടുത്തിരിക്കുന്നത്. ഇയാളുടെ പ്രവര്ത്തനം പോളണ്ടിന്റെ ആന്തരികവും ബാഹ്യവുമായ സുരക്ഷയ്ക്ക് ഭീഷണി ഉയര്ത്തുന്നുവെന്ന് ചൂണ്ടിക്കാട്ടിയാണ് കസ്റ്റഡിയിലെടുത്തത്.
https://www.facebook.com/Malayalivartha