നമ്മുടെ സൈന്യം വേറെ ലെവലാകുന്നു; ഇന്ത്യന് കര സേനയ്ക്ക് സ്വന്തമായി ഉപഗ്രഹം; രാത്രികാല ദൂരദര്ശിനിയും അവ ഘടിപ്പിക്കാവുന്ന തോക്കും ; നാവിക വ്യോമസേനയ്ക്കുപിന്നാലെ ആ നേട്ടം കൈവരിച്ച് കരസേനയും
റഷ്യ യുക്രൈന് യുദ്ധത്തില് ഇന്നും യുക്രൈന് പിടിച്ചു നില്ക്കാനാകുന്നുണ്ടെങ്കില്.. അത് ടെക്നോളജിയെ ഉപയോഗപ്പെടുത്തിയതുകൊണ്ടാണ്.. റഷ്യയുടെ പക്കലുള്ള അതി നൂതനമായ ആയുധം അവരുടെ പക്കലില്ലായിരുന്നു എങ്കിലും. ഇലണ് മസ്കിനെ കൂടെ കൂട്ടി ടെക്നോളജി ഉപയോഗിച്ച് കളിച്ചതിന്റെ റിസള്ട്ടാണ് പുടിന്റെ ഇപ്പോഴത്തെ നിസ്സഹായതയ്ക്ക് കാരണം.. അതിനാല് തന്നെ യുദ്ധ മുഖത്ത് ടെക്നോളജി ഉപയോഗപ്പെടുത്തേണ്ടതിന്റെ ആവശ്യകത വളരെ വലുതാണ്.. ഇന്ത്യ ഇത് കൃത്യമാക്കി മനസ്സിലാക്കിയിട്ടുണ്ട്. നമ്മുടെ സംയുക്ത സൈനീക മേധാവിയായിരുന്ന വിപിന് റാവത്ത് നേരത്തേ തന്നെ ഇത്തരം നീക്കങ്ങള് ഇന്ത്യന് സൈന്യത്തില് നടത്തി തുടങ്ങിയിരുന്നു..
ഇപ്പോഴിതാ ആ നീക്കങ്ങള്ക്ക് കൂടുതല് ശക്തി കൈവന്നിരിക്കുകയാണ്. നാവിക വ്യോമ സേനയ്ക്കു പുറമേ ഇന്ത്യന് കരസേന സ്വന്തം ഉപഗ്രഹമടക്കമുള്ള സംവിധാനങ്ങള് ഉപയോഗപ്പെടുത്തിയായിരിക്കും ശത്രുനിരയ്ക്കെതിരെ പോരാടുക. ഇതിനു വേണ്ട അത്യാധുനിക സാങ്കേതിക വിദ്യകളും അനുബന്ധ ഉപകരണങ്ങളും വാങ്ങാന് പ്രതിരോധ വകുപ്പ് അനുമതി നല്കിയിരിക്കുകയാണ്. ഉപഗ്രഹവും ഭാരംകുറഞ്ഞ വാഹനങ്ങളും രാത്രികാല ഉപയോഗത്തിനായുള്ള ദൂരദര്ശിനികളും അവ ഘടിപ്പിക്കാവുന്ന റൈഫിളുകളുമാണ് ഇപ്പോള് കരസേന സ്വന്തമാക്കാനൊരുങ്ങുന്നത്.
ചൊവ്വാഴ്ച നടന്ന ഡിഫന്സ് അക്വിസിഷന് കൗണ്സില് യോഗത്തിലാണ് പ്രതിരോധ വിഭാഗങ്ങള്ക്ക് ഉപഗ്രഹം നിര്മ്മിച്ച് വിക്ഷേപിക്കാനുള്ള തീരുമാനം ഉണ്ടാകുന്നത്. ജിസാറ്റ് 7ആ എന്നായിരിക്കും ഉപഗ്രഹത്തിന്റെ പേര്. ഐഎസ്ആര്ഒ ആയിരിക്കും ശക്തമായ നിരീക്ഷണ സംവിധാനങ്ങള് ഘടിപ്പിച്ചാകും ഈ ഉപഗ്രഹം നിര്മ്മിക്കുക.. 8357 കോടിരൂപയാണ് സിസാറ്റ് 7നും ദൂരദര്ശിനികളും അവ ഘടിപ്പിക്കാവുന്ന റൈഫിളുകളും വാങ്ങാന് വകയിരുത്തുന്നത്
നിലവില് ഇന്ത്യയുടെ നാവികസേനയ്ക്കും വായുസേനയ്ക്കും നിരീക്ഷണ ആവശ്യങ്ങള്ക്കായി സ്വന്തമായി ഉപഗ്രഹങ്ങളുണ്ട്. എന്നാല്, ഇതുവരെ കരസേനയ്ക്ക് ഇങ്ങനെ ഒന്ന് ഉണ്ടായിരുന്നില്ല. ജിസാറ്റ് 7ആ ഭ്രമണപഥത്തില് എത്തുന്നതോടെ, കരസേനയും ഈ മേഖലയില് സ്വയംപര്യാപ്തത കൈവരിക്കും.
ഇന്ത്യന് കമ്പനികളും വിദേശ കമ്പനികളും സംയുക്തമായി ആത്മനിര്ഭര് സംവിധാനത്തിലാണ് ഉപകരണങ്ങള് നല്കുന്നത്. കരസേനയുടെ അത്യാധുനിക വല്ക്കരണം കാലഘട്ടത്തിന് അനുസൃതമായിരിക്കണം. പുതിയവെല്ലുവിളികളെ നേരിടാന് പാകത്തിന് സേന ബലപ്പെടണം. കേന്ദ്രമന്ത്രി രാജ്നാഥ് സിംഗ് നേതൃത്വം നല്കുന്ന ഡിഫന്സ് അക്വിസിഷന് കൗണ്സിലാണ് ആവശ്യം അംഗീകരിച്ചത്. ഇന്ത്യന് നിര്മ്മിതമായ ഉപകരണങ്ങളും ആയുധങ്ങളും സ്വന്തമാക്കാനാണ് അനുമതി നല്കിയിട്ടുള്ളത്.
അനുമതി പ്രകാരം 1400 കോടി രൂപ വിലവരുന്ന 30,000 നൈറ്റ്സൈറ്റ് ഇമേജ് ഇന്റന്സിഫയര് റൈഫിളുകള്, 740 കോടി വിലവരുന്ന 5000 ജിഎസ് 4*4 ജീപ്പുകള്, റഡാറുകള് എന്നിവയുമാണ് വാങ്ങുന്നത്. ജീസാറ്റ് ഉപഗ്രഹം കരസേനയ്ക്ക് മാത്രമായി ഉപയോഗിക്കാന് 4600 കോടിരൂപയാണ് ചിലവ്. കഴിഞ്ഞ വര്ഷം പ്രതിരോധ വകുപ്പ് ഇന്ത്യന് വ്യോമസേനയ്ക്കായി ഉപഗ്രഹം 2236 കോടിയ്ക്കും ഉടന് വിക്ഷേപിക്കും. അടുത്ത ഘട്ടത്തില് നാവിക സേനയ്ക്കും സംവിധാനം ഒരുങ്ങും.
https://www.facebook.com/Malayalivartha