വാഹനമോടിക്കുന്നത് കുട്ടിക്കളിയല്ല !; അബുദാബിയില്‍ ലൈസന്‍സില്ലാതെ പിടികൂടിയത് 342 കുട്ടി ഡ്രൈവര്‍മാരെ
കഴിഞ്ഞ ആറ് മാസത്തിനുള്ളില്‍ ലൈസന്‍സില്ലാതെ വാഹനമോടിച്ചതിന് അബുദാബിയില്‍ 342 കുട്ടി ഡ്രൈവര്‍മാരെന്ന് റിപ്പോർട്ടുകൾ. പ്രായപൂര്‍ത്തിയാകാത്ത 17 പേര്‍ വാഹനാപകടങ്ങൾ വരുത്തിയതായും അബുദാബി ട്രാഫിക് പോലീസ് വിഭാഗം അറിയിച്ചു.
സുരക്ഷാ മാനദണ്ഡങ്ങളില്ലാത്ത ഡ്രൈവിംഗാണ് ഒട്ടുമിക്ക അപകടത്തിനും കാരണമാകുന്നതെന്ന് സെന്‍ട്രല്‍ ഓപ്പറേഷന്‍സ് ഡയറക്ടറേറ്റിലെ ഡയറക്ടര്‍ ബ്രിഗേഡിയര്‍ ഖലീഫ അല്‍ ഖൈലി പറഞ്ഞു. അതോടൊപ്പം തന്നെ മാതാപിതാക്കളുടെ അശ്രദ്ധയാണ് ലൈസൻസില്ലാതെ കുട്ടികള്‍ വാഹനമോടിക്കുന്നതിന് പ്രധാന കാരണമെന്നും ഖലീഫ കൂട്ടിച്ചേർത്തു.
അറസ്റ്റിലായ കൗമാരക്കാരില്‍ 256 കേസുകളില്‍ അവരുടെ മാതാപിതാക്കളെ പോലീസ് വിളിച്ചുവരുത്തി കര്‍ശനമായി താക്കീത് നല്‍കിയാണ് പറഞ്ഞുവിട്ടത്. രണ്ടാം തവണയും പിടികൂടിയാല്‍ കര്‍ശന നടപടികള്‍ സീകരിക്കുമെന്ന് പോലീസ് മുന്നറിയിപ്പു നല്‍കി.
കൗമാരക്കാര്‍ ലൈസന്‍സില്ലാതെ വാഹനമോടിക്കുന്നത് നിയമലംഘനമാണെന്നും ഇതില്‍ നിന്ന് കുട്ടികളെ തടയുന്നതിനും അവരുടെ പ്രവര്‍ത്തനങ്ങള്‍ നിരീക്ഷിക്കുന്നതിനും കുടുംബാംഗങ്ങള്‍ തയ്യാറാകണമെന്നും അബുദാബി പോലീസ് അറിയിച്ചു.
https://www.facebook.com/Malayalivartha
