മലയാളതനിമയെ വിളിച്ചോതുന്ന വേഷമാണ് സ്ത്രീകള്‍ ഉടുക്കുന്ന സാരി. എന്നാല്‍ ഇപ്പോള്‍ മലയാളി സ്ത്രീകളെ നാണം കെടുത്തും വിധം ഇന്ത്യക്കകത്തും പുറത്തും മസാജ് പാര്‍ലറുകളുടെ പരസ്യം. അധികവും സെറ്റുസാരിയില്‍ ഉള്ള കേരളീയ സ്ത്രീകളുടെ ചിത്രങ്ങളാണ് മസാജ് സെന്ററുകാര്‍ പരസ്യത്തിനായി ഉപയോഗിക്കുന്നത്. അനധികൃത മസാജ് സെന്ററുകള്‍ പലയിടത്തും വ്യാപകമാണ്. മസാജിന്റെ മറവില്‍ കൂടുതല്‍ സ്ഥലങ്ങളിലും നടക്കുന്നത് അനാശാസ്യമാണ്. ഇവയില്‍ പലതും അനധികൃത മസാജ് പാര്‍ലറുകളാണ്. കരാമയില്‍ വ്യാപകമായി വിതരണം ചെയ്യപ്പെട്ട ഒരു മലയാളി മസാജ് സ്പായുടെ പരസ്യത്തില്‍ കാണാനാകുക പ്രശസ്തയായ ഒരു മലയാളി യുവനടിയുടെ ചിത്രമാണ്.

കേരളീയ വേഷം ധരിച്ചുകൊണ്ട് യൗവ്വന കാന്തിയോടെ പുഞ്ചിരിച്ചിരിക്കുന്ന ഇവരുടെ ചിത്രത്തിലെ നമ്പറില്‍ ബന്ധപ്പെട്ടാല്‍ മനസ്സിലാകുക മസാജ് മാത്രമല്ല 100 ദിര്‍ഹം നല്‍കിയാല്‍ ഫുള്‍ സര്‍വീസും നല്‍കും എന്നതാണ്. മോഹന്‍ലാല്‍മഞ്ജുവാര്യര്‍ സത്യന്‍ അന്തിക്കാട് കൂട്ടുകെട്ടിന്റെയും പ്രിയദര്‍ശന്‍ ഉള്‍പ്പെടെ ഉള്ളവരുടേയും ചിത്രത്തില്‍ അഭിനയിച്ച കുടുമ്പിനിയായ ഈ നടിക്ക് ഉണ്ടാകുന്ന മാനഹാനി ചെറുതല്ല.ഇവരെ കൂടാതെ പ്രമുഖരായ പല നടിമാരുടേയും ചിത്രങ്ങള്‍ ഇത്തരം കാര്‍ഡുകളില്‍ പ്രത്യക്ഷപ്പെടാറുണ്ട്.

തങ്ങളുടെ ചിത്രങ്ങള്‍ ദുരുപയോഗം ചെയ്തുകൊണ്ട് ഇന്ത്യയിലും പുറത്തും ഇത്തരം അനാശാസ്യകേന്ദ്രങ്ങള്‍ ഉപഭോക്താക്കളെ ആകര്‍ഷിക്കുന്ന വിവരം ഇവര്‍ക്കാര്‍ക്കും അറിയുകപോലുമില്ല. നേരത്തെ സരിത എസ് നായരുടെ ചിത്രങ്ങള്‍ വെച്ചും മസാജ് സെന്റര്‍ പ്രവര്‍ത്തിച്ചിരുന്നു. ഇത് പിന്നീട് അടച്ചു പൂട്ടുകയായിരുന്നു.

ഇവയില്‍ ചിലയിടങ്ങളില്‍ ചെല്ലുന്നവരെ ഭീഷണിപ്പെടുത്തി പണം കവരുകയും ഒപ്പം മര്‍ദ്ദിക്കുകയും ചെയ്യുന്നതായും പലരും മാനഹാനി ഭയന്ന് പുറത്ത് പറയുന്നില്ല എന്നും സൂചനയുണ്ട്.