കൊച്ചി ദു​രി​താ​ശ്വാ​സ ക്യാമ്പി​ല്‍ പോലീസിനോട് അപമര്യാദയായി പെരുമാറിയ സി​പി​എം ലോ​ക്ക​ല്‍ സെ​ക്ര​ട്ട​റി​ക്കെ​തി​രെ കേ​സ്. കൊ​ച്ചി നാ​യ​രമ്പ​ലം ലോ​ക്ക​ല്‍ സെ​ക്ര​ട്ട​റി ഉ​ല്ലാ​സി​നെ​തി​രെ​യാ​ണ് ജാ​മ്യ​മി​ല്ലാ വ​കു​പ്പ് പ്ര​കാ​രം കേ​സെ​ടു​ത്ത​ത്.

ക്യാമ്പി​ലെ വ​സ്തു​ക​ള്‍ വി​ത​ര​ണം ചെ​യ്യു​ന്ന​തു​മാ​യി ബ​ന്ധ​പ്പെ​ട്ട ത​ര്‍​ക്ക​ത്തി​നി​ടെ​ ഇ​യാ​ള്‍ പോ​ലീ​സി​നോ​ട് അ​പ​മ​ര്യാ​ദ​യാ​യി പെ​രു​മാ​ക്കുകയായിരുന്നു. വാ​ക്കു​ത​ര്‍​ക്ക​ത്തി​നി​ടെ ഉ​ല്ലാ​സ് അ​രി​ച്ചാ​ക്ക് ഉ​യ​ര്‍​ത്തി പോ​ലീ​സു​കാ​ര​ന്‍റെ ത​ല​യി​ല്‍ വ​യ്ക്കാ​ന്‍ ശ്ര​മി​ച്ചു. ക്യാ​ന്പി​ല്‍ വ​സ്തു​ക​ള്‍ വി​ത​ര​ണം ചെ​യ്യ​ന്ന​തി​ല്‍ വി​വേ​ച​ന​മെ​ന്ന പ​രാ​തി​യെ തു​ട​ര്‍​ന്നാ​ണ് പോ​ലീ​സ് ക്യാമ്പിലെത്തിയത്.

ദുരിതാശ്വാസത്തിന് ഉപയോഗിക്കുന്ന വാഹനത്തില്‍ ഡിവൈഎഫ്ഐയുടെ കൊടി കെട്ടിയതിനെത്തുടര്‍ന്ന് തര്‍ക്കം തുടങ്ങി. നായരമ്പലം ഗ്രാമപ്പഞ്ചായത്തില്‍ ഒമ്പത് ക്യാമ്പുകളാണ് പ്രവര്‍ത്തിച്ചത്. ഇവയ്‌ക്കെല്ലാം കൂടി നായരമ്പലം മംഗല്യ ഓഡിറ്റോറിയവും ഭഗവതി വിലാസം സ്‌കൂളും കേന്ദ്രീകരിച്ചാണ് ഭക്ഷണമൊരുക്കിയത്. നായരമ്പലം ഭഗവതി വിലാസം സ്‌കൂളിലെ ക്യാമ്പില്‍ മൂവായിരത്തിലേറെ പേര്‍ ഉണ്ടായിരുന്നു. ഇവിടത്തെ ക്യാമ്പ് നടത്തിപ്പിന് ഒരു കമ്മിറ്റി രൂപവത്കരിക്കാന്‍ നടത്തിയ ശ്രമങ്ങള്‍ സി.പി.എം. ഭരണമുള്ള പഞ്ചായത്ത് അട്ടിമറിച്ചതായും ആരോപണമുയര്‍ന്നു.