സംസ്ഥാനത്ത് ചൂട് അതീവ ഗുരുതരമായ സാഹചര്യത്തിലേക്ക്. കേരളത്തിൽ ഉഷ്ണതരംഗം ഔദ്യോഗികമായി സ്ഥിരീകരിച്ചതിന് പിന്നാലെ കണ്ണൂരിൽ സൂര്യാതപമേറ്റ് യുവാവ് മരിച്ചു. പള്ളിപ്പൊയിൽ സ്വദേശി സനൽ കുമാർ ആണ് കിണർ പണിക്കിടെ കുഴഞ്ഞുവീണ് മരിച്ചത്. പാലക്കാട്, കൊല്ലം, തൃശ്ശൂർ ജില്ലകളിൽ ഉഷ്ണതരംഗ മുന്നറിയിപ്പ് നിലനിൽക്കെ സംസ്ഥാനം അസാധാരണമായ കാലാവസ്ഥാ വ്യതിയാനത്തിലൂടെയാണ് കടന്നുപോകുന്നത്. ഈ സാഹചര്യത്തിൽ ദുരന്ത നിവാരണ അതോറിറ്റി അതീവ ജാഗ്രതാ നിർദ്ദേശം പുറപ്പെടുവിച്ചിരിക്കുകയാണ്.