മുതിർന്ന മാധ്യമ പ്രവർത്തകനും മുൻ രാജ്യസഭാംഗവുമായ കുൽദീപ് നയ്യാർ (95) അന്തരിച്ചു. അപ്പോളോ ആശുപത്രിയിൽ ചികിൽസയിലായിരുന്നു. അടിയന്തരാവസ്ഥക്കാലത്ത് സർക്കാരിനെതിരായ റിപ്പോർട്ടുകളിലൂടെയാണു നയ്യാർ പ്രശസ്തനായത്.

1990-ൽ ബ്രിട്ടനിലെ ഇന്ത്യൻ ഹൈക്കമ്മീഷണറായി നിയമിതനായി. 1996-ൽ ഐക്യരാഷ്ട്ര സംഘടനയിലെ ഇന്ത്യൻ പ്രതിനിധിയായി. 1997 ഓഗസ്റ്റിലാണു രാജ്യസഭയിലേക്ക് നാമനിർദ്ദേശം ചെയ്യപ്പെട്ടത്. ‘വരികൾക്കിടയിൽ’ (Between The Lines) എന്ന അദ്ദേഹത്തിന്റെ പ്രതിവാര കോളം ലോകത്തിന്റെ വിവിധ ഭാഷകളിലെ എൺപതോളം മാധ്യമങ്ങളിൽ പ്രസിദ്ധീകരിച്ചിരുന്നു.

അൻജാം’ എന്ന ഉർദു പത്രത്തിലൂടെയാണ് അദ്ദേഹം പത്ര പ്രവര്‍ത്തന രംഗത്തേക്ക് എത്തുന്നത്. അവിഭക്ത ഇന്ത്യയിലെ സിയാൽകോട്ടിൽ ഒരു സിഖ് ഖത്രി കുടുംബത്തിലായിരുന്നു ജനനം. സംസ്കാരം ഉച്ചയ്ക്ക് ഒരു മണിക്ക് ഡൽഹിയിൽ നടക്കും.