ഇടുക്കിയില്നിന്നൊരു നല്ല മാതൃക...പ്രളയക്കെടുതിയില് എല്ലാം നഷ്ടമായവര്ക്ക് രണ്ടേക്കര് ഭൂമി ദാനം നല്കി ഉദ്യോഗസ്ഥ ദമ്പതികള്
കണ്ടുപഠിക്കാം നല്ല മാതൃക. എല്ലാം നഷ്ടമായവര്ക്ക് രണ്ടേക്കര് ഭൂമി ദാനം നല്കി ഉദ്യോഗസ്ഥ ദമ്പതികള്. ഒരു ജന്മം കൊണ്ട് സമ്പാദിച്ചുകൂട്ടിയ എല്ലാം നഷ്ടമായവരുടെ വേദനയാണ് ദമ്പതികളെ ഈ സത്കര്മ്മത്തിന് പ്രേരിപ്പിച്ചത്. പീരുമേട് താലൂക്ക് സപ്ലൈ ഓഫീസിലെ റേഷനിംഗ് ഇന്സ്പെക്ടര് എം. ഗണേശനും പെരിയാര് വില്ലേജ് ഓഫീസിലെ യുഡി ക്ലാര്ക്കായ ഭാര്യ എഴില് അരശിയുമാണ് പ്ര ളയബാധിതര്ക്ക് സഹായവുമായി രംഗത്തെത്തിയത്.തങ്ങള് താമസിക്കുന്ന അഞ്ച് സെന്റ് സ്ഥലം ഒഴികെയുള്ള ഭൂമി വിട്ടുനല്കാനാണ് ഇവര് സന്നദ്ധത അറിയിച്ചിരിക്കുന്നത്. വണ്ടിപ്പെരിയാര് ടൗണില് നിന്ന് നാലുകിലോമീറ്റര് അകലെ കടശിക്കാട് എന്ന സ്ഥലത്താണ് ഭൂമി. വണ്ടിപ്പെരിയാര് പശുമലയില് തേയിലത്തോട്ടം തൊഴിലാളികളായിരുന്ന പരേതനായ മാടസ്വാമി കനകമ്മ ദമ്പതികളുടെ മകനാണ് ഗണേശന്. കനകമ്മ എസ്റ്റേറ്റില് നിന്ന് വിരമിച്ചപ്പോള് കിട്ടിയ പെന്ഷന് തുകയും ഗണേശന്റെയും ഭാര്യയുടെയും സമ്പാദ്യവും ഉപയോഗിച്ച് 2010 ല് വിലയ്ക്കുവാങ്ങിയ സ്ഥലമാണ് ദാനം ചെയ്യുന്നതെന്നു ഗണേശന് പറഞ്ഞു.
https://www.facebook.com/Malayalivartha
