സുഹൃത്തുക്കള് വൈരാഗ്യത്തില് പത്താംക്ലാസുകാരനെ വീട്ടില് വിളിച്ചിറക്കി ആളൊഴിഞ്ഞ പുരയിടത്തിലെത്തിച്ചു... വാക്കു തര്ക്കത്തിനൊടുവില് ഓടിപ്പോവാന് ശ്രമിച്ച പതിനാറുകാരനെ കല്ലെറിഞ്ഞു വീഴ്ത്തി, അടുത്തുള്ള വീടിന്റെ തൊഴുത്തില് സൂക്ഷിച്ചിരുന്ന കോടാലി കൊണ്ടുവന്ന് കഴുത്തിനു വെട്ടി കൊലപ്പെടുത്തിയശേഷം മണ്ണിട്ട് മൂടി... ഒടുവില്
സുഹൃത്തുക്കള് വൈരാഗ്യത്തില് പത്താംക്ലാസുകാരനെ വീട്ടില് വിളിച്ചിറക്കി ആളൊഴിഞ്ഞ പുരയിടത്തിലെത്തിച്ചു... വാക്കു തര്ക്കത്തിനൊടുവില് ഓടിപ്പോവാന് ശ്രമിച്ച പതിനാറുകാരനെ കല്ലെറിഞ്ഞു വീഴ്ത്തി, അടുത്തുള്ള വീടിന്റെ തൊഴുത്തില് സൂക്ഷിച്ചിരുന്ന കോടാലി കൊണ്ടുവന്ന് കഴുത്തിനു വെട്ടി കൊന്നശേഷം കുഴിച്ചുമൂടി. കൈപ്പട്ടൂര് സെയ്ന്റ് ജോര്ജ് മൗണ്ട് ഹൈസ്കൂളിലെ പത്താംക്ലാസ് വിദ്യാര്ഥി, അങ്ങാടിക്കല് വടക്ക് സുധീഷ് ഭവനില് സുധീഷിന്റെ മകന് എസ്. അഖില് (16) ആണ് ദാരുണമായി കൊല്ലപ്പെട്ടത്. ഇതുമായി ബന്ധപ്പെട്ട് അഖിലിന്റെ അതേ പ്രായത്തിലുള്ള രണ്ടുസുഹൃത്തുക്കളെ നാട്ടുകാര് സംഭവസ്ഥലത്തുനിന്നു പിടികൂടി. ഇവരും മറ്റൊരു സ്കൂളില് പത്താംക്ലാസില് പഠിക്കുന്നവരാണ്. കൊടുമണ് പോലീസെത്തി അറസ്റ്റ് രേഖപ്പെടുത്തി.
പോലീസ് പറയുന്നതിങ്ങനെ: അഖിലിനെ ചൊവ്വാഴ്ച രാവിലെ 10.30-ന് പിടിക്കപ്പെട്ടവരിലൊരാള് വീട്ടില്നിന്നു വിളിച്ചിറക്കി. പിന്നീട് സുഹൃത്തായ സമപ്രായക്കാരനും ഒപ്പംചേര്ന്നു. ഉച്ചയോടെ സൈക്കിളില് മൂന്നുകിലോമീറ്റര് ദൂരത്തുള്ള അങ്ങാടിക്കല് തെക്ക് എസ്.എന്.വി. ഹയര്സെക്കന്ഡറി സ്കൂളിനു സമീപത്തെത്തി. സ്കൂള് മാനേജരുടെ കുടുംബവീടിന്റെ ആളൊഴിഞ്ഞ പുരയിടത്തിലെത്തിയ ഇവര് തമ്മില് വാക്കുതര്ക്കമുണ്ടായി.
തുടര്ന്ന് ഓടിപ്പോവാന് ശ്രമിച്ച അഖിലിനെ മറ്റു രണ്ടുപേരും ചേര്ന്ന് കല്ലെറിഞ്ഞുവീഴ്ത്തി. തുടര്ന്ന് അടുത്തുള്ള വീടിന്റെ തൊഴുത്തില് സൂക്ഷിച്ചിരുന്ന കോടാലി കൊണ്ടുവന്ന് കഴുത്തിനു വെട്ടി. മൂന്നുമണിയോടെ മൃതദേഹം കുഴിയെടുത്ത് അതിനുള്ളിലാക്കി. സമീപത്തുനിന്നു മണ്ണ് കൊണ്ടുവന്ന് മുകളിലിട്ടു. ആളൊഴിഞ്ഞിടത്ത് സംശയകരമായി കുട്ടികളെ കണ്ട സമീപവാസി നാട്ടുകാരെ വിവരമറിയിച്ചു. ഗ്രാമപ്പഞ്ചായത്തംഗം ഉള്പ്പെടെയുള്ളവര് സ്ഥലത്തെത്തി ചോദ്യചെയ്തതോടെ മൃതദേഹം കുഴിച്ചിട്ട സ്ഥലം കാണിച്ചുകൊടുത്തു. സ്ഥലത്തെത്തിയ പോലീസ് പിടിക്കപ്പെട്ടവരെക്കൊണ്ട് മണ്ണുമാറ്റി അഖിലിനെ അടൂര് ഗവ. ആശുപത്രിയിലെത്തിച്ചെങ്കിലും മരിച്ചിരുന്നു. പിടിക്കപ്പെട്ടവരിലൊരാള് അങ്ങാടിക്കല് വടക്ക് എണ്ണശ്ശേരില്പ്പടി സ്വദേശിയും മറ്റൊരാള് കൊടുമണ് കിഴക്ക് കരിഞ്ചേറ്റില് സ്വദേശിയുമാണ്.
മൊബൈല് ഫോണുമായി ബന്ധപ്പെട്ട് അഖിലും പിടിക്കപ്പെട്ടവരും തമ്മില് ചില തര്ക്കങ്ങളുള്ളതായി അറിയുന്നു. എന്നാല്, കൂടുതല് അന്വേഷണത്തിനുശേഷമേ സ്ഥിരീകരിക്കാനാവൂ എന്ന് പോലീസ് പറഞ്ഞു.
https://www.facebook.com/Malayalivartha