ചൈനയ്‌ക്ക് വീണ്ടും ഇന്ത്യയുടെ പ്രഹരം. ചൈനീസ് ഓൺലൈൻ വ്യാപാര കമ്പനിയായ ആലിബാബ ഗ്രൂപ്പിന്റെ ഉടമസ്ഥതയിലുള്ള നാല് ആപ്പുകൾ ഉൾപ്പെടെ 43 മൊബൈൽ ആപ്പുകൾ കൂടെ ഇന്ത്യയിൽ കേന്ദ്രസർക്കാർ‌ നിരോധിച്ചു . ആലിബാബ വർക്ക്‌ബെൻച്, ആലി സപ്ലൈയേഴ്സ മൊബൈൽ ആപ്പ്,ആലി എക്‌സ്‌പ്രസ്, ആലിപേ കാഷ്യർ,കാംകാർഡ്, വിഡേറ്റ് തുടങ്ങിയ ആപ്പുകളാണ് നിരോധിച്ചിരിക്കുന്നത്. ഇതിൽ ഭൂരിഭാഗവും ചൈനീസ് ആപ്പുകളാണ്.രാജ്യത്തിന്റെ പരമാധികാരത്തെയും അഖണ്ഡതയെയും പ്രതിരോധ മേഖലയെയും പ്രതികൂലമായി ബാധിക്കുന്ന പ്രവർത്തനങ്ങളിൽ ഏർപ്പെട്ടുവെന്ന് ചൂണ്ടിക്കാട്ടി ഐ.ടി ആക്ട് പ്രകാരമായിരുന്നു കേന്ദ്ര ഐ.ടി മന്ത്രലായം നടപടി സ്വീകരിച്ചത് . ജൂൺ 29ന് ടിക് ടോക് ഉൾപ്പെടെ 59 ചൈനീസ് ആപ്പുകളും പബ്ജി ഉൾപ്പെടെ 118 ആപ്പുകൾ സെപ്തംബർ രണ്ടിനും കേന്ദ്രം നിരോധിച്ചിരുന്നു. ആകെ 220 ആപ്പുകളാണ് കേന്ദ്രം ആറു മാസത്തിനിടെ ഇന്ത്യയിൽ നിരോധിച്ചത്.രാജ്യസുരക്ഷാ പ്രശ്നം ഉന്നയിച്ച് 43 മൊബൈൽ ആപ്പുകൾ നിരോധിച്ചത് .

പരമാധികാരത്തിനും അഖണ്ഡതയ്ക്കും രാജ്യസുരക്ഷയ്ക്കും ഭീഷണിയാകുന്നു എന്നറിയിച്ചാണ് ആപ്പുകൾ നിരോധിച്ചത്. സുരക്ഷാ പ്രശ്നം ഉന്നയിച്ച് പബ്ജി, ടിക് ടോക് അടക്കമുള്ള മൊബൈൽ ആപ്പുകൾ നേരത്തെ നിരോധിച്ചിരുന്നു. ചൈനയുമായി സംഘർഷം രൂക്ഷമായതിനെത്തുടർന്നാണ് ആപ്പുകൾ നിരോധിച്ചത്.ഇന്ത്യൻ സൈബർ ക്രൈം കോർഡിനേഷൻ സെന്ററിൽ നിന്നും ആഭ്യന്തര മന്ത്രാലയത്തിൽ നിന്നും ലഭിച്ച സമഗ്ര റിപ്പോർട്ടുകളുടെ അടിസ്ഥാനത്തിൽ ഇന്ത്യയിലെ ഉപയോക്താക്കൾ പുതുതായി നിരോധിച്ച ആപ്പുകൾ ആക്സസ് ചെയ്യുന്നത് തടയുന്നതിനുള്ള ഉത്തരവ് ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയമാണ് പുറപ്പെടുവിച്ചത്. ഇൻഫർമേഷൻ ടെക്നോളജി ആക്ടിന്റെ 69 എ വകുപ്പ് പ്രകാരം 43 മൊബൈൽ ആപ്പുകൾ നിരോധിച്ചതായി മന്ത്രാലയത്തിന്റെ പ്രസ്താവനയിൽ പറയുന്നു.

നിരോധിച്ച ആപ്പുകൾ ഇവയാണ്; അലിസപ്ലയേഴ്‌സ് മൊബൈൽ ആപ്,അലിബാബ വർക്ക്ബെഞ്ച്, അലിഎക്സ്പ്രസ് - സ്മാർട്ടർ ഷോപ്പിങ്, ബെറ്റർ ലിവിങ്, അലിപെയ് കാഷ്യർ,ലാലാമോവ് ഇന്ത്യ - ഡെലിവറി ആപ്,∙ ഡ്രൈവ് വിത്ത് ലാലാമോവ് ഇന്ത്യ,സ്നാക്ക് വിഡിയോ,കാംകാർഡ് - ബിസിനസ് കാർഡ് റീഡർ, കാംകാർഡ് - ബിസിആർ (വെസ്റ്റേൺ),സോൾ – ഫോളോ ദ് സോൾ ടു ഫൈൻഡ് യു,ചൈനീസ് സോഷ്യൽ - ഫ്രീ ഓൺലൈൻ ഡേറ്റിങ് വിഡിയോ ആപ് ആൻഡ് ചാറ്റ്,∙ ഡേറ്റ് ഇൻ ഏഷ്യ – ഡേറ്റിങ് ആൻഡ് ചാറ്റ് ഫോർ ഏഷ്യൻ സിങ്കിൾസ്,വിഡേറ്റ് – ഡേറ്റിങ് ആപ്,ഫ്രീ ഡേറ്റിങ് ആപ് – സിംഗോൾ, സ്റ്റാർഡ് യുവർ ഡേറ്റ്, അഡോർ ആപ്,ട്രൂലിചൈനീസ് – ചൈനീസ് ഡേറ്റിങ് ആപ്,ട്രൂലിഏഷ്യൻ – ഏഷ്യൻ ഡേറ്റിങ് ആപ്, ചൈനലവ്: ഡേറ്റിങ് ആപ് ഫോർ ചൈനീസ് സിങ്കിൾസ്,ഡേറ്റ്മൈഏജ് – ചാറ്റ്, മീറ്റ്, ഡേറ്റ് മെച്വർ സിങ്കിൾസ് ഓൺലൈന്‍, ഏഷ്യൻ‌ഡേറ്റ്: ഫൈൻഡ് ഏഷ്യൻ സിങ്കിൾസ്,ഫ്ലർറ്റ്‌വാഷ്: ചാറ്റ് വിത്ത് സിങ്കിൾസ്,ഗായിസ് ഓൺലി ഡേറ്റിങ്: ഗേ ചാറ്റ്,ട്യൂബിറ്റ്: ലൈവ് സ്ട്രീമ്സ്,∙ വി വർക് ചൈന,ഫസ്റ്റ് ലവ് ലൈവ് – സൂപ്പർ ഹോട്ട് ലൈവ് ബ്യൂട്ടീസ് ലൈവ് ഓൺലൈൻ,റെല - ലെസ്ബിയൻ സോഷ്യൽ നെറ്റ്‌വർക്ക്,കാഷ്യർ വാലറ്റ്,മാംഗോ ടിവി,എം‌ജി ‌ടി‌വി-ഹുനാൻ ‌ടിവി ഒഫിഷ്യൽ ടിവി ആപ്,വി ടിവി – ടിവി വെർഷൻ,വി ടിവി – സി ഡ്രാമ, കെ ഡ്രാമ ആൻഡ് മോർ, വി ടിവി ലൈറ്റ്,ലക്കി ലൈവ് – ലൈവ് വിഡിയോ സ്ട്രീമിങ് ആപ്,ടൊബാവോ ലൈവ്, ഡിങ്‌ടോക്ക്, ഐഡന്റിറ്റി വി,ഐസോലാന്റ് 2: ആഷസ് ഓഫ് ടൈം,ബോക്സ്റ്റാർ (ഏർലി ആക്സസ്),ഹീറോസ് ഇവോൾവ്ഡ്,ഹാപ്പി ഫിഷ്,ജെല്ലിപോപ് മാച്ച് – ഡെക്കറേറ്റ് യുവർ ‍ഡ്രീം ഐസ്‌ലാൻഡ്,മഞ്ച്കിൻ മാച്ച്: മാജിക് ഹോം ബിൽഡിങ്, കോൺക്വിസ്റ്റ ഓൺലൈൻ II എന്നിവ.