കുണ്ടറയില്‍ രണ്ട് വയസ്സുകാരനെ കാറിനുള്ളിലിട്ട് പൂട്ടി പിതാവ് പുറത്തു പോയി... പ്രാണവായു കിട്ടാതെ പരാക്രമം കാട്ടിയ കുട്ടിയെ വഴിയാത്രക്കാര്‍ കണ്ടു, ഉടമസ്ഥനെ അന്വേഷിച്ചെങ്കിലും കണ്ടില്ല, പിന്നെ ഒന്നും ആലോചിക്കാതെ നാട്ടുകാര്‍ ചെയ്തത്....
കുണ്ടറയില്‍ രണ്ട് വയസ്സുകാരനെ കാറിനുള്ളിലിട്ട് പൂട്ടി പിതാവ് പുറത്തു പോയി... പ്രാണവായു കിട്ടാതെ പരാക്രമം കാട്ടിയ കുട്ടിയെ വഴിയാത്രക്കാര്‍ കണ്ടു, ഉടമസ്ഥനെ അന്വേഷിച്ചെങ്കിലും കണ്ടില്ല, പിന്നെ ഒന്നും ആലോചിക്കാതെ നാട്ടുകാര്‍ ചെയ്തത്...
വെയിലേറ്റ് പ്രാണവായു കിട്ടാതെ അവശനായ കുട്ടിയെ നാട്ടുകാര്‍ ഗ്‌ളാസ് തകര്‍ത്ത് പുറത്തെടുത്തു. കുണ്ടറ ആശുപത്രിമുക്കില്‍ ഇന്നലെ ഉച്ചയ്ക്ക് 12 ഓടെയായിരുന്നു സംഭവംനടന്നത്.
പിതാവ് കുണ്ടറ ചെറുമൂട് കന്യാകുഴി സ്വദേശി റിജോയ്‌ക്കെതിരെ കുണ്ടറ പൊലീസ് പെറ്റിക്കേസെടുത്ത് വിട്ടയച്ചു. കാറിനുള്ളില്‍ ശ്വാസം കിട്ടാതെ പരാക്രമം കാട്ടിയ കുട്ടിയെ വഴിയാത്രക്കാരാണ് കണ്ടത്. ഉടമസ്ഥനെ തിരക്കിയെങ്കിലും സമീപത്തെങ്ങും കണ്ടെത്താനായില്ല. തുടര്‍ന്നാണ് ചില്ല് തകര്‍ത്ത് കുട്ടിയെ രക്ഷപ്പെടുത്തിയത്.
കരഞ്ഞ് അവശനിലയിലായ കുട്ടിയെ സമീപത്തെ ഹോം അപ്‌ളയന്‍സ് ഷോപ്പിലെ ജീവനക്കാരായ സ്ത്രീകള്‍ ആശ്വസിപ്പിച്ചു.അരമണിക്കൂറിന് ശേഷം തിരികെയെത്തിയ പിതാവിന് നേരെ നാട്ടുകാര്‍ തട്ടിക്കയറി.
പൊലീസെത്തി സ്ഥിതിഗതികള്‍ ശാന്തമാക്കിയശേഷം മറ്റ് ബന്ധുക്കളെ വിളിച്ചുവരുത്തി കുട്ടിയെ കൈമാറി. കുട്ടിയെ കാറിലിരുത്തിയ ശേഷം പിതാവ് മദ്യപിക്കാന്‍ പോയെന്നാണ് നാട്ടുകാരുടെ ആരോപണം.
വൈദ്യപരിശോധനയ്ക്ക് വിധേയനാക്കാതെയാണ് വിട്ടയച്ചത്. കുണ്ടറയിലെ ബാറിന് സമീപത്താണ് കാര്‍ നിറുത്തിയിട്ടിരുന്നത്.
"
https://www.facebook.com/Malayalivartha
