മകളുടെ വീട്ടിലേക്കുള്ള യാത്ര അന്ത്യയാത്രയായി..... ബസില് നിന്ന് ഇറങ്ങവേ കാല് വഴുതി റോഡിലേക്ക് വീണ് വാട്ടര് അതോറിറ്റി ജീവനക്കാരന് ദാരുണാന്ത്യം
മകളുടെ വീട്ടിലേക്കുള്ള യാത്ര അന്ത്യയാത്രയായി.. ബസില് നിന്ന് ഇറങ്ങവേ കാല് വഴുതി റോഡിലേക്ക് വീണ് വാട്ടര് അതോറിറ്റി ജീവനക്കാരന് ദാരുണാന്ത്യം. ബസിന്റെ പിന്ചക്രം തലയിലൂടെ കയറിയിറങ്ങി തത്ക്ഷണം മരിച്ചു.
ശാസ്താംകോട്ട മനക്കര ഗൗരിയില് വിജയകുമാറാണ് (54) മരിച്ചത്. ഇന്നലെ ഉച്ചയ്ക്ക് 12.45ഓടെ പുത്തൂര് മണ്ഡപം ജംഗ്ഷനിലായിരുന്നു ദുരന്തമുണ്ടായത്.
വാട്ടര് അതോറിട്ടി ശാസ്താംകോട്ട ഓഫീസില് ഓഫീസ് അസിസ്റ്റന്റായ വിജയകുമാര് പുത്തൂര് ആറ്റുവാശേരിയിലെ മകളുടെ വീട്ടിലേക്ക് പോകുമ്പോഴായിരുന്നു അപകടം.
കരുനാഗപ്പള്ളിയില് നിന്ന് കൊട്ടാരക്കരയ്ക്ക് വരികയായിരുന്ന ബസ് എതിരെ വന്ന കാര് മണ്ഡപം ജംഗ്ഷനില് നിന്ന് ഞാങ്കടവ് റോഡിലേക്ക് തിരിയവേ സ്റ്റോപ്പെത്തും മുന്പേ ബസ് ബ്രേക്കിട്ടു. ഈ സമയം ഡോര് തുറന്ന് വിജയകുമാര് പുറത്തേക്കിറങ്ങാന് ശ്രമിച്ചതും ബസ് മുന്നോട്ടെടുത്തു.
പിടിവിട്ട് റോഡിലേക്ക് തെറിച്ചുവീണ വിജയകുമാറിന്റെ തലയിലൂടെ അതേ ബസിന്റെ പിന്ചക്രം കയറിയിറങ്ങുകയായിരുന്നു.
മൃതദേഹം പോസ്റ്റ്മോര്ട്ടത്തിന് ശേഷം കൊട്ടാരക്കര താലൂക്ക് ആശുപത്രി മോര്ച്ചറിയില്. പുത്തൂര് പൊലീസ് കേസെടുത്തു. ഭാര്യ: പരേതയായ ഉഷാകുമാരി. മകള്: അപര്ണ വിജയന്. മരുമകന്: രാഖിഷ് കൃഷ്ണന്.
"
https://www.facebook.com/Malayalivartha