അമ്പലത്തില് വേണ്ടാ, അമ്മമാരുടെ മുന്പില് വെച്ചുമതിയെന്ന് നിരഞ്ജന..... മുന് സ്പീക്കര് പി. ശ്രീരാമകൃഷ്ണന്റെയും ദിവ്യയുടെയും മകള് നിരഞ്ജനയുടെ വിവാഹത്തിന് വേദിയാകുന്നത് സാമൂഹികനീതി വകുപ്പിനു കീഴില് തവനൂരില് പ്രവര്ത്തിക്കുന്ന വൃദ്ധമന്ദിരം
മുന് സ്പീക്കര് പി. ശ്രീരാമകൃഷ്ണന്റെയും ദിവ്യയുടെയും മകള് നിരഞ്ജനയുടെ വിവാഹത്തിന് വേദിയാകുന്നത് സാമൂഹികനീതി വകുപ്പിനു കീഴില് തവനൂരില് പ്രവര്ത്തിക്കുന്ന വൃദ്ധമന്ദിരം
തിരുവനന്തപുരം പി.ടി.പി. നഗര് വൈറ്റ്പേളില് ശിവകുമാറിന്റെയും ചിത്രലേഖയുടെയും മകന് സംഗീതുമായി 22-നാണ് നിരഞ്ജനയുടെ വിവാഹം നടക്കുക. അമ്പലത്തില് വേണ്ടാ, അമ്മമാരുടെ മുന്പില് വെച്ചുമതി വിവാഹമെന്ന നിരഞ്ജനയുടെ തീരുമാനമാണ് വിവാഹത്തിന്റെ വേദിയായി വൃദ്ധമന്ദിരം തിരഞ്ഞെടുക്കാന് കാരണമായത്. ശ്രീരാമകൃഷ്ണനും കുടുംബവും തവനൂരിലെ വൃദ്ധമന്ദിരത്തിലെ സ്ഥിരം സന്ദര്ശകരാണ്.
ഓണമുള്പ്പെടെയുള്ള വിശേഷദിവസങ്ങളില് അദ്ദേഹവും കുടുംബവും ഇവിടത്തെ വയോധികര്ക്കൊപ്പമാണ് എപ്പോഴും ചെലവഴിക്കാറുള്ളത്. ഇവിടത്തെ താമസക്കാരുമായുണ്ടായ മാനസികമായ അടുപ്പമാണ് അവരുടെ മുന്പില്വെച്ച് വിവാഹിതയാകാന് നിരഞ്ജനയ്ക്ക് പ്രചോദനമേകിയത്.
ഞായറാഴ്ച ഒന്പതിന് വിശിഷ്ടവ്യക്തികളെയും വൃദ്ധസദനത്തിലെ വയോജനങ്ങളെയും സാക്ഷിയാക്കി നിരഞ്ജന വൈവാഹിക ജീവിതത്തിലേക്ക് പ്രവേശിക്കും. കോഴിക്കോട് ഊരാളുങ്കല് ലേബര് കോണ്ട്രാക്ട് സഹകരണ സൊസൈറ്റിയിലെ എച്ച്.ആര്. വിഭാഗത്തില് ജോലിചെയ്യുകയാണ് നിരഞ്ജന. എം.ബി.എ. പഠനകാലത്ത് നിരഞ്ജനയുടെ സീനിയറായിരുന്നു സംഗീത്. ഇരുവരുടെയും വീട്ടുകാര് തമ്മില് പറഞ്ഞുറപ്പിച്ചതാണ് വിവാഹം നടത്തുന്നത്.
https://www.facebook.com/Malayalivartha
