മകള്ക്ക് കേക്കുമായി വരാമെന്ന് പറഞ്ഞ് പോയ യാത്ര അവസാന യാത്രയായി... സുഹൃത്തിന്റെ വിവാഹവാര്ഷിക ചടങ്ങില് പങ്കെടുത്ത് മടങ്ങവേ യുവാവിന് ദാരുണാന്ത്യം, വിഷ്ണുവിന്റെ മരണത്തോടെ തകര്ന്ന കുടുംബത്തെ ആശ്വസിപ്പിക്കാനാകാതെ ബന്ധുക്കളും നാട്ടുകാരും
മകള്ക്ക് കേക്കുമായി വരാമെന്ന് പറഞ്ഞ് പോയ യാത്ര അവസാന യാത്രയായി... സുഹൃത്തിന്റെ വിവാഹവാര്ഷിക ചടങ്ങില് പങ്കെടുത്ത് മടങ്ങവേ യുവാവിന് ദാരുണാന്ത്യം.
മൂന്നു വയസ്സുകാരിയായ മകള് അദ്വിയയ്ക്കു കേക്കുമായി വരാമെന്നു പറഞ്ഞാണ് വിഷ്ണുപ്രസാദ് വീട്ടില് നിന്ന് പോയത്. എന്നാല്, രാത്രി വൈകിയും കാത്തിരുന്ന കുടുംബത്തെ തേടിയെത്തിയത് വിഷ്ണുവിന്റെ മരണവാര്ത്തയായിരുന്നു.
തുറവൂര് പഞ്ചായത്ത് 16-ാം വാര്ഡ് പടിഞ്ഞാറെ മനക്കോടം ലക്ഷംവീട്ടില് പ്രസാദിന്റെ മകന് വിഷ്ണു പ്രസാദ് (28) ആണ് തിങ്കളാഴ്ച രാത്രി പന്ത്രണ്ടേകാലിനു ചേര്ത്തല പതിനൊന്നാം മൈലിലുണ്ടായ അപകടത്തില് മരിച്ചത്.
എറണാകുളത്തെ സ്പെയര് പാര്ട്സ് കടയിലെ സെയില്സ്മാനായ വിഷ്ണു തിങ്കളാഴ്ച രാത്രി ഏഴിനാണ് തണ്ണീര്മുക്കത്തെ സുഹൃത്തിന്റെ വിവാഹ വാര്ഷികത്തിനു കേക്കുമുറിക്കാന് പോകുകയാണെന്നും തിരികെ വരുമ്പോള് കേക്കു കൊണ്ടുവരാമെന്നും പറഞ്ഞു വീട്ടില് നിന്നിറങ്ങിയത്.
സുഹൃത്തിന്റെ വീട്ടില് നിന്നുള്ള മടക്കയാത്രയില് വിഷ്ണു സഞ്ചരിച്ച ബൈക്ക് കാറുമായി കൂട്ടിയിടിച്ചു. പരിക്കേറ്റ വിഷ്ണുവിനെ ചേര്ത്തലയിലെ സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. കൂലിപ്പണിക്കാരനായ അച്ഛന് പ്രസാദിനും മത്സ്യസംസ്കരണ ശാലയിലെ പണിക്കാരിയായ അമ്മ മിനിക്കും മിക്കവാറും ദിവസങ്ങളില് ജോലിയുണ്ടാകില്ല.
പിന്നെ വിഷ്ണുവിന്റെ ചെറിയ വരുമാനം കൊണ്ടാണ് ആ കുടുംബം കഴിഞ്ഞു പോകുന്നത്. ഇപ്പോള് അതും നഷടമായി. വിഷ്ണുവിന്റെ മരണത്തോടെ തകര്ന്ന കുടുംബത്തെ ആശ്വസിപ്പിക്കാനാകാതെ വിഷമിക്കുകയാണു ബന്ധുക്കളും നാട്ടുകാരും.
"
https://www.facebook.com/Malayalivartha
