നിയമപോരാട്ടത്തിനൊടുവിൽ സ്വന്തം കുഞ്ഞിനെ നേടിയെടുത്ത അനുപമ വീണ്ടും ചില തുറന്ന് പറച്ചിലുകളുമായി വാർത്തകളിൽ ഇടം നേടുകയാണ്. ഗർഭിണിയാണെന്ന് വീട്ടിലറിഞ്ഞ സമയത്ത് സംഭവിച്ച കാര്യങ്ങളാണ് അനുപമ വെളിപ്പെടുത്തിയിരിക്കുന്നത്. മറ്റു ചില കാര്യങ്ങൾ കൂടെ ആ സമയം സംഭവിച്ചിരുന്നു. ഗർഭിണിയാണെന്ന് അറിഞ്ഞപ്പോൾ അച്ഛൻ്റെ ധാരണ പാർട്ടി ഗ്രൂപ്പിസമാണ് ഇതിന് പിന്നിലെന്നായിരുന്നു.

അന്ന് സി പി എം ഗ്രൂപ്പിസമൊക്കെയുണ്ടായിരുന്നു. അന്ന് ഗ്രൂപ്പിസത്തിലായിരുന്നു അച്ഛൻ പിടിമുറുക്കിയത് . ഒരു സമ്മേളനം കഴിഞ്ഞ സമയം അച്ഛനും അജിത്തേട്ടനും ചെറുതായി തെറ്റുകയുണ്ടായി. ഗർഭിണിയാണെന്ന് അറിഞ്ഞ സമയം അച്ഛൻ പറഞ്ഞത്, ഇത് വേറെ ഗ്രൂപ്പുകാർ അജിത്തേട്ടനെ കൊണ്ട് പറഞ്ഞ് ചെയ്യിച്ചതാണെന്നാണ്. തനിക്കെതിരെ മനഃപൂർവ്വം നടത്തിയ പ്ളാനിംഗിലൂടെയാണ് താൻ ഗർഭിണിയായത് എന്നാണ് അച്ഛൻ വിചാരിച്ചത്.

സത്യത്തിൽ ഞങ്ങൾ ഇഷ്‌ടത്തിലായിരുന്നു. എന്നാൽ ഞാൻ ഗർഭിണിയാണെന്ന കാര്യം ഞങ്ങൾക്ക് രണ്ടു പേർക്കും മാത്രമേ അറിയാമായിരുന്നുള്ളൂ. അന്ന് ഞങ്ങളുടെ കൂടെയുണ്ടായിരുന്നവർക്ക് പോലും ഇക്കാര്യത്തെ കുറിച്ച് അറിവുണ്ടായിരുന്നില്ല.എല്ലാവരും എല്ലാമറിഞ്ഞത് എട്ടാം മാസത്തിലാണ് .

അജിത്തും താനും തമ്മിൽ ഇഷ്‌ടത്തിലാണെന്ന കാര്യം ഞങ്ങളുടെ ഉറ്റ സുഹൃത്തുക്കൾക്ക് പോലും അറിയില്ലായിരുന്നു. താൻ ഗർഭിണിയാണെന്ന് വീട്ടുകാർ അറിഞ്ഞതുപോലും എട്ടാം മാസത്തിലാണെന്നും അനുപമ വെളിപ്പെടുത്തുന്നു. കുഞ്ഞിനെ നിയ പോരാട്ടത്തിലൂടെ ലഭിച്ച ശേഷം ഇരുവരും നിയമപരമായി വിവാഹം രജിസ്റ്റര്‍ ചെയ്തു.