തെക്കേക്കര കുറത്തികാട് ഭാഗത്ത് തോട്ടിലേക്കു വീശിയവലയില് കുടുങ്ങിയതു ഗ്രനേഡ്... അപകടസാധ്യത കണക്കിലെടുത്ത് നിര്വീര്യമാക്കി , ഗ്രനേഡിന്റെ അവശിഷ്ടങ്ങള് വിശദപരിശോധനയ്ക്കായി അയക്കും
തെക്കേക്കര കുറത്തികാട് ഭാഗത്ത് തോട്ടിലേക്കു വീശിയവലയില് കുടുങ്ങിയതു ഗ്രനേഡ്... അപകടസാധ്യത കണക്കിലെടുത്ത് നിര്വീര്യമാക്കി , ഗ്രനേഡിന്റെ അവശിഷ്ടങ്ങള് വിശദപരിശോധനയ്ക്കായി അയക്കും.
പിന്നോടുകൂടിയ ഗ്രനേഡ് ബോംബ് സ്ക്വാഡെത്തി നിര്വീര്യമാക്കി. പല്ലാരിമംഗലം പള്ളിയാമ്പലില് രാജന്റെ വലയിലാണ് ഗ്രനേഡു കുടുങ്ങിയത്. തിങ്കളാഴ്ച രാത്രി 9.10-ഓടെയാണു സംഭവം നടന്നത്. തെക്കേക്കര വസൂരിമാല ക്ഷേത്രത്തിനു തെക്കുള്ള തൊടിയൂര്-കണ്ടിയൂര് ആറാട്ടുകടവ് ടി.എ. കനാലില് വലവീശുന്നതിനിടെയാണു ഗ്രനേഡ് കിട്ടിയത്.
കട്ടിയുള്ള വസ്തു വലയില്കുടുങ്ങിയപ്പോള് സംശയം തോന്നിയ രാജന്, അടുത്തുള്ള പട്ടാളക്കാരായ സുഹൃത്തുക്കളെ വിളിച്ചു വരുത്തി. അവരെത്തി പരിശോധിച്ചപ്പോള് ഗ്രനേഡാണെന്നു മനസ്സിലായതോടെ ഉടന് പോലീസ് കണ്ട്രോള് റൂമില് അറിയിക്കുകയും കുറത്തികാട് പോലീസെത്തി ഗ്രനേഡ് സ്റ്റേഷനിലേക്കു മാറ്റുകയും ചെയ്തു.
തുടര്ന്ന് ബോംബ് സ്ക്വാഡെത്തി കോമല്ലൂര് വെട്ടിക്കോട് പുഞ്ചയില്വെച്ചു കനത്ത സുരക്ഷാസംവിധാനത്തോടെ ഗ്രനേഡ് നിര്വീര്യമാക്കുകയും ചെയ്തു. ബോംബ് ഡിറ്റക്ഷന് ടീം സ്റ്റേറ്റ് സ്പെഷ്യല് ബ്രാഞ്ച് എസ്.ഐ. എസ്. സിബുവിന്റെ നേതൃത്വത്തിലുള്ള സംഘമാണു നിര്വീര്യമാക്കിയത്. ഒന്പതുമീറ്റര് ചുറ്റളവില് പൂര്ണ നാശമുണ്ടാക്കാന് കഴിയുന്ന, 248 മീറ്ററോളം അപകടപരിധിയുള്ള ഗ്രനേഡാണിതെന്ന് ഉദ്യോഗസ്ഥര്.
പഴകിയതിനാല് പൂര്ണശേഷിയിലുള്ള സ്ഫോടനമുണ്ടായില്ല. വലിയശബ്ദവും 30 മീറ്റര് ഭാഗത്തോളം മര്ദവും അനുഭവപ്പെട്ടു.
ദ്യം സ്റ്റേഷന് പരിസരത്തെ മൈതാനത്തുവെച്ചു നിര്വീര്യമാക്കാന് തീരുമാനിച്ചെങ്കിലും പ്രഹരശേഷി കണക്കിലെടുത്തു വെട്ടിക്കോട്ട് പുഞ്ചയിലേക്കു മാറ്റി.
ഗ്രനേഡ് ഇന്ത്യന് നിര്മിതമാണോ വിദേശ നിര്മിതമാണോയെന്നു കണ്ടെത്താനായില്ല. ചളിയും തുരുമ്പും പറ്റിപ്പിടിച്ചിരുന്നതിനാല് വിശദാംശങ്ങള് കൃത്യമായി തിരിച്ചറിയാനായില്ല. അപകടസാധ്യത കണക്കിലെടുത്തു പുറംഭാഗം വൃത്തിയാക്കാതെയാണ് നിര്വീര്യമാക്കിയത്.
"
https://www.facebook.com/Malayalivartha
